воскресенье, 20 октября 2013 г.

Прп. Макарию Оптинскому стихиры

Преподобному Макарию Оптинскому 

Стихиры, глас 1.
Подобен: Небесных чинов:

Цвéты писáний Отéческих облетáя,/ якоже птенéц гнездá Паúсиева,/ Макáрие святе,/ тéми зовéши к Богу всех нас,/ сýщих в бýрях страстéй и искушéний,// и избавляеши молúтвами твоúми.

Свящéнныя одéжды красотý/ мúлостию содéлал еси светлéйшу,/ утешáя скорбящия,/ унылыя воздвизáя и ободряя,/ яко премýдрый кормчий, богоносе./ Тем и нам являеши дúвная:/ якоже иногдá духовная чáда твоя/ ныне наставляеши ны// ко пристáнищу спасéния.

Смирения доброты проходя/ стрáшную оную разумéл еси/ слáву крéстную, святе./ Нам же небéсная словесá/ дéтельных восхождéний являеши/ и ко смиренномýдрию управляеши,// свящéннейший отче.

На стиховне слава, глас 8.
Подобен: Что вы наречем?


Что тя наречéм, блажéнне?/ Настáвника ли, яко образ монáшескаго жúтельства явил еси?/ Столп ли вéры, яко о слáве Божией поревновáл еси?/ Свéщник ли? Озаряеши бо добродéтельми Русú концы./ Шúпок ли? В мире бо словесы благоухáеши./ Дúвна твоя делá,/ хвáльна и даровáния.// Моли спастúся душáм нáшим.

пятница, 18 октября 2013 г.

Свт. Мнасону Кипрскому тропарь и кондак

Св. Мнасон. Мозаика у врат
монастыря св. Ираклидия.
Кипр, дер. Политико


Октября девятнадцатаго дня
иже во святых отца нашего

Мнáсона Кúпрскаго,
епископа Тамáсскаго



Тропарь, глас 1

Божéственною любóвию воспламенéнный,/ таúнником Христовым причтéнный,/ Божия Духа сосýд явúлся еси,/дрéвний ученик призвáнный,/ и странноприявый божéственныя Апóстолы,/ киприóтов похвалó,/ Тамассúан священноначáльниче,/ Мнáсоне отче наш,/ молú Христа Бога// спастúся душáм нашим.

Кондак, глас 2.
Подобен: Вышних ища
творение Хрисанфа Перваго, митрополита Лимассольскаго 


Свéтом божéственным/ сияеши, всеблажéнне,/ просвещáя нас, любóвию поющих/ твоé честнóе и слáвное и святóе,/ óтче Мнáсоне, преставлéние./ Святúтелю всехвáльне// моли непрестáнно о всех нас.


Святитель Мнáсон родился на Кипре, близ Тамасса, а крещен и просвещен святым Апостолом Иоаном Богословом в Иерусалиме, куда путешествовал с другом, преподобным Феодором Кипрским. Возвратившись домой, святые разделили труды апостолького служения, которые нес священномученик Ираклидий. По смерти св. Ираклидия св. Мнасон был поставлен епископом Тамасским.
Честная глава святого ныне хранится в алтаре соборного храма монастыря святого Ираклидия.

Память св. Мнасона внесена в последнее издание русских зеленых миней под 18 октября по старому стилю.


понедельник, 7 октября 2013 г.

Собору Лимассольских святых тропарь и кондак

Собор святых Лимассольских.
Празднование 7 октября

Собору Лимассольских святых


Тропарь, глас 4.
Подобен: Вознесыйся на Крест:
Велелепно Богом прославлении / яко святителие и воини добропобеднии/ и подвижницы богомудрии,/ Лимассольскаго града звезды путеводныя,/ Церкви Христовой / в разная времена возсиявшия,/ тьму неразумия отжените / от иже верою // притекающих к вам.

Кондак, глас 8. 
Подобен: Взбранной:

Святителей Амафунта воспоим,/ Феодосии, Куриона, Неаполя,/ со Иоанном Великим Милостивым/ и подвижники преподобными,/ и вдохновенными мученики,/ Лимассольския области врачей,/ любовию зовуще:// радуйся, соборе богоприятный.


Собор святых Лимассола (Амафунт (древний город восточнее Лимассола) — Куриу (или Курион, древний город западнее Лимассола) — Неаполь (древнее название Лимассола) — Феодосия (древнее название Лимассола)): 


свт. Аристоклеан Амафунтский, святитель, ученик святого апостола Варнавы. Память в неделю после 1 октября, в день всех святых Лимассольских. I в. Упоминается в Деяниях святых Апостолов (Деян. 13, 13).


суббота, 5 октября 2013 г.

Сщмч. Ермогену Кипрскому тропарь и кондак




Сщмч. Ермогену,
егоже рака во граде Епископии Кипрстей

Празднование 5 октября: в России - по старому стилю, в Греции и на Кипре - по новому.
 

Тропарь, глас 1.
Под.: Камени запечатану: 

 
Финик
úи прозябéние/ и самóсских жúтелей крéпость/ киприóтов же страж и хранúтель показáлся еси,/ Ермогéне, отче наш./ Мóрем прошéд аки жив,/ тогó влáяния укрощáя,/ чýдно рáка твоя/ грáда Епископúи достúже./ Слава Богу, тáко благоволúвшему,/ слава тя Путеводúвшему,// слава Дéйствующему тобою всем исцелéния. 
 
Кондак, гл. 3.
Подобен: Дева днесь: 

 
Гр
áждан самóсских удобрéние/ и киприóтов похвалу/ Ермогéна всячески пéсньми да восхвáлим/ той бо Трóйческий свет приúм,/ яко сóлнце возсия во вселéнней./ Тому усéрдно воспоúм/ и поклонúмся, глагóлюще:/ рáдуйся, чудотвóрче// Ермогéне преподóбне. 



Каменная гробница святого, которая, как повествуют житие и тропарь, чудесным образом по морю достигла города Епископия, что по-гречески означает милостивое, заботливое  посещение. Ныне она пребывает в храме во имя священномученика Ермогена, у моря, близ места, где некогда причалила к берегу, в нескольких километрах западнее Лимассола. Местные жители почитают святого как чудотворца и приходят приложиться к гробнице, и даже садятся на нее, прислоняясь для излечения всей спиной.



Перевод выполнен по изданию: " Служба и житие святому священномученику Ермогену чудотворцу // Собрание последований кипрским святым, выпуск 6. Издательство священной Митрополии Лимассольской, 1985 г.

ἡ Μακαρία μοναχή

 

вторник, 1 октября 2013 г.

Канон молебный
всем кипрским святым

творение монаха Герасима


Канон опубликован: "Жития Кипрских святых/ Сборник. Сост. Л. А. Чуткова. — М., 2017. — 962 [4]. — ИС 11-110-1009. C. 921 — 934.

Благословúвшу иерéю, нáчнем псалом 142:
Гóсподи, услыши молúтву мою, внушú молéние мое во úстине Твоей, услыши мя в прáвде Твоей. И не внúди в суд с рабóм Твоим, яко не оправдúтся пред Тобою всяк живый. Яко погнá враг дýшу мою, смирúл есть в землю живот мой; посадúл мя есть в тéмных, яко мéртвыя века. И уны во мне дух мой, во мне смятéся сердце мое. Помянýх дни дрéвния; поучихся во всех дéлех Твоих, в творéниих рукý Твоею поучáхся. Воздéх к Тебе рýце мои, душа моя яко земля безводная Тебе. Скóро услыши мя, Господи, исчезé дух мой; не отвратú лица Твоегó от менé, и уподóблюся низходящим в ров. Слышану сотворú мне заýтра милость Твою, яко на Тя уповах; скажú мне, Господи, путь, воньже пойдý, яко к Тебе взях дýшу мою. Изми мя от враг моих, Господи, к Тебе прибегох. Научи мя творúти вóлю Твою, яко Ты еси Бог мой; Дух Твой Благúй настáвит мя на зéмлю праву. Имене Твоего ради, Господи, живúши мя; прáвдою Твоéю изведéши от печáли дýшу мою. И мúлостию Твоéю потребиши враги моя, и погубúши вся стужáющия душú моéй: яко аз раб Твой есмь.

Таже, во глас 4: Бог Госпóдь, четырежды.
Тропáрь, глас 4.
Под.: Вознесыйся на Крест:
К богонóсным кúпрским святым,/ богоизбрáнному и святóму ликостоянию/ припадéм, вопиюще из глубины души:/ страстотéрпцы мýченицы/ и святúтелие мýдрии,/ пóстницы и преподóбнии,/ Кúпрскаго отóка предстáтелие,/ всякия беды избáвите ны,// вéрою к вам притекáющия.
Слава: тойже. И ныне: Богородичен:
Не умолчúм никогдá, Богородице,/ сúлы Твоя глагóлати, недостóйнии,/ áще бо Ты не бы предстояла молящи,/ кто бы нас избáвил от толúких бед?/ Кто же бы сохранúл доныне свобóдны?/ Не отстýпим Владычице от Тебе,// Твоя бо рабы спасáеши прúсно от всяких лютых.