Ватопедским святым

Исходные тексты с указанием авторства

Собору святых Ватопедских

Тропарь, Глас 1. Кaмени запечaтану:

Оби́тели Ватопéдския пито́мцы и цели́телие,/ и вселéнныя свети́ла, богоно́снии, яви́стеся,/ отцы́ всечестни́и нáши,/ в по́двизех до́бре пострáдавше,/ сего́ рáди по достоя́нию пáмять вáшу всечестнýю совершáем,/ слáву вознося́ще Христу:/ слáва Освяти́вшему вы,// слáва в бедáх нам вы предстáтели Показáвшему.

Кондак, глас 8. Подобен: Взбранной:

Преесте́ственная ва́ша боре́ния/ и труды́ до́брых по́двигов ва́ших восхваля́ем, дивя́щеся, богоно́снии./ В по́стничестве бо и страда́нии просия́вше,/ венцы́ украси́стеся ве́ры. Те́мже зове́м: ра́дуйтеся,// отцы́ препо́добнии.

Святителю Филофею Коккину
Тропарь, глас 1. Подобен: Пустынный житель:

Дýха благодáть я́ве наслéдовав,/ Богосло́вия показáлся еси истолковáтель богомýдрый,/ и божéственный святи́тель Христо́в,/ я́ко сосýд Небéсных добродéтелей,/ сего́ рáди тя Филофéе свящéнне,/ почитáем, вопию́ще:/ слáва Прослáвльшему тя Христý,/ слáва Венчáвшему тя,// слáва Подаю́щему тобо́ю нам прегрешéний оставлéние.

Ин Тропарь свт. Филофею Коккину, глас 4. Скоро предвари:

Розга́ святе́йшая Фесаллони́ки явле́йся,/ Христо́вы Це́ркве боже́ственный па́стырь, Филофе́е, показа́лся еси́;/ ты бо Правосла́вия де́лы просвеща́яй,/ разоря́еши ерети́чествующих кре́пость слове́сную,// моля́ся о всех нас, хва́лящих тя.

Кондак, глас 4. Явился еси днесь:

Доброде́тельными дея́нии укра́шен сы́й, / иера́рх преподо́бен Христо́вы Це́ркве / показа́лся еси́, всеблаже́нне Филофе́е, / правосла́вия // явля́я осия́ние.

Ин кондак, глас 2. Кровей твоих:

Яко иера́рх и таи́нник благода́ти / и Це́ркве предста́тель и забра́ло, / непреста́нно моли́, Филофе́е,/ от вся́кия нýжды и ско́рби // изба́вити прибега́ющих, о́тче, к покро́ву твоемý.

Величание:

Ра́дуйся, о Филофе́е свяще́нне,/ Фесаллони́ки боже́ственное прозябе́ние и честно́е,/ ра́дуйся, Виза́нтия ве́лий пастыренача́льниче/ и ве́рных всех предста́тель ко Го́споду.

Священномученик Владимир Четверин: служба и житие

Святой священномученик Владимир Четверин

Служба, составленная к празднованию 2024 года

Житие

Ученик

Всеблагой и Всемилостивый Господь с первых веков бытия Своей Церкви поставил ее на драгоценной крови добровольных страдальцев, пожелавших скорее лишиться жизни, нежели отказаться от Христа и тем самым потерять душу свою для Жизни Вечной. Невидимые нашим телесным очам они и по сей день являются теплыми и скорыми молитвенниками за нас, грешных, независимо от того, сколько времени прошло с момента блаженной кончины их (1).

Тем более возгорается сердце молитвой к новомученикам российским, так как жили они совсем незадолго до нас, но имели столь великую духовную силу, что жизни своей не пожалели отдать за Христа. Много мучеников было среди мирян, монахов и священников. Одним из священномучеников, пострадавших в начале ХХ века за веру Христову в годы жестоких гонений на Церковь был и священник Владимир Четверин.

Будущий священномученик родился в 1874 году в селе Барахманский Гарт Мокшанской волости Ардатовского уезда Симбирской губернии, стоявшем на речках Румлейке и Барахманке.

В годы его младенчества в Христорождественском храме родного села часто менялись священники, временами в ожидании нового назначения прихожане оставались без службы (3).

Но когда Владимиру исполнилось семь лет, село обрело мудрого наставника и духовного руководителя, отца Рафаила Алеева (4).

При нем работа закипела. Началось поновление и благоустройство храма, за которое взялся на свои средства землевладелец села, Козьма Дрягалов. В 1883 году позолочен иконостас (5), затем отреставрирована колокольня, возведена деревянная ограда, перестелены полы, построена новая караулка (6).

Эта-то караулка и сыграла решающую роль в начальном образовании будущего священномученика. В ней отец Рафаил проводил и многочисленные беседы со взрослыми, и обучал детишек.

Всего в приходе проживало 712 душ мужского пола, из них в самом Барахманском Гарте (2) — 265. Но и из отдаленных сел шли по слякоти и морозу послушать отца Рафаила. За год здесь проводилось до тридцати внебогослужебных бесед. Изъяснялись Воскресные и праздничные Евангелия, Символ веры и заповеди, изучались молитвы и богослужение. Рассказывал батюшка об истории Церкви, о жизни святых (7).

Прихожане посещали собеседования с любовью и усердием. В караулку, которая вмещала пятьдесят человек, набивалось в два-три раза больше.

Даже зимой приходили к батюшке Рафаилу из дальних деревень, отстоящих от церкви от трех до шести верст. В дождливое и холодное время посетителей было меньше, но как только устанавливалась благоприятная погода, снова караулка не вмещала желающих (8).

Христорождественский храм
в с. Барахманский Гарт

 
В отчете за 1888 год отец Рафаил писал, что он, чтобы не утомить внимания слушателей, старался предметы своих бесед разнообразить, составлял каждую беседу из нескольких законченных статей, а чтобы прочитанная статья сопровождалась большим успехом и чтобы крестьяне, сколько возможно, запомнили и приняли к сердцу прочитанное, он старался изложить предмет как можно проще, нагляднее и яснее, повторяя одно и то же не один раз, для поддержания же внимания слушателей нередко предлагал слушателям петь более известные молитвы, что народу весьма нравилось. По окончании бесед батюшка иногда раздавал крестьянам дешевые книжки и киевские листки (9).

Особое внимание о. Рафаил уделял детям. Он организовал в селе школу грамотности и сам возглавил ее (10). В этой-то школе Владимир учился читать и писать, вникать в Евангельские строки. Вдохновленный примером пламенного служения о. Рафаила, Владимир с юности возлюбил путь учительства и возжелал всем сердцем нести людям свет Христовой веры.

В шестнадцать лет юноша расстался со своим первым наставником: отца Рафаила перевели в село Чуварлеи (11).

Учитель

С 1890 года Владимир попробовал свои силы в роли преподавателя Кунеевской (12) школы грамоты.

Тем временем церковно-приходская школа того же села вызывала порицание у высшего церковного начальства. Здесь до 1894-го года преподавал псаломщик Архангельский, о котором в отчете писалось так: «... не зная педагогических приемов, ведет учебное дело весьма независимо и занимается им без всякой любви и старания. С нового учебного года Отделение (просвещения) предполагает заменить его на должности учителя другим лицом, к делу способным» (13).

Одним из таких способных лиц и стал Владимир Четверин, который к этому времени уже имел свидетельство на звание учителя (14). В этой школе, которая занимала отдельное помещение в селе Кунееве, Владимир прослужил семь лет.

Акафист святому праведному Лазарю Четверодневному, епископу Киттийскому

АКАФИСТ

святому Лазарю Четверодневному,
епископу Киттийскому

Переложение с акафиста монаха Герасима Микраяннита

Кондак 1

Избранный друже Христов/ и общаго воскресения уверителю,/ из мертвых  возставленный/ повелением Господа живоносным!/ Ныне, подножию ногу Его предстоя,/ моли, да избавит от смерти вечныя/ и всякия скорби/ любовию ти вопиющия:/ радуйся, святый Лазарю// праведный друже Божий.

Икос 1

Ангельское непорочное жительство в Слове Божии проводя, Слову Божию друг соделася,/ и, дарования богатная от Него восприим,/ ими светиши всем, вопиющим ти сице:

Радуйся, Иисуса Кротчайшаго Богодухновенный любимче;
радуйся, благоговения и боголюбия светило.
Радуйся, яко по закону Завета Ветхаго жизнь управил еси;
радуйся, яко благодать по Завету Новому восприял еси.
Радуйся, чистых деяний высоту нам показавый;
радуйся, богоразумия глубине нас научивый.
Радуйся, яко по закону достойно прославляешися;
радуйся, яко благодать Спасову нам являеши.
Радуйся, звездо превосходнейшия любве;
радуйся, противоборче фарисейския прелести.
Радуйся, жития добродетельнаго зерцало;
радуйся, нравов Небесных вертограде.

Радуйся, святый Лазарю, праведный друже Божий.

Кондак 2

Видя и познавая пришествие на землю Превечнаго Бога, всесовершенно Тому уверовал еси, Лазарю всеблаженне. Той же твоего сердца рачение яко угодное прием, друга тя показа, Ему же ты радостию вопияше: Аллилуиа.

Икос 2

Разумом правым ко Источнику разума, плотию нас ради Пришедшу, присно взирая священныя любве очима,/ последовал еси Ему и верою Тому соединился еси./ Тем твоей мудрости дивящеся, взываем:

Радуйся, таинниче Божия Слова;
радуйся, мирская пристрастия отложивый.
Радуйся, законных повелений усердный хранителю;
радуйся, священных заповедей исполнителю.
Радуйся, древо, благодатныя плоды износящее;
радуйся, водо Небесная, в скорбех нас орошающая.
Радуйся, яко Господеви всецело себе возложил еси;
радуйся, яко земных богомудро удалился еси.
Радуйся, ко Всемилостивому любве нас научаяй;
радуйся, к Того доброте неизреченней наши умы возводяй.
Радуйся, дольних страстей отбегавый;
радуйся, вышнее просвещение стяжавый.

Радуйся, святый Лазарю, праведный друже Божий.

Кондак 3

Сильный, Всеведущий Бог, Господь Иисус, зря жития твоего высоту, ближняго наперсника тя показует, Лазарю преблаженне, ты же, в неизреченное таинство воплощения страшнаго посвящен, благоговением возглашаше Тому: Аллилуия.

Икос 3

Имея веру живую и делы Божественныя, богоугодно управил еси житие твое, Лазарю дивный, и Евангельскою проповедию просиял еси, приводя Всецарю благоговением зовущия ти таковая:

Радуйся, таинниче благовестия;
радуйся, рабе Животодавца.
Радуйся, лучу благостыни, нас осиявающая;
радуйся, обоняние чистоты, нам благоухающее.
Радуйся, апостолом равночестный;
радуйся, Ангелом единонравный.
Радуйся, даров Духа сокровище неоскудеваемое;
радуйся, благодати обиталище и пажите неувядаемая.
Радуйся, яко исполнился еси Божия озарения невещественнаго;
радуйся, яко превыше явился еси пристрастия по естеству.
Радуйся, яко вины страстей отсекати нам помогаеши;
радуйся, яко сущим в печалех радование ниспосылаеши.

Радуйся, святый Лазарю, праведный друже Божий.

Кондак 4

Буря болезни смертныя найде на тя, крепкодушне, Христос же Всеведец глаголаше на пути: Лазарь, друг Наш, успе. Но идем и возставим Нас любящаго, да воскреснет от смертнаго сна и возопиет: Аллилуия.

Икос 4

Слыша моления нас, немощствующих, к тебе, благосерде Лазарю, болезнь и смерть претерпевшему, не престай молитвы покров простирати над нами и избавляти скобей и болезней возглашающих ти таковая:

Радуйся, о немощных печальниче;
радуйся, о нас, грешных, пред Богом заступниче.
Радуйся, всем цельбы источаяй;
радуйся, козней тьмы избавляй.
Радуйся, нетления приемый диадиму;
радуйся, чадцам церковным ходатайствуяй дарования.
Радуйся, славы и светлости Богосозданныя общниче;
радуйся, Божественныя благостыни к нам низводителю.
Радуйся, яко непорочно на земли подвизался еси;
радуйся, яко по достоянию от Бога честь восприял еси.
Радуйся, от печали многия соблюдаяй;
радуйся, добродеянии наша сердца озаряй.
Радуйся, святый Лазарю, праведный друже Божий.

Кондак 5

Бога Господа Иисуса познав, Марфа с Мариею, сестры твоя, Лазарю, Тому вопияху: аще в Вифании был еси, Учителю, не бы умерл брат наш. Темже ко гробу приближися Жизнодавец, да воздвигнет четверодневна тя, взывающа: Аллилуия.

Тропари и кондаки святым преподобномученицам Бутовским

Память святыя мученицы Аполлинарии

Бутовския

(Тупицыной), 30 сентября 1937 г. ст. ст./ 13 октября н. ст.

Тропарь, глас 2:

Слово Евангельское сердцем объéмши,/ болящим служению/ всерáдостно себе предала еси,/ благолюбúвая Аполлинáрие,/ тéмже зря Христос/ истинное твое пред ближним смирение/ и зáповедем Своим послушание,/ даровá ти еже о Нем пострадáти./ Сего ради, милостивая,/ немúлостивно ятая и убиенная,/ грехóвныя наша язвы уврачуй// всемóщными молитвами твоими.

Кондак, глас 7:

Фиваиды сéверныя óтрасле,/ Цéркве Рýсския дивное процветéние,/ приимú от нас песнопений цветы,/ Аполлинáрие, Божия угоднице,/ мúлостию бо и долготерпением многим/ немощи и болезни ближних понесла еси,/тáко закон Христов испóлньши./ Тéмже, на земли Явúвыйся за милосéрдие/ и благоутрóбия Пучúна/ да подáст любóвию тя чтýщим/ исправление, и покаяние,/ и душевных стрýпов исцеление,// и спасéние душ наших.

Память святыя преподобномýченицы Евдокúи

Марфо-Мариúнския, Бýтовския

(Кузьминовой), +23 января 1938 г. ст. ст./ 5 февраля н. ст.

Тропарь, глас 3:

Марфы и Марúи дéлании/ Господу Воскрéсшему угодúвши,/ богомýдрая Евдокúе,/ мучúтелей отнюд не устрашúся/ и себé служúтельницу Спáсову исповéдала еси./ Тéмже, яко о úмени Его заклáнная,/ ныне в Церкви Тожествýющей/ вкýпе с преподобномýченицею Елисавéтою/ и сéстры обители твоея/ Ему предстоящи,/ не престáй молящися/ нам грехóв прощению даровáтися// и спастúся душам нáшим.

Кондак, глас 2:

Милосéрдия, и служéния стрáждущим,/ и болящих утешéния/ дóбрый óбраз нам являеши,/ áгнице словéсная,/ преподобномýченице Евдокúе,/ Марфо-Мариúнския обúтели многоплóдная óтрасле,/ тéмже, в Цáрствии Небéснем увенчáнная,/ испросú нам покаяния,/ и в служéнии блúжним укреплéния,// и спасéния душ наших.

Память святыя преподобномýченицы

Рафаилы Бýтовския

(Вишняковой), память 4 февраля ст. ст./ 17 февраля н. ст.

Тропарь, глас 6:

Стрáнническим шéствоваши путем,/ к Странствию Владычню ýмне восходящи,/ добродетели Евангельския/ крóтость, незлóбие, смирéние и чистотý,/ дивная Рафаúло, нам явúла еси/ и безбóжных посрамúла еси лютая стремлéния./ Темже, Вышния благодати приятелище,/ крепкодýшия сокрóвище,/ умолú нам покаяния достúгнути// и спастися душам нашим.

