Святым мученикам Малоазийской катастрофы тропари и кондаки

 Святые новомученики Малоазийской катастрофы

1921 — 1922 годы

Преходящее празднование в неделю перед Воздвижением

 Во время Малоазийской катастрофы пострадали от агарян 347 клирика из 459, служивших в то время в епархиях Ефеса, Смирны, Филадельфии, Илиополиса, Пергама Адрамиттского, Мосхонисион, Кидонион

Собор пяти архиереев новосвященномучеников 

Малой Азии и Понта и иже с ними пострадавших[1]

Священномученик ХРИЗОСТОМ, митрополит Смирнский (Калафатис), 1867 — 1922, память 28 августа ст. ст./ 10 сентября н. ст.; отказался покинуть место служения и паству, после совершения Божественной Литургии схвачен толпой турок и в страшных мучениях принял страстотерпческую кончину;
священномученик ПРОКОПИЙ, митрополит Иконийский, + 1922, память 7 апреля по ст. ст./20 апреля по н. ст.;
священномученик ГРИГОРИЙ, митрополит Кидинийский, + 1922, память 20 сентября ст. ст./3 октября н. ст.; брошен в тюрьму, где в страшных муках принял смерть вместе с другими священниками;
священномученик АМВРОСИЙ, митрополит Мосхонисийский и с ним 11 иереев и 2 монаха, + 1922, память 2 сентября по ст. ст./ 15 сентября по н. ст.; окончил Богословскую школу в Иерусалиме и Духовную академию в Киеве, священник греческих общин в Крыму (Феодосия, Симферополь, Севастополь), с 1913 — викарный епископ митрополии Смирнской, с 1922 года — митрополит Мосхонисийский, заживо погребен турками вместе со священниками и монахами близ города Кидоний;
священномученик ЕВФИМИЙ, епископ Зилонийский, + 1921, память 29 мая ст. ст./ 11 июня н. ст., принял пытки и муки в заключении, от которых скончался.

Тропарь, глас 4-й
Подобен: Вознесыйся на Крест:

     Пятозáрный святителей лик/ подвигóв разýмною свещéю,/ Асúю Малую всю озаряет ýмно,/ мудрый Хризостóм с Григóрием Божéственным,/ Амврóсий, Прокóпий и Евфúмий вкýпе,/ úхже хвáляще да возглагóлем, вéрнии:// радуйся, мученик пяточúсленное собрание.

Ин, глас 4-й
Подобен: Скоро предвари:

     Смúрнскаго Хризостóма воспоúм вéрно,/ и таúнника Амврóсия, Мосхонисúйскаго предстоятеля,/ радуйтеся, Еолúды[2] славо, взывáюще/ всем святúтелям, иерéом/ и всему множеству/ славных новомученик Христовых,// знáемым и незнáемым.  

Кондак, глас 3-й
Подобен: Дева днесь:

     Мученичества пренесóша многообрáзныя испытáния/ веры ради непорóчныя,/ малоасúйстии нарóди,/ раны претерпевáющии рáдостно явúшася,/ тем служéние отрáдно/ знаемым собранию новомучеником// и безымянных облаку.

 

Святой священномученик Хризостом Смирнский[3]

Вместе  митрополитом Хризостомом убиты два мирянина:
Георгий Климаноглу и Николай Тсуруктсоглу

Тропарь, глас 3-й
Подобен: Божественныя веры:

     Вéлия мученика Церковь,/ велия храбóрника весь язык вкýпе,/ Смúрнскаго воспевáем Хризостома./ Дóбле бо пострадав,/ за отечествие и веру претерпé умерщвлéние./ Священноначáльника же образ себе показá,// венец прият неувядáемый.

Ин, глас 1-й
Подобен: Пустынный житель:

     Страстотерпцев славу и Смúрны председáтеля,/ Православия же стрáжа/тя почитаем , Хризостóме,/ показался бо еси, отче, пастырь изряден и достоин,/ за паству положил еси живот, всехвáльне./ Слава прославльшему тя Христу,/ слава Укрепльшему тя,// слава Явившему нам мученика превеликаго.

Кондак, глас 8-й
Подобен: Взбранной:

     Священноначáльника Христова дóбльственнейша,/ Ионúи и Смирны честнáго председáтеля/ да воспоúм всенарóдно в цéрквах/ Христова священнострадáльца славнаго/ и всего языка мученика пречестнáго, взывающе:// радуйся, отче Хризостóме.

Священномученик архимандрит Платон, 

протосинкелл Амасúи Понстúйския

1921 г. Память 8 сентября ст. ст./ 21 сентября н. ст.

Тропарь, глас 5-й
Подобен: Собезначальное Слово:

     От беззаконных агáрянских сынóв/ злообрáзно обéшен в послéдняя лета,/ веры ради Христовы,/ Амасúи протосинкелле крепкодýшный, Платóне,/ чистаго жития образ явúвся,/ вéдец правый мýжества,/ сего ради, вси тя почитáюще,// теплыми молитвами прошения приносим.

Прп. Гавриилу (Ургебадзе) канон молебный

pdf

Канон молебный
преподобному и богоносному
отцу нашему

ГАВРИИЛУ САМТАВРИЙСКОМУ,
ИВЕРСКОМУ ЧУДОТВОРЦУ

Благословúвшу иерéю, нáчнем псалом 142:

Гóсподи, услыши молúтву мою, внушú молéние мое во úстине Твоей, услыши мя в прáвде Твоей. И не внúди в суд с рабóм Твоим, яко не оправдúтся пред Тобою всяк живый. Яко погнá враг дýшу мою, смирúл есть в землю живот мой; посадúл мя есть в тéмных, яко мéртвыя века. И уны во мне дух мой, во мне смятéся сердце мое. Помянýх дни дрéвния; поучихся во всех дéлех Твоих, в творéниих рукý Твоею поучáхся. Воздéх к Тебе рýце мои, душа моя яко земля безводная Тебе. Скóро услыши мя, Господи, исчезé дух мой; не отврати лица Твоегó от менé, и уподóблюся низходящим в ров. Слышану сотворú мне заýтра милость Твою, яко на Тя уповах; скажú мне, Господи, путь, воньже пойдý, яко к Тебе взях дýшу мою. Изми мя от враг моих, Господи, к Тебе прибегох. Научи мя творúти вóлю Твою, яко Ты еси Бог мой; Дух Твой Благúй настáвит мя на зéмлю праву. Имене Твоего ради, Господи, живúши мя; прáвдою Твоéю изведéши от печáли дýшу мою. И мúлостию Твоéю потребиши враги моя, и погубúши вся стужáющия душú моéй: яко аз раб Твой есмь.

Тáже: Бог Господь и явися нам:

Тропарь, глас 4:
Подобен: Вознесыйся на Крест:

Не остáви нас заступлением и помощию,/ преблаженне старче Гаврииле,/ ты бо смирением/ стяжал еси вышнюю благодать/ недуги отгоняти,/ к покаянию управляти./ Умоли Милостиваго Человеколюбца/ да простит нам многая согрешения/ и спасет души наша.

Слава Отцу и Сыну и Святому Духу: тóйже.

И ныне и присно и во веки веков. Аминь:

Не умолчúм никогдá, Богорóдице,/ силы Твоя глагóлати, недостóйнии:/ aще бо Ты не бы предстояла молящи,/ кто бы нас избaвил от толúких бед,/ кто же бы сохранúл до ныне свободны?/ Не отстýпим, Владычице, от Тебе:/ Твоