Преподобной Ксении (Евсевии) тропарь и кондак

 

Преподобной Ксении (Евсевии) тропарь, глас 5.

Подобен: Собезначальное Слово:

А́гницу Господню, до́брую деву,/ преподобную ныне Ксению восхва́лим, ве́рнии,/ и А́нгелом единомы́сленную воспои́м,/ я́же мира сладкая и привре́менную жизнь/ я́ко сон вмени́вшую,/ о нас же пред Богом// непреста́нно хода́тайствующую.

Кондак, глас 2.

Подобен: Кровей твоих токи:

Твою, о странниице[1] Ксе́ние, память соверша́юще,/ любо́вию чту́щии тя,/ воспева́ем Христа,/ без ме́ры дарова́вшаго ти си́лу исцеле́ний,// Его́же присно моли о всех нас.

1. Буквально — твою страннообразную память.

Перевод выполнен по изданию: Ακολουθία, παρακλητικός κανών και οίκοι ήτοι χαιρετισμοί της οσίας μητρός ημών Ξένης. Γεράσομου μοναχού Μικραγιαννανίτου υμνογράφου. Θεσσαλονίκη, 1980

Тропарь и кондак преподобному Акакию, иже в Лествице

Тропарь, глас 4. 

Подобен: Скоро предвари:

Заре́ю утреннею ты явился еси,/ я́коже звезда сияющая,/ и всех озарил еси единонра́вных лики,/ 

Ака́кие преподо́бне,/ блиста́нием доброде́телей твоих,/ и сих соедини́л еси/ цветы хвалебными венча́ти с любо́вию,/ све́тлую, и святую,// и пречестну́ю память твою.

Кондак, глас 4. 

Подобен: Явился еси днесь:

Яви́лся еси столп одушевлен терпения,/  и негаси́мый послушания огнь единоду́шным,/ яко вои́стинну, всеблаже́нне;/ тем воспева́ем// пречестну́ю память твою.

Ἀπολυτίκιον. Ἦχος δ;. Ταχὺ προκατάλαβε.

Ἑῴας ἐξήστραψας ὥσπερ ἀστὴρ φαεινός, καὶ πάντας ἐφαίδρυνας τῶν μονοτρόπων χορούς,

Ἀκάκιε ὅσιε, αἴγλῃ τῶν ἀρετῶν σου,

καὶ διήγειρας τούτους, ἄνθεσιν ἐγκωμίων,

καταστέφειν σὺν πόθῳ,

τὴν σὴν φαιδρὰν καὶ σεπτήν, καὶ πάντιμον μνήμην σου.

Κοντάκιον. Ἦχος δ;. Ἐπεφάνης σήμερον.

Ὤφθης στήλη ἔμψυχος, τῆς καρτερίας, καὶ πυρσὸς ἀείφωτος, ὑπακοῆς ὡς ἀληθῶς, τοῖς

μονοτρόποις πανόλβιε· διὸ ὑμνοῦμεν, τὴν πάνσεμνον μνήμην σου.

Тропарь и кондак преп. Акакия Синайскаго, в Лествице свидетельствованного.

Перевод выполнен по изданию: Υπόδειγμα υπακοής: Όσιος Ακάκιος ο εν τη Κλίμακι. Βίος: Αγιολογική μελέτη: Ασματική ακολουθία: Παράκληση: Χαιρετισμοί. Ιωάννη Γ. Θαλασσινού. Αθήνα: Εκδόσεις Νεκτάριος Δ. Παναγόπουλος, 2009.

Панагия Сумела: тропарь пред иконой Пресвятой Богородицы

Пред иконою Пресвятыя Богородицы,
именуемою Сумельскою
(а также Трапезундскою и Афиниотиссою)

Тропарь, глас 1:

От горы Понти́йския, Всепе́тая,/ святая икона Твоя/ я́коже Божественное сокровище,/ к Вермио́ну пренесе́на бысть благоговейно,/ точа́щи нам освящение./ Те́мже мы, припада́ющии, Дево, всече́стно,/ от души вопием Ти:/ слава девству Твоему, Чистая,/ слава Величиям Твоим,// слава к нам Твоей благосты́не, Владычице.

Σουμελᾶ ἐκ τοῦ ὄρους τοῦ ἐν Πόντῳ Πανύμνητε,

ἡ ἁγία Εἰκών σου

ὥσπερ θεῖον κειμήλιον,

εἰς Βέρμιον μετήχθη εὐλαβῶς,

πηγάζουσα ἡμῖν ἁγιασμόν·

οἱ προσπίπτοντες Παρθένε πανευσεβῶς,

ἀπό ψυχῆς βοῶμέν σοι·

δόξα τῇ παρθενίᾳ σου Ἁγνή,

δόξα τοῖς μεγαλείοις σου,

Перевод выполнен по просьбе, с присланного электронной почтой текста тропаря.
Печатный источник неизвестен.

Прп. Олимпиаде бденная служба

Месяца иулия двадцать пятаго дня
память преподобныя матери нашея, девы и диакониссы
ОЛИМПИАДЫ

Утвержденные тропарь и кондак на сайте Патриархии

Файл бденной службы

Греческий оригинал

Икона Богородицы Кукузелисса

Тропари и кондак, поемые на молебном каноне
пред иконою Божией Матери 

КУКУЗЕЛИССА

(чудотворный образ Лавры святого Афанасия на Афоне)


Тропарь, глас 4.
Подобен: Вознесыйся на Крест:

Божия Матере честному предстательству/ припадающе, взываем вси:/ Богородице, Отроковице Приснодево,/ всякаго обстояния изми стадо твое,/ верою покланяющееся Твоей святей иконе,/ юже у себе* имея, вопиет:/ силою Твоею, Всепетая, укрепи.

Слава и ныне, глас тойже:

Яко сокровищу благодати,/ утешению и умилению божественному,/ и богатству неиждиваемому божественных даров,/ честней Твоей иконе/ в Лавре святаго Афанасия/ верою покланяющиися,/ возвышающиися превыше земныя молвы,/ в мире души взываем Ти:// не престай хранити нас, Владычице.

Кондак, глас 2.
Подобен: Предстательство христиан:

Предстательствовати не престай, Богоневесто,/ и хранити присно немятежну/ Афанасия славнаго словесную паству, Чистая,/ припадающую благоговейно/ к Твоей иконе блистающей/ и вопиющую выну:// избавления искушений,/ содействия благодати/ матерски нам испроси,// притекающим к Покрову Твоему.


Перевод выполнен по просьбе, с интернет-публикации. Помещеннные здесь тропари поются не на Литургии, а на молебном каноне пред иконой Богородицы Кукузелисса, в Лавре святого Афанасия на Афоне. Публикуются также при молебном каноне.

* Букв.: в лоне своем. Перенос: у себя, в своей собственности.


Оригинал:

Τῆς Θεοτόκου τῇ σεπτῇ προστασίᾳ, προσπεφευγότες ἀνακράξωμεν πάντες, Θεογεννῆτορ Κόρη Ἀειπάρθενε, πάσης περιστάσεως, ἐξελοῦ τὴν Σὴν ποίμνην, πίστει προσκυνοῦσάν Σου, τὴν ἁγίαν Εἰκόνα, Ἣν ἐν τοῖς κόλποις κατέχουσα βοᾷ· τῇ Σῇ δυνάμει, Πανύμνητε ῥώννυμι.

Δόξα. Καὶ νῦν.

Οἱ ἐν τῇ Λαύρᾳ θησαυρὸν χαρισμάτων, παραμυθίαν καὶ παράκλησιν θείαν, καὶ πλοῦτον ἀδαπάνητον ἐνθέων δωρεῶν, πίστει προσκτησάμενοι, τὴν σεπτήν Σου Εἰκόνα, ὕπερθεν ὑψούμενοι, τῶν γηΐνων τῆς τύρβης, καὶ ἐν εἰρήνῃ βοῶμέν Σοι ψυχῆς· μὴ διαλείπῃς, φρουρεῖν ἡμᾶς Δέσποινα.

Κοντάκιον. Ἦχος β΄. Προστασία τῶν Χριστιανῶν.

Προστατεύειν μὴ ἐλλείπης Θεόνυμφε, καὶ φρουρεῖν διαπαντὸς ἀστασίαστον, Ἀθανασίου τοῦ κλεινοῦ τὴν λογικὴν ποίμνην Ἁγνή, τὴν προσκυνοῦσαν εὐλαβῶς, τὴν Σὴν εἰκόνα τὴν λαμπράν, καὶ βοῶσαν ἑκάστοτε· λύτρωσιν τῶν πταισμάτων, μέθεξιν τῶν χαρίτων, ἡμῖν ἐξαίτει μητρικῶς, τοῖς προστρέχουσι τῇ σκέπῃ Σου.

Ватопедским святым

Исходные тексты с указанием авторства

Собору святых Ватопедских

Тропарь, Глас 1. Кaмени запечaтану:

Оби́тели Ватопéдския пито́мцы и цели́телие,/ и вселéнныя свети́ла, богоно́снии, яви́стеся,/ отцы́ всечестни́и нáши,/ в по́двизех до́бре пострáдавше,/ сего́ рáди по достоя́нию пáмять вáшу всечестнýю совершáем,/ слáву вознося́ще Христу:/ слáва Освяти́вшему вы,// слáва в бедáх нам вы предстáтели Показáвшему.

Кондак, глас 8. Подобен: Взбранной:

Преесте́ственная ва́ша боре́ния/ и труды́ до́брых по́двигов ва́ших восхваля́ем, дивя́щеся, богоно́снии./ В по́стничестве бо и страда́нии просия́вше,/ венцы́ украси́стеся ве́ры. Те́мже зове́м: ра́дуйтеся,// отцы́ преподо́бнии.

Святому новому преподобномученику

Афанасию Лимносскому, иже в Репаниди (†1846)

Тропарь, глас 4. Подобен: Яко столп непоколебим:

Крест якоже броню восприим/ к брани устремился еси на нечестивых мужески,/ благомощне Афанасие,/ сего ради и уничижив безчестных владычество,/ победный приял еси венец нетления,/ моляся во еже избавитися нам/ от многоплетенных лютых.

Святому Герасиму Палладе, патриарху Александрийскому

(молитвословия из молебного канона, составленного митрополитом Родосским Кириллом):

Тропарь, глас 4. Под.: Вознесыйся на Крест:

Яко истинный иерей богоглаголив,/ и благочестия дивный таинник,/ и Церкве пастырь, Герасиме, добрый,/ славы общник соделася неизреченныя достоин,/ и причастник радости святых,/
сего ради, отче, с ними моли о нас// Человеколюбца Господа.

Кондак, глас 2. Подобен: Кровей твоих:

Церкве новый учителю/ и православных изрядный заступниче,/блаженне отче Герасиме,/ печалей мя житейских свободи,//
яко имеяй неизреченную милость.

Новомученику Дионисию монаху Ватопедскому, иже в Крите († 1822).

Тропарь, глас 5. Подобен: Собезначальное Слово:

Страстоте́рпцев и преподобных удобре́ние,/ Ватопе́дския обители све́точа,/ в после́дняя времена́ на Кри́те/ неве́рия тьму расточи́вшаго,/ восхва́лим све́тло Диони́сия сла́внаго,/ Пояса Богоматере мужественнаго храни́теля// и моли́твенника те́плаго о нас к Богу.

Кондак, глас 8. Подобен: Взбранной:

Подви́жнически предочи́стив себе́ на горе Афонстей,/ преподобный мучениче, к истяза́нию потече́,/ попра́в Ага́рянских сынов пре́лесть,/ те́мже ра́дуется о твоих труде́х/ обитель Ватопе́дская,/ и твоими страда́нии Кри́тский ото́к препросла́вленный,/ вку́пе вопиют:// ра́дуйся, о Дионисие.

Преподобному Евдокиму Ватопедскому

Тропарь, глас 4: Подобен: Скоро предвари:

Сокровен сый,/ подвижнически пожил еси/ и славы сподобился еси/ на Небесех от Бога,/ Евдокиме преподобне./ Сего ради обитель Ватопедская/ яко богатящаяся, отче,/ мощьми твоими,/ воспевает тя достойно/ и любовию величает// тобою Творящаго чудесы.

Святителю Филофею Коккину
Тропарь, глас 1. Подобен: Пустынный житель:

Дýха благодáть я́ве наслéдовав,/ Богосло́вия показáлся еси истолковáтель богомýдрый,/ и божéственный святи́тель Христо́в,/ я́ко сосýд Небéсных добродéтелей,/ сего́ рáди тя Филофéе свящéнне,/ почитáем, вопию́ще:/ слáва Прослáвльшему тя Христý,/ слáва Венчáвшему тя,// слáва Подаю́щему тобо́ю нам прегрешéний оставлéние.

Ин Тропарь свт. Филофею Коккину, глас 4. Скоро предвари:

Розга́ святе́йшая Фесаллони́ки явле́йся,/ Христо́вы Це́ркве боже́ственный па́стырь, Филофе́е, показа́лся еси́;/ ты бо Правосла́вия де́лы просвеща́яй,/ разоря́еши ерети́чествующих кре́пость слове́сную,// моля́ся о всех нас, хва́лящих тя.

Кондак, глас 4. Явился еси днесь:

Доброде́тельными дея́нии укра́шен сы́й, / иера́рх преподо́бен Христо́вы Це́ркве / показа́лся еси́, всеблаже́нне Филофе́е, / правосла́вия // явля́я осия́ние.

Ин кондак, глас 2. Кровей твоих:

Яко иера́рх и таи́нник благода́ти / и Це́ркве предста́тель и забра́ло, / непреста́нно моли́, Филофе́е,/ от вся́кия нýжды и ско́рби // изба́вити прибега́ющих, о́тче, к покро́ву твоемý.

Величание:

Ра́дуйся, о Филофе́е свяще́нне,/ Фесаллони́ки боже́ственное прозябе́ние и честно́е,/ ра́дуйся, Виза́нтия ве́лий пастыренача́льниче/ и ве́рных всех предста́тель ко Го́споду.

Акафист святому праведному Лазарю Четверодневному, епископу Киттийскому

АКАФИСТ

святому Лазарю Четверодневному,
епископу Киттийскому

Переложение с акафиста монаха Герасима Микраяннита

Кондак 1

Избранный друже Христов/ и общаго воскресения уверителю,/ из мертвых  возставленный/ повелением Господа живоносным!/ Ныне, подножию ногу Его предстоя,/ моли, да избавит от смерти вечныя/ и всякия скорби/ любовию ти вопиющия:/ радуйся, святый Лазарю// праведный друже Божий.

Икос 1

Ангельское непорочное жительство в Слове Божии проводя, Слову Божию друг соделася,/ и, дарования богатная от Него восприим,/ ими светиши всем, вопиющим ти сице:

Радуйся, Иисуса Кротчайшаго Богодухновенный любимче;
радуйся, благоговения и боголюбия светило.
Радуйся, яко по закону Завета Ветхаго жизнь управил еси;
радуйся, яко благодать по Завету Новому восприял еси.
Радуйся, чистых деяний высоту нам показавый;
радуйся, богоразумия глубине нас научивый.
Радуйся, яко по закону достойно прославляешися;
радуйся, яко благодать Спасову нам являеши.
Радуйся, звездо превосходнейшия любве;
радуйся, противоборче фарисейския прелести.
Радуйся, жития добродетельнаго зерцало;
радуйся, нравов Небесных вертограде.

Радуйся, святый Лазарю, праведный друже Божий.

Кондак 2

Видя и познавая Христово плоское пришествие и на земли яко Бога Превечна Его познавая, всесовершенно Тому уверовал еси, Лазарю всеблаженне. Той же твоего сердца рачение яко угодное прием, присна друга тя показа, Ему же ты радостию вопияше: Аллилуиа.

Икос 2

Разумом правым ко Источнику разума, плотию нас ради Пришедшу, присно взирая священныя любве очима,/ последовал еси Ему и верою Тому соединился еси./ Тем твоей мудрости дивящеся, взываем:

Радуйся, таинниче Божия Слова;
радуйся, проповедниче Его снизхождения.
Радуйся, законных повелений усердный хранителю;
радуйся, заповедей Евангельских рачительный исполнителю.
Радуйся, древо, благодатныя плоды износящее;
радуйся, водо Небесная, в скорбех нас орошающая.
Радуйся, яко Господеви всецело себе возложил еси;
радуйся, яко земных богомудро удалился еси.
Радуйся, ко Всемилостивому любве нас научаяй;
радуйся, к Того доброте неизреченней наши умы возводяй.
Радуйся, дольних страстей отбегавый;
радуйся, вышнее просвещение стяжавый.

Радуйся, святый Лазарю, праведный друже Божий.

Кондак 3

Сильный, крепостию, Господь Сердцеведец, зря жития твоего чистоту, втораго наперсника тя показует, Лазарю преблаженне, ты же, в неизреченное таинство воплощения посвящен, любовию и страхом возглашаше Тому: Аллилуия.

Икос 3

Имея веру живую и делы Божественныя, богоугодно управил еси житие твое, Лазарю дивный, и Евангельскою проповедию просиял еси, приводя Всецарю благоговением зовущия ти таковая:

Радуйся, таинниче благовестия;
радуйся, рабе Животодавца.
Радуйся, лучу благостыни, нас осиявающая;
радуйся, обоняние чистоты, нам благоухающее.
Радуйся, апостолом равночестный;
радуйся, Ангелом единонравный.
Радуйся, даров Духа сокровище неоскудеваемое;
радуйся, благодати обиталище и пажите неувядаемая.
Радуйся, яко исполнился еси Божия озарения невещественнаго;
радуйся, яко превыше явился еси пристрастия по естеству.
Радуйся, яко вины страстей отсекати нам помогаеши;
радуйся, яко сущим в печалех радование ниспосылаеши.

Радуйся, святый Лазарю, праведный друже Божий.

Кондак 4

Буря болезни смертныя егда найде на тя, крепкодушне, тогда Христос Всеведец глаголаше на пути: Лазарь, друг Наш, успе. Но идем и возставим Нас любящаго, да воскреснет от смертнаго сна и возопиет: Аллилуия.

Икос 4

Слыша моления нас, немощствующих, к тебе, благосерде Лазарю, болезнь и смерть претерпевшему, не престай молитвы покров простирати над нами и избавляти скобей и болезней возглашающих ти таковая:

Радуйся, о немощных печальниче;
радуйся, о нас, грешных, пред Богом заступниче.
Радуйся, всем цельбы источаяй;
радуйся, козней тьмы избавляяй.
Радуйся, нетления приемый диадиму;
радуйся, чадцам церковным ходатайствуяй дарования.
Радуйся, славы и светлости жизни вечныя;
радуйся, Божественныя благостыни к нам низводителю.
Радуйся, яко непорочно на земли подвизался еси;
радуйся, яко по достоянию от Бога честь восприял еси.
Радуйся, от печали многия соблюдаяй;
радуйся, добродеянии наша сердца озаряй.
Радуйся, святый Лазарю, праведный друже Божий.

Кондак 5

Бога Господа Иисуса познав, Марфа с Мариею, сестры твоя, Лазарю, Тому вопияху: аще бы в Вифании был еси, Учителю, не бы умерл брат наш. Темже ко гробу приближися Жизнодавец, да воздвигнет четверодневна тя мертвеца, взывающа: Аллилуия.

Стихиры на Обрезание Господне

Обрезание Господне

На литиú праздника, самогласны

Глас 1

Еже в законе служéния* уставляя сéнь,* Христос Истина,* яко свет прииде:* и, законное исполняя,* плóтию обрéзуется* и духовное обрéзание* Церкви привóдит,* знáмение и óбраз ко спасéнию нам оставль .* Сего ради стопáм Его последующе,* духовное обрéзание приемлем,* яко да вéчныя жизни достúгнем** Того блáгостию.

Глас 2

Господи, от Девы произшéд,* наше прияв смешéние,* яко Младéнец Ею принесéся* обрéзатися плóтию,* да не мечтáние вменúтся* Твое смотрéние.* Сего ради áнгели ужасóшася,* зряще смирéния Твоего велúчествие,* и воспевáху Твое снизхождéние,* зовýще и глагóлюще:* слава мнóжеству щедрóт Твоих,* непостижúме Господи,** Иже спасл еси человека.

И ныне, праздника. Глас 4.

Твоего смотрéния* вéлие тáинство слáвяще, Господи,* éже на земли житиé Твое воспевáем,* úмже нас к Небесéм возвéл еси,* Иже естеством мúлостивый* яко человек бо вся претерпéл еси * и яко Бог содевáеши яже ко спасéнию нáшему.* Темже Рождествóм Твоим возродúвшеся* и обрéзанием Твоим всякий избыток отвéргше,* ко Твоей любвú возвóдимся,* чáюще от Тебе велия и богáтыя мúлости.

Перевод выполнен по тексту из греческой Минеи, находящейся в Болгарии:

Ἰδιόμελα λιτῆς τῆς ἑορτῆς.

Ἦχος α΄.

Τῆς ἐν νόμῳ λατρείας * καταπαύων τὴν σκιὰν * Χριστὸς ἡ ἀλήθεια * ὡς φῶς ἐπεδήμησε· καὶ τὰ τοῦ νόμου ἐκπληρῶν * τὴν σάρκα περιτέμνεται * καὶ τὴν πνευματικὴν περιτομὴν * τῇ Ἐκκλησίᾳ ἀντεισάγει, * τύπον καὶ ὑπόδειγμα πρὸς σωτηρίαν * ἡμῖν ὑπολιμπάνων. Ὅθεν οἱ τοῖς ἴχνεσιν αὐτοῦ ἀκολουθοῦντες * τὴν πνευματικὴν περιτομὴν ἐνστερνισώμεθα, * ἵνα τῆς αἰωνίου ζωῆς ἐπιτύχωμεν * τῇ αὐτοῦ ἀγαθότητι.

Ἦχος β΄.

Κύριε, * ἐκ Παρθένου προελθών, * τὸ ἡμέτερον προσλαβόμενος φύραμα, * ὡς βρέφος παρ᾿ αὐτῆς προσηνέχθης * περιτμηθῆναι σαρκί, * ἵνα μὴ φαντασία νομισθῇ * ἡ σὴ οἰκονομία. * Ὅθεν ἄγγελοι ἐξέστησαν * ὁρῶντες τὸ τῆς ταπεινώσεώς σου μέγεθος * καὶ ὕμνουν τὴν σὴν συγκατάβασιν * βοῶντες καὶ λέγοντες· * Δόξα τῷ πλήθει τῶν οἰκτιρμῶν σου, * ἀκατάληπτε Κύριε, * ὁ σώσας τὸν ἄνθρωπον.

Καὶ νῦν. Τῆς ἑορτῆς. Ἦχος δ΄.

Τῆς σῆς οἰκονομίας * τὸ μέγα μυστήριον * δοξάζοντες, Κύριε, * τὴν ἐπὶ γῆς πολιτείαν σου ὑμνοῦμεν, * δι᾿ ἧς ἡμᾶς εἰς οὐρανοὺς ἀνήγαγες * ὁ φύσει ἐλεήμων· * ὅτι ὡς ἄνθρωπος πάντα ἠνέσχου * καὶ ὡς Θεὸς ἐνήργεις * τὰ τῆς ἡμῶν σωτηρίας. * Διὸ τῇ γεννήσει σου ἀναγεννηθέντες * καὶ τῇ περιτομῇ πᾶν περιττὸν ἀποβαλόντες, * πρὸς τὴν σὴν ἀγάπην ἀναγόμεθα, ἀπεκδεχόμενοι παρὰ σοῦ * τὸ μέγα καὶ πλούσιον ἔλεος.

Клеопе, святому Апостолу, тропари и кондак

 

Святому Апостолу от семидесяти Клеóпе

Память 30 октября

Творение монаха Герасима Микраяннита

Тропарь, глас 1.

Подобен: Пустынный житель:

Апостолов верх воúстинну был еси,/ седмиде-сятницы Божéственныя Спáсовы, Клеóпо,/ и зрéл еси Христá, идя во Еммаýс,/ воскрéсшаго из мéртвых,/ тéмже пáмять твою честнýю/ чтим, вопиюще:/ слава прослáвльшему тя Христý,/ слáва Венчáвшему тя,// слáва Дáрующему тобою нам прегрешéний оставлéние.

Ин, глас 3.

Подобен: Божественныя веры:

Познáние в Бóзе приéм,/ сопричúслился еси/ Спáсовой Апóстолов седмидесятнице,/ и благочéстия благодáть проповéдал еси/ сýщим в прéлести, Клеóпо Апóстоле./ Тя прослáвльшаго Господа моли,// даровáти нам вéлию мúлость.

Кондак, глас 1.

Подобен: Ангельский лик:

Яко Божéственный ученик и Христóв служúтель,/ учéния благочéстия/провозвéстник показáлся еси, Клеóпо,/ Апóстолов единокрóвниче,/ с нúмиже моли Вседержúтеля Слóво,/ хвáлящим тя оставлéние прегрешéний даровáти,// и благодáть, и мúлость.

Перевод выполнен по изданию: pdf

Святых мучениц Веры, Надежды, Любве и матери их Софии

word

Святые мученицы Вера, Надежда, Любы и матерь их София:
бденная служба

Дополнения к службе святым мученицам Вере, Надежде, Любви и матери их Софии составлены в 1875 году учителем музыки и протопсалтом Леонидом Филлипиду. Утверждены Синодом Элладской Церкви в 1955 году и с этого времени включены в состав греческой минеи за сентябрь.

Издание, по которому
выполнен перевод

Работа над переводом завершена.

НА МАЛЕЙ ВЕЧЕРНИ
На Господи, воззвах поставим стиха 4
и поем стихиры, глас 4.
Подобен: Дал еси знамение:
Поем стихиры из Минеи.

Слава, глас 2:
Возсия днесь священное дев торжествó,/ сóлнца светлéйшее,/ души верных озаряя/и неверующих мрак со усердием[1] отгоняя./ Приидите убо, празднолюбцы,/ пéсненными цвéты сих главы увенчáим,/ вопиюще к ним:/ не остáвите молящеся непрестáнно ко Господу, страстонóсицы,/ с мáтерию вашею святóю/ о иже верою совершáющих// присночестнýю память вашу.

На стиховне стихиры, глас 2.
Подобен: Доме Евфрафов:

Приидите, земнорóднии,/ состáвим лик,/ в лéтней пáмяти/ Христóвых дев,// и сия да восхвáлим.

Стих: Дивен Бог во святых Своих, Бог Израилев.

Юницы честныя,/ страстнóсцев хвалó,/ слáво дев,/ Христа молúте// спастися душам нашим.

Стих: Святым, иже суть на земли Его,// удиви Господи вся хотения Своя в них.

Тресвéтлый светúльник,/ селение Троицы,/ Вера, Надежда, Любы,/ честныя Софúины ветви,// светло да восхвáлятся.

Слава, глас тойже:

Божественным прободéны/ рачением любвé ко Христу,/ три честныя сестры/ Вéра, Надéжда, Любы,/ ядовитых гонителя утешений отбегóша/ и болéзненныя муки/ мужемýдренно претерпéша,/ мученическими же украсившеся венцы,/ молятся непрестанно о нас,/ верою воспевающих// священное их страдание.


НА ВЕЛИЦЕЙ ВЕЧЕРНИ
На Гóсподи, воззвáх постáвим стихов 6
стихиры Кресту 3 и святым, глас 1.
Подобен: О, дивное чудо:

Днесь, вéрнии, ликовствýим,/ во псалмéх и пéснех Гóсподеви поюще,/ чтýще Того мýчениц и дев:/ Веру, яже Христа на пóприще/ мýжески проповéда,/ Надéжду дúвную,/ сúлою Божéственною невéрныя обличúвшую,/ и с Любóвию вси/ псалóмски да возопúем:/ Тебе, Женишé, любим,// и за Тя умерщвляемся.

Оле чудес Твоих, Христе!/ Яко и жены на пóприще явúшася,/ мýкам же себе мужемýдренно/ усéрдно предáша,/ нáфтою и огнем дóбле брáвшеся,/во главý усечéнныя/ мýченическим ликóм причтóшася/ и победныя венцы/ от Тебе прияша,// воздаяние подвигóв от рук Твоих улучúвше.

Твое преставление, Софие,/ призвáнная, от Бога восприяла еси,/ желáющи обúтелей,/ идéже твоих óтраслей/ души свеселяхуся:/ Веры честныя,/ вкупе и Надéжды, и Любвé, чад твоих,/ и благодáть от Бога исцелéний/ прияла еси, воспевáемая./ Святых бо всех,/ иже суть на земли,/ Господь удиви воúстинну[2],// славу возсылáем держáве Его.

Ины, глас 4.
Подобен: Яко добля в мученицех:

Огнéм опаляема и невреждéнна пребывши/
Божéственною сúлою,/ Вéро многострадáльная,/ обличúла еси прéлесть безýмнаго,/ мáтере поучéньми,/ претерпéвши мýжески и сосцéв отсечéние,/ Господь же мýчения венцéм/ с Небесé увенчá главу твою,// мечéм усечéнную, слáвная.

Биéния претерпела еси и вметáема в пещь,/ невредима же пребывши Бóжиею благодáтию,/ в котéл[3] горящий ввéржена,/ на дрéво воздвúжена,/ железными же ноготьмú/ многострадáльное тело твое стрýжемо,/ мечем же главе усéченной,/
к Чертогом Небесным,// Надеждо честнáя, прешлá еси.

Мýдростию словéс твоих/ нечестúвых уста заградúла еси,/ сих злочéстие обличúвши,/ сего ради на древо бе повéшена,/ волóвыми же жилами биéма/ и во огнь, якоже злато в горнúло, ввéржена, всеслáвная[4],/ и свердлами в тело провертéся[5],/ и во главу усечéся,// мýченице Любы многострадáльная.

Слава, глас 6:

Возсия днесь/ честнáя память мудрéйших дев,/ вéрных веселящи/ и к всепрáзднственному торжеству/ правослáвных мнóжества приводящи./ Приидите убо, празднолюбцы,/ пéсньми похвальными/ Христовых страстотéрпиц воспоúм, глаголюще:/ радуйся, Веро многострадáльная,/ яже сосцéв отсечéние/ и члéнов отъятие/ мýжески претерпéвшая/ и мучителя дерзость низложúвшая,/ радуйся, Надéждо всепéтая,/яже яда нечестúваго ласкáтельства избéгшая,/ и себé жертву благоприятну/ Богу привéдшая;/ радуйся, Любы всехвáльная,/яже нечестúвых словесы удивúвшая/ и мýкам лютым себé предáвшая,/ любвé ради Избáвителя твоего./ Рáдуйтеся, сестéр трóице,/ Пресвéтлыя Троицы побóрницы/ и правослáвных догмáт ясныя проповéдницы./ Не престáйте, молимся,/ предстáтельствовати о нас/ вкýпе с Софиею,/ мáтерию богомýдрою,/ еже избáвитися напáстей/ вéрою совершáющим// присночестнýю пáмять вашу.

И ныне, праздника[6], глас тóйже:

*Пророков гласи/ Древо святое предвозвестúша,/ úмже дрéвния свободúся клятвы смéртныя Адам,/ тварь же, днесь возносúму тому, совозвышает глас,/ от Бога просящи богатыя милости;/ но, Единый в благоутрóбии безмерный, Владыко,/ очищение буди нам// и спасú души наша.

Аввакуму, святому пророку

Святому пророку Аввакуму

Память 2 декабря

Тропарь, глас 4.
Подобен: Скоро предвари:

Гóру[1] преднаписáл еси Богорóдицу Пречúстую,/ из Неяже нам возсия Иже всех Бог,/ плоти подóбием./ Сегó ради яко пророка Богоглагóльна чтýще,/ благодати Небéсныя приобщúтися мóлим,/ предстáтельствы твоúми богоприятными,// Аввакýме слáвне.

Ин тропарь, глас 4.

Подобен: Скоро предвари:

Богоглаголиваго Господня пророка,/ предзнáменовавша воплощение Слова/ неизслéдным совéтом от Девы Чистыя,/ Аввакума, нарекшаго Ю гору,/ приосенéнную чáщею[2],/ и прорóчески, во óбразех и сéнех,/ на божéственней стрáжи[3],/ Бога воскрéсшаго вúдевша,// тогó вéрнии, да почтúм.

Кондак, глас 4.

Подобен: Скоро предвари:

Кóни[4] узрéл еси/ Божéственныя ученикú,/ море неведения возмутившия[5] яве/ и прелесть погрузúвшия/ проповéданием[6] благочестия,/ Аввакуме богоглаголиве;/ сего ради тя яко пророка истиннаго восхваляюще,/ молися, молимся,// помúловатися душам нашим.

Προφήτης Αββακούμ (2 Δεκεμβρίου)

—ΑΠΟΛΥΤΙΚΙΟΝ—

Έτερον. Ἦχος δ’. Ταχὺ προκατάλαβε.

Ὡς ὄρος προέγραψας τὴν Θεοτόκον ἁγνήν, ἐξ ἧς ἡμῖν ἐλάμψεν ὁ τῶν ἁπάντων Θεός, σαρκὸς ὁμοιώματι. Ὅθεν σὲ ὡς προφήτην θεηγόρον τιμῶντες, χάριτος οὐρανίου μετασχεῖν δυσωποῦμεν, πρεσβείαις σου θεοδέκτοις, Ἀββακοὺμ ἔνδοξε.

Έτερον (Γεωργίου Γαλανόπουλου[7]) Ἦχος δ΄. Ὁ ὑψωθεὶς ἐν τῷ Σταυρῷ.

Τὸν θεηγόρον τοῦ Κυρίου Προφήτην, τὸν προσημάνατα τὴν σάρκωσιν Λόγου, βουλὴν ἀνεξιχνίαστον ἐκ Κόρης ἁγνῆς, Ἀββακοὺμ πιστοὶ τὸν φήσαντα, ὡς κατάσκιον καὶ δασύ, ὄρος καὶ προφητικῶς, ἐν σκιᾷ καὶ συμβόλοις, Θεὸν ἐπὶ τῆς θείας φυλακῆς, ἐγηγερμένον, ἰδόντα τιμήσωμεν.

—ΚΟΝΤΑΚΙΟΝ—

Ἦχος δ’. Ταχὺ προκατάλαβε.

Ὡς ἵππους ἑώρακας τοὺς ἱεροὺς Μαθητάς, θαλάσσας ταράσσοντας, τῆς ἀγνωσίας σαφῶς, καὶ πλάνην βυθίζοντας, δόγμασιν εὐσεβείας, Ἀββακοὺμ θεηγόρε· ὅθεν σε ὡς Προφήτην, ἀληθῆ εὐφημοῦμεν, αἰτούμενοι τοῦ πρεσβεύειν ἐλεηθῆναι ἡμᾶς.

https://www.saint.gr/3123/saint.aspx

 

---

[1] Авв. 2, 1.

[2] Авв. 3, 3.

[3] Авв. 2, 1.

[4] Авв. 3, 15.

[5] Или: смущающия. Авв. 3, 15.

[6] Хроники Георгия Амартола, 355, 5.

[7]       http://akolouthiesorthodox.blogspot.com/2021/01/normal-0-false-false-false-el-x-none-x_3.html

Святитель Евстафий Антиохийский

Память 21 февраля ст. ст./ 5 марта н. ст.

Тропарь, глас 3.
Подобен: Божественныя веры:

Божия премýдрости испóлнен сый,/ Слово единосýщно Отцу/ на Соборе пéрвом проповéдал еси,/ и гонéниям приобщúвся и печáлем,/ славы неизречéнныя причастник содéлался еси, Евстáфие./ Отче преподобне, Христа Бога моли// даровáтися нам вéлией милости.

Ин, глас 5.
Подобен: Собезначальное Слово:

Правослáвных догматов знамение[1] всесвéтлое,/ Антиохúи светúло,/ в Никéе советами своего богоразýмия осиявшаго/ иже ревностно исповéдаху/ Сына единосýщна Отцу и Духу,/ честнáго Евстáфия восхвáлим,// любóвию того молéний чáюще[2].

Кондак, глас 8.
Подобен: Взбранной:

Яко очúстивый себе яже в Бозе деяньми,/ показáлся еси небéсный божественный образ,/ украшáяся богозрéнием и непорóчным жительством,/ но яко Цéркве столп и утверждéние,/ искушéния нахождéние претерпéл еси крепчáйше./ Сего ради вопиéм:// рáдуйся, отче Евстáфие.


—ΑΠΟΛΥΤΙΚΙΟΝ—

(Γερασίμου Μικραγιαννανίτου) Ἦχος γ΄ Θείας πίστεως.

Θείας ἔμπλεως σοφίας πέλων, ὁμοούσιον Πατρὶ τὸν Λόγον, ἐν τῇ Συνόδῳ τῇ Πρώτῃ ἐκήρυξας· καὶ διωγμοῖς ὁμιλήσας καὶ θλίψεσι, δόξης ἀῤῥήτου μετέσχες Εὐστάθιε. Πάτερ Ὅσιε, Χριστὸν τὸν Θεὸν ἱκέτευε, δωρήσασθαι ἡμῖν τὸ μέγα ἔλεος.

Ἕτερον (Χαραλάμπους Μπούσια[3]) Ἦχος πλ. α´. Τὸν συνάναρχον Λόγον.

Ὀρθοδόξων δογμάτων πυρσὸν τὸν πάμφωτον, Ἀντιοχείας φωστῆρα τὸν ἐν Νικαίᾳ βολαῖς τῆς αὐτοῦ θεοσοφίας καταυγάσαντα, τοὺς ὁμοούσιον Πατρὶ καὶ τῷ Πνεύματι Υἱὸν ἐκθύμως ὁμολο- γοῦντας, σεπτὸν Εὐστάθιον, πόθῳ αὐτοῦ λιτὰς ἀπεκδεχόμενοι.

—ΚΟΝΤΑΚΙΟΝ—

Ἦχος πλ. δ΄ Τῇ Ὑπερμάχῳ.

Ὡς ἐκκαθάρας σεαυτόν ἐνθέοις πράξεσι Ἀρχιερέων ἀνεδείχθης θεῖον ἄγαλμα θεωρίᾳ καί ἀμέπτῳ ἐμπρέπων βίῳ. Ἀλλ᾿ὡς στῦλος Ἐκκλησίας καί ἑδραίωμα πειρασμῶν στερρῶς ὑπέμεινας τήν ἔφοδον. Ὅθεν κράζομεν, χαίροις Πάτερ Εὐστάθιε.

—ΜΕΓΑΛΥΝΑΡΙΟΝ—

Τόν Υἱόν ὁμότιμον τῷ Πατρί, Πάτερ δογματίζων, καί τῷ Πνεύματι συμφυῆ, τῆς ὁμολογίας, τόν στέφανον ἐδέξω, Εὐστάθιε ποικίλαις παλαίσας θλίψεσι.


Первый тропарь составил о. Герасим Микраяннит, второй — господин Харлампий Бусья.

http://www.impisidias.com/mainsite/index.php?optioncom_content&viewarticle&id126:efstasthios-sidis-archiepiskopos-antiocheias&catid44&Itemid63

[1] Суд. 20, 40.

[2] Рим. 8, 23.

[3] https://analipsirafinas.gr/wp-content/uploads/2021/02/2021-02-21_ky_telwnou__faris.4.d.pdf

Тропарь св. праведному Никодиму, тайному ученику Иисуса Христа

Тропарь святому праведному Никодиму,
ученику Иисуса Христа

Неделя 3-я по Пасхе и 2 августа ст. ст. на обретение мощей.

Тропарь, глас 4.
Подобен: Правило веры:

К úстинному Просвещéнию,/ Богу Слóву вочеловéчшуся,/ тáйно в нощú притечé,/ яко таúнник и ученúк, Никодúме./ Тéмже, премудростию Его вразумлéн,/ пакибытиé улучúл есú,/ кнúжником и фарисéом, Спáса гонящим,/ дóблий противуглагóльниче./ Ныне же вéрою мóлим тя,/ с Дрéва со Иóсифом Его снéмшаго/ и мúро Ему принéсшаго:/ мúро деяний Евáнгельских нам помозú Ему принестú// и улучúти спасéние.

Ин, глас 4.
Подобен: Правило веры:

Христа Господа в нощú посещáше,/ паки рождение[1] увéде,/ свыше научéн,/ яко тáйный апóстол./ Благодерзновéнно противоречé/ фарисéом и кнúжником, Спаса гонящим./ Егóже мéртва со Креста снéм,/ ко гробу мúро принес// Никодим тéплейший.

Примечания

Первый тропарь — вольное переложение с греческого. Второй — пословный перевод.

 
Исходный греческий текст:
Ἀπολυτίκιον.
Ἦχος δ΄ Κανόνας πίστεως
(Μητροπολίτου πρώην Πατρῶν Νικοδήμου (Βαλληνδρά)

Χριστὸν τὸν Κύριον ἐν νυχτὶ ἐπεσκέψατο, ἀναγέννησιν ἄνωθεν ἐκδιδαχθεὶς ἐμαθήτευσεν, ὡς κεκρυμμένος ἀπόστολος. Εὐθαρσῶς διεφώνει πρὸς φαρισαίους καὶ γραμματεῖς, τὸν Σωτῆρα διώκοντας. Ὃν νεκρὸν καθεῖλεν ἐκ τοῦ Σταυροῦ, μῦρα τῇ ταφῇ ἐνεγκών, Νικόδημος ὁ ἔνθερμος.

Σημείωσις. ’Ἀπολυτίκιον τοῦ σήμερον συνεορταζομένου ἁγίου Νικοδήμου, ψαλλόμενον, εἰ δόξοι τῷ προεστῶτι, μετὰ τὸ ἀναστάσιμον ἀπολυτίκιον.

http://users.uoa.gr/~nektar/fyllades/keimena/2013/typikon_2013_05.htm
https://poimin.gr/wp-content/uploads/2020/05/tipiko_apolitikio-nikodimou.jpg


[1] Αναγεννησιν – В молитве Великого освящения воды — паки рождение.

Преподобной Ксении (Евсевии) Миласской молитвословия

 

Преподобной Ксении (Евсевии) Миласской

Тропарь, глас 5.
Подобен: Собезначальное Слово:

Агницу Господню, добродéву,/ преподóбную Ксéнию/ вéрнии, да восхвáлим и воспоúм,/ Áнгелов купножúтельницу,/ мúра крáсная и приврéменную жизнь/ яко сон вменúвшую,/ о нас же Господу усéрдно молящуюся.

Ин, глас 1.
Подобен: Пустынный житель:

Стрáнническое житиé твое возвелúчити хотя Господь,/ преподобная мáти Ксéние,/ дúвно тя прослáви/ и причáстницу богáтных даров/ яко невесту тя Свою показá,/ сего ради тóчиши благодать выну вопиющим:/ слава Дáвшему ти силу,/ слава Венчáвшему тя,// слава Дéйствующему тобою всем исцелéния.

Перевод выполнен по бденной службе, составленной о. Герасимом из скита Малой Анны (Микраяннитом), утвержденной синодом Элладской Церкви и изданной в Фессалонике в 1980-м году.

Стилиану преподобному служба

 

 Служба преподобному Стилиану Пафлагонскому

Служба пред иконою Божией Матери Киккскою

 

Служба пред иконой Божией Матери Киккской

Служба празднования Божией Матери в честь чудотворной иконы Ея Киккской составлена в 1995 году на Святой Горе Афон и выложена на святогорском сайте.

Обложка службы. Составлена на Святой Горе Афон, 1995 год.

Здесь видим указание, что празднование, пение этой службы, совершается 9 сентября.

Святым мученикам, по взятии Царьграда пострадавшим, тропари и кондаки

Рабочий файл с переводами и оригинальными текстами. Будет пополняться


Собор святых новомучеников, по взятии Константинополя пострадавших

Память в Неделю 3-ю по Пятидесятнице (греч.)

Тропарь, глас 3: Но́вии му́ченицы, / дре́внюю пре́лесть тве́рдым боре́нием низложи́вшии, / вознесо́ша ве́ру правосла́вных, / беззако́нное бо служе́ние уничижи́вше, / дерзнове́нно Христа́ пропове́даша, / Бо́га соверше́нна, / и ны́не непреста́нно мо́лятся // дарова́ти нам ве́лию ми́лость.

Кондак, глас 1: Весели́ся та́инственно, Христо́ва Це́рковь, / ви́дящи своя́ сы́ны, но́выя му́ченики, / о́крест трапе́зы Твоея́ и престола[1]/ стоя́щия в моще́х[2], / я́ко новосажде́ния ма́сличная[3], / и Зижди́телю всех возопи́й: // Ты му́чеников еси́, Христе́, утвержде́ние.

XV век:

Святой Иоанн Новый, священномученик, из Аграф (+ 7 января 1460 г.)

Память 7 января по н. ст.

Житие помещено прп. Никодимом Святогорцем в «Новый мартирологий»[4]

Тропарь, глас 1: Божественными кровьми́ Церковь облистал еси/ яко страстотерпец,/ и гонителей дерзость посрамил еси,/ усекнове́ние главы твердо претерпева́я,/ Иоа́нне всехва́льне,/ сего ради вси,/ память твою почита́юще,/ верою Спаса прославляем.


Святые преподобномученики Рафаил, Николай, мц. Ирина Отроковица, отец ее Василий, мать ее Мария, двоюродная сестра Елена (Сусанна) и Феодор учитель (+ 1463)

Память 9 апреля, во вторник Светлой Седмицы

Тропарь, глас 4: На Ле́сбосе подвиза́вшеся о Христе Бозе,/ сей освятили есте́/ моще́й ваших обре́тением, блаженнии:/ темже вас почита́ем, Рафаиле Богоносе/ вкупе с Никола́ем и девою Ириною,// яко Божественныя наша предста́тели и молитвенники ко Господу.

Кондак, глас 4. Под.: Вознесыйся: За Христа во́инствовавшии я́ве,/ многоле́тно на земли́ потае́ннии,/ дивно нам яви́стеся,/ Рафаи́ле, Нико́лае и Ири́но Божественнии,/ со сподви́жники богомысленными,/ тем вас, яко предста́телей и чудотво́рцев// и яко преподобному́чеников почита́ем вси.


Святой новомученик Давид, последний самодержец Трапезунда и собор царей Георгия, Мануила и Алексия, племянника его (†1463)

Память 1 ноября

Местночтимые святые Драмской епархии. В месяцеслов Элладской Церкви память не включена.

Тропарь[5], глас 1. Подобен: Пустынный житель: Трапезундскаго царя последняго/ благохвально за воспоим,/ Давида, добляго зело и терпеливнаго новомученика,/ с Божественным царем Мануилом и Георгием, чады его,/ и Алексием, доброхрабрым сродником, взывающе:/ Слава Укрепльшему вы,/ слава Венчавшему вы,/ слава вашими молитвами верным Дарующему милость.

Кондак, глас 8. Подобен: Взбранной: Царевичей страдальцев троицу поим/ с Алексием сродником их кровным/ и Давида, Трапезундскаго царя,/ новых мучеников славных,/ яко благочестия образы/ и новопоженныя крины,/ любовию взывающе:/ святии новомученицы, радуйтеся.

XVI век

172 святых преподобномученика обители Косиница (+ 24 апреля 1507 г.)

Преходящее празднование в неделю Фомину

Просветительская деятельность обители Косиница Драмской митрополии (Восточная Македония) Элладской православной Церкви раздражала турецкие власти. Налеты турок и болгар на монастырь продолжались. Узнав об очередном приближении гонителей, монахи спрятали чудотворную икону Божией Матери и богослужебные книги, а сами вышли навстречу с дарами. 145 монахов, 24 иеромонаха и 3 иеродиакона были зарезаны.

Тропарь[6], глас 1. Подобен: Пустынный житель: Постническими боре́нии Христа просла́висте,/ в Коси́нице[7] монахов Божественное собра́ние,/ и мученицы сотвори́стеся Христо́вы,/ неми́лостивно закла́ннии от беззако́нных:/ сего ради яко преподобнии и страстотерпцы,/ чтим вас, поюще:/ слава Укре́пльшему вы,/ слава Венча́вшему вы,/ слава Да́рующему вами нам прегрешений оставление.

Кондак, глас 4. Подобен: Вознесыйся на Крест: Коси́ница обитель свята́я,/ сто и семьдесят и два Божественных отца́/ поет, ублажа́ющи./ В сей бо свершили жительство святое/ и супоста́тов потерпеша устремления крепкоду́шно,/ и с мученик ныне соборы веселятся,// Троицу прославля́юще.


Святой преподобномученик Антоний Супральский или Карийский (+ 4 февраля 1516 г.)

Память 4 февраля

Тропарь: Укра́йны отрасль, руси́нов[9] удобре́ние,/ новоявле́ннаго страстоте́рпца Спа́сова Анто́ния/ да почти́м согла́сно, ве́рнии,/ той бо кре́пце за Христа пострада́,/ Афона же показа́ся новая звезда и Солуни похвала́:/ слава Да́вшему тебе крепость,/ слава Да́вшему ти чудес благода́ть,/ слава тебе ради наша прошения Исполняющему.


Святым Иакову преподобномучнику и его ученикам Иакову диакону и Дионисию монаху (+ 1 ноября 1520 г.)

Память 1 ноября

Преподобный Никодим Святогорец поместил житие святых в «Новый Мартирологий»[10]. Позднее оно было переведено и опубликовано в составе «Афонского патерика»[11].

Тропарь, глас 4. Подобен: Вознесыйся на крест: Ангельски на земли пожив,/ Апо́столькую восприя́л еси благода́ть,/ и покаяния проповедник,/ и учитель по́слан быв,/ показа́л еси жела́ющим спасе́ния стезю,/ тем и к страсти угото́вися до́блественно,/ с крепкими состра́дальцы твоими,/ Иа́ковом диа́коном и Диони́сием монахом,// мудре преподобному́чениче Иа́кове велича́йший.

Святой мученик Иоа́нн Янни́нский (+ 18 апреля 1526 г.)

Память 18 апреля по н. ст.

Прп. Никодим Святогорец поместил житие в «Новый мартирологий»[12].

Тропарь, глас 3: Подобен: Божественныя веры: Отрасль Янни́ны прекра́сная,/ слава Боже́ственная Це́ркве,/ Иоанне всехва́льный, показа́лся еси,/ мучеников бо поревнова́в подвигу,/ в пламени боре́ние соверши́л еси./ Мучениче сла́вне,/ Христа Бога моли,// дарова́тися нам велией милости.

Святой новосвященномученик Евфимий, митрополит Родосский (†1529)

Память 9 августа

Тропарь, глас 3. Подобен: Божественныя веры: Ра́дуяся, за па́ству пострадал еси,/ и посрамил еси иноземцев высоковыйную дерзость, Евфимие:/ ты бо, тепле возлюбив Господа,/ возшел еси ревностно Сего крепостию./ Тем молися Ему непреста́нно, пресла́вне,/ дарова́тися нам велией милости.

Кондак, глас 8. Подобен: Взбранной: Яко иера́рха Христова всесвященнаго/ и страстотерпцев подража́теля неподвижимаго,/ восхва́лим тя в песнех с веселием./ Но яко славы общник соделавыйся Господа твоего,/ молитвами предста́тель буди выну вопиющих ти:/ радуйся, отче Евфимие.

Собор преподобномучеников и священномучеников Строфадских[16] островов и обители святаго Дионисия во граде Закинфе (†1537)