Кондак, глас 2:

Тя, безмóлвия дéлательницу,/ покаяния в молчáнии уст/ úстинную рачúтельницу,/ доблемýдренная Рафаúло,/ беззакóнницы лютии/ беззакóнну показáти всýе тщáхуся,/ и, хотяще возвестú тя к заколéнию,/ ко Отéчествию Небéсному возведóша./ Тéмже ныне нам сияеши/ на церковней тверди,/ путевóдною звездóю./ Моли Христа, Егоже возлюбила еси\ о почитающих тя.

Ин канон Сретения Господня

Ин канон Сретения Господня, глас 1,
егоже краестрóчие: Христа старец рукáма взя;
в восьмой же и девятой пéснех: Иосиф.

Творение преподобнаго Иосифа Песнописца

В формате word

Песнь 1

Ирмос: Христос раждается, славите:

Христос плóтию явися,/ Христóс во храм ныне ведéтся,/ Христóс старцу даéтся,/ поúм Ему вси песнь новую/ и в веселии воспоúм Его, яко прослáвися.

Да каплют нам свыше óблацы весéлие вечное;/ горы, cладость искáпайте,/ яко из горы бо Девы Христос явúся,/ якоже на облаце держúм,/ в храм Младенец принóсится.

Да обожúт человека,/ Бог Предвечный нов человек паче слова бысть,/ дáры же принóсит Иосиф,/ яко супруг горличищ, от обоúх из народа избрáннаго.

Взыгрáим, людие, днесь,/ с Симеóном, и Áнною же, и Иóсифом,/ чтýще любóвию Богорóдицу и Сына Ея воспевáюще,/ Егóже на руку Симеóн объéмлет.

Песнь 3

Ирмос: Прежде век:

Прежде век Сýща, из чрева Рождéнна,/ изрáстшаго от Дéвы в послéдняя, Младéнствующа несказáнно/ рукáма стáрчима приéмлет Симеóн, весéлием вопия:/ Свят еси, Господи!

Иже всех сýщих Творец и Владыка всяческих,/ кáко пришéл еси подлéтен,/ в рáбием ныне зрáце, Бог сый Предвечный?/ Дивлюся, вопиéт Симеóн, Твоему крáйнему снизхождéнию!

Закон и пророки испóлнити Христос пришед,/ и сего ради плотонóсен во храм ныне внúде,/ яко да страстéй человéческoе свободúт/ и благодáть земнорóдным даст воз благодáть.

Стáрче богомýдрый, рáдостне ныне Божéственнаго подымú Царя и Владыку,/ якоже Младéнца зрúма, Мáтернима рукáма держúма,/ во éже спастú род наш и живóт нам даровáти.

Песнь 4

Ирмос: Жезл из корене:

Жéзл из кóрене Иессéова произрастúти/ Тя Исáия преднаписá, Иисýсе Спáсе,/ ныне же ясно зря Симеóн всех речéнных сбытиé, вопиéт Ти:/ отпустú мя, раба Твоего, Владыко Господи.

Премýдрость и Слово Отчее Истиннейшее сый,/ не восхищéнием же непщевáвый быти рáвен Богу,/ но Себé умáлил,/ даже и до в рáбием зрáце дати Себе в Симеóновы рýце./ Слáва силе Твоей, Господи!

Глубинý судóв Твоих, Христе, никтóже исповесть:/ паче бо слова Твое зачáтие, рождество паче ума, неизречéнна вся;/ тем Симеóн Младéнца видя Тя,/ вносима в храм, рáдуяся, рукáма прия.

От Божия Духа о грядýщих яве предизвестúся Симеóн/ не вúдети смéрти, прежде даже ýзрит Тя, Христе,/ ныне же отвéтов конéц видя свéдомь,/ Спáсу мира обрáдованно вопияше:/ слáва силе Твоей, Господи.

Песнь 5

Ирмос: Бог сый мира:

Воплощéния велие таинство ныне разумом зря духовным,/ яко приúде спасение Изрáилю новому, Семеóне Богоприúмче,/ тéмже тецы,/ нося Адаму и всем сýщим во аде благовéстие.

Сия стáрец Божéственный ясно, яко слухом младым, прия,/ благодáтию просвещáемь носúмаго им Христа, речé:/ ныне отпущáеши Твоего, Владыко, рабá,/ Твоé бо спасéние óчи мои вúдеста днесь.

Людей Израиля Божественную славу,/ зря Симеон Христа/ и Свет безлéтный языком во откровéние,/ вопияше в рáдости:/ о рýце разслáбленнеи, колене преутруждéнне,/ скоро грядúте утéшити прáотцы.

Показáшеся весь света Божéственнаго испóлнь,/ Свет внéдривый мира,/ Богоглагóливый и старец Симеóн,/ от Него же приúм благодáть, предузнá грядýщее,/ тéмже прорицáше Богорóдице, провещавáя.

Храм одушевлéн сýщи Бога,/ Христа во утробе Твоей носила еси,/ яко престол, Богоневéсто Пречúстая, Херувúмский,/ но се, лежит Сей на падение многим Един,/ и áбие на востáние,/ во Израили се, сýщих сýдеб.


Песнь 6

Ирмос: Из утробы Иону:

Сын Твой, о Честнáя Мати Дево,/ написáся прежде камень претыкáния и соблáзна,/ камень Дýхом Бóжиим предречéся,/ úмже пáдшии преткнýтся и безýмнии,/ дýши же разýмных утвердятся,/ благочéстия светом озаряеми.

Ты ми яве недоумéние разрешил еси, старче мудрый, богоносúм,/ но рцы ми, прорóчествуя к сýщим в Дусе,/ что убо будет, яже рекл еси, достохвáльне:/ вéлие пребывает неизреченное воплощения сие таинство?

Речé иногдá прорóк величáйший,/ яко даст земнорóдным знамение Господь,/ éже родúти Тебé, Богорóдице, безсéменно, Егóже узрéх,/ и ношý, якоже дрéвле бых извещéн./ Сей в пререкáемое выну будет знáмение концéм.

Слава людей твоих, Изрáилю, ныне рéкл еси,/ и свет языком во откровение/ уготóвится Сына Моего Сего спасение:/ кáко ýбо, рцы ми, знáмение, о стáрче, будет и пререкáемое?/ Иже к славе, и свет мира происходит.

Песнь 7

Ирмос: Отроцы благочéстию совоспитáни:

Стрáнну и неизречéнну тáинству Богорождéния Моегó сýщу,/ божéственне Симеóне,/ стрáнну и несказáнну сему пребыти подобáет,/ темже яве приобщúся рáдости,/ юже прежде Аз едина улучúх.

Свыше Ти благодáть сицевáя дадéся, Богомáти,/ преспéющия ради чистоты души и телесé,/ тéмже подобáет Ти выну/ éже рáдуйся, Пренепорóчная,/ всемúрныя бо рáдости Ты еси винá.

Дух Мой возвеселúся о Бóзе Спáсе и Бóзе Сыне Моем,/ яко бо Едúный Сúльный велúчие Мне сотворú,/ тем Того со Мною, старче, прослáви, взывáя:/ Боже, благословéн еси.

Поистине подобает Ти, Дево, величáти/ мнóгая величúя Ти Сотвóршаго,/ и Херувúм и Серафúм честнéйшую Показáвшаго,/ но подобáет же и ми ныне прослáвити Его,/ яко Сподóбльшаго мя Его понестú.

Песнь 8

Ирмос: Чýдо преестéственное:

О твоего, о Симеóне, воúстинну благослáвия!/ Яко бо престол херувимский явúся,/ Христа во объятия твоя преестéственно приúм./ С Мáтерию ýбо Иосиф же взыгрáя, ликуй, вопия благодáрственно Ему выну:/ благословúте всех Творца и Господа, и превозносúте во вся вéки.

Славу хвалéбную возсылáю/ неизречéнно Благоволúвшему плóтию родúтися/ и Извóлившему во объятиих ныне моих почивáти милости ради неисповедúмыя./ Тя же благословлю, Всеблагословéнне;/ обáче Дух предглагóлати ми повелевает паки/ о Тебе и Рождестве Твоем.

Всетворцóм яснéйше благоволúся открыти ти сокровéнная,/ тем обещано тебе бысть не вúдети убо смерти, прежде даже Сего во объятиих не понесéши яко Младенца;/ ныне же в церкви узрéся ти проречéннаго сбытиé ясно/ тéмже прорóчествуй, пáче бо Моисéя воúстинну возвелúчен еси.

Се от дéвственных Христос кровéй/ воплощáемый явúся несказáнно,/ и яко Младéнец совершен принесéн бысть в храм,/ закóнное исполняя, закона сый Творец,/ Симеóн же старец на объятия восприя,/ пойте Сего, вопия, людие,/ и превозносúте во вся веки.

Песнь 9

Ирмос: Тáинство стрáнное:

Никúйже разум силен постúгнути, Непорочная, страшное таинство Божéственнаго Твоего Рождества, яко стрáнно,/ но понéже благоволúт, якоже Сам весть, земнорóдныя спастú Стрáстию Крéстною,/ подобает Ти орýжие скóрби восприяти.

Симеóне стáрче, в Божéственных просвещéн,/ Дýхом рцы Ми, речé Мариáм,/ не умéдли, возвестú же Ми ясно,/ о сем страшном и паче разума тáинстве,/ чесó рáди сие совершúтися úмать?

Приúде во éже спастú род человéческий Владыка, Пречистая, Стрáстию Крéстною,/ яко да от многих сердец открыв помышлéния, прослáвится плотонóсец Бог,/ божéствен весь проречé Симеóн.

Носяй мя, Дéвою ввóдится в храм яко Младéнец,/ Слово Отчее неслиянно:/ ликýй, тварь, глáсы благодáрно величáющи,/ милости ради Того всесвятóе снизхождéние.

Рабочий файл со сносками

Стихиры на Обрезание Господне

Обрезание Господне

На литиú праздника, самогласны

Глас 1

Еже в законе служéния* уставляя сéнь,* Христос Истина,* яко свет прииде:* и, законное исполняя,* плóтию обрéзуется* и духовное обрéзание* Церкви привóдит,* знáмение и óбраз ко спасéнию нам оставль .* Сего ради стопáм Его последующе,* духовное обрéзание приемлем,* яко да вéчныя жизни достúгнем** Того блáгостию.

Глас 2

Господи, от Девы произшéд,* наше прияв смешéние,* яко Младéнец Ею принесéся* обрéзатися плóтию,* да не мечтáние вменúтся* Твое смотрéние.* Сего ради áнгели ужасóшася,* зряще смирéния Твоего велúчествие,* и воспевáху Твое снизхождéние,* зовýще и глагóлюще:* слава мнóжеству щедрóт Твоих,* непостижúме Господи,** Иже спасл еси человека.

И ныне, праздника. Глас 4.

Твоего смотрéния* вéлие тáинство слáвяще, Господи,* éже на земли житиé Твое воспевáем,* úмже нас к Небесéм возвéл еси,* Иже естеством мúлостивый* яко человек бо вся претерпéл еси * и яко Бог содевáеши яже ко спасéнию нáшему.* Темже Рождествóм Твоим возродúвшеся* и обрéзанием Твоим всякий избыток отвéргше,* ко Твоей любвú возвóдимся,* чáюще от Тебе велия и богáтыя мúлости.

Перевод выполнен по тексту из греческой Минеи, находящейся в Болгарии:

Ἰδιόμελα λιτῆς τῆς ἑορτῆς.

Ἦχος α΄.

Τῆς ἐν νόμῳ λατρείας * καταπαύων τὴν σκιὰν * Χριστὸς ἡ ἀλήθεια * ὡς φῶς ἐπεδήμησε· καὶ τὰ τοῦ νόμου ἐκπληρῶν * τὴν σάρκα περιτέμνεται * καὶ τὴν πνευματικὴν περιτομὴν * τῇ Ἐκκλησίᾳ ἀντεισάγει, * τύπον καὶ ὑπόδειγμα πρὸς σωτηρίαν * ἡμῖν ὑπολιμπάνων. Ὅθεν οἱ τοῖς ἴχνεσιν αὐτοῦ ἀκολουθοῦντες * τὴν πνευματικὴν περιτομὴν ἐνστερνισώμεθα, * ἵνα τῆς αἰωνίου ζωῆς ἐπιτύχωμεν * τῇ αὐτοῦ ἀγαθότητι.

Ἦχος β΄.

Κύριε, * ἐκ Παρθένου προελθών, * τὸ ἡμέτερον προσλαβόμενος φύραμα, * ὡς βρέφος παρ᾿ αὐτῆς προσηνέχθης * περιτμηθῆναι σαρκί, * ἵνα μὴ φαντασία νομισθῇ * ἡ σὴ οἰκονομία. * Ὅθεν ἄγγελοι ἐξέστησαν * ὁρῶντες τὸ τῆς ταπεινώσεώς σου μέγεθος * καὶ ὕμνουν τὴν σὴν συγκατάβασιν * βοῶντες καὶ λέγοντες· * Δόξα τῷ πλήθει τῶν οἰκτιρμῶν σου, * ἀκατάληπτε Κύριε, * ὁ σώσας τὸν ἄνθρωπον.

Καὶ νῦν. Τῆς ἑορτῆς. Ἦχος δ΄.

Τῆς σῆς οἰκονομίας * τὸ μέγα μυστήριον * δοξάζοντες, Κύριε, * τὴν ἐπὶ γῆς πολιτείαν σου ὑμνοῦμεν, * δι᾿ ἧς ἡμᾶς εἰς οὐρανοὺς ἀνήγαγες * ὁ φύσει ἐλεήμων· * ὅτι ὡς ἄνθρωπος πάντα ἠνέσχου * καὶ ὡς Θεὸς ἐνήργεις * τὰ τῆς ἡμῶν σωτηρίας. * Διὸ τῇ γεννήσει σου ἀναγεννηθέντες * καὶ τῇ περιτομῇ πᾶν περιττὸν ἀποβαλόντες, * πρὸς τὴν σὴν ἀγάπην ἀναγόμεθα, ἀπεκδεχόμενοι παρὰ σοῦ * τὸ μέγα καὶ πλούσιον ἔλεος.

Тропари и кондаки Грузинским святым

Публикация будет пополняться

Святым мучеником Бидзине, Элисбару и Шалве

Тропарь**, гл. 2:

Победоносцы Господни,/ блажéнна земля,/ напúвшаяся крóвьми вашими,/ и святы гробы,/ приúмшии телеса ваша,/ на пóприще бо в них врага нéмощна сотворúсте,/ и Христа Бога со дерзновением проповéдасте./ Того, яко Блага, молите// помúловати души наша.

Кондак**, глас 2:

Твердый и всесвéтлый лик мученик трех,/ Трисóлнечнаго Божества исповéдницы,/ на судúщи шáховом Тому взывáху:/ кровь и души нáша с телесы/ яко непорóчную жертву/ приносим Тебе, Владыко:/ в Небéсных Перворóдных Твоих ны сопричтú,// яко Бог Милостивый.

 Преподобному Гавриúлу Иверскому, Афонскому

Тропарь*, гл. 3.

Паче знáмений вéлиих/ добродéтели и труды твоя явúшася,/ преподóбне отче Гавриúле,/ тéмже Всевéдец Бог,/ вúдя твое крáйнее смирéние,/ тя чудесы обогатú./ Сегó ради óбраз Пресвятыя Богорóдицы,/ дúвно волнáми носúмый,/ яко посýху шéствуя, приял еси,/ Юже непрестáнно молú/ нам грехóв оставлéнию даровáтися// и спастúся душáм нáшим.

Преподобному и богоносному отцу нашему

Георгию Карслидису

Тропарь****, глас 4.

Подобен: Вознесыйся на Крест:

Умиления, молитвы немóлчныя,/  умерщвлéния плоти,/ безстрáстия, простоты и трезвéния/ явúвшаго нóвую зарю,/ воспоúм Геóргия,/ обúтели Вознесéнския постника и основáтеля,/ пéсньми Божéственными,/ сего ко Господу скорых мóлений// в нýждах взыскýющии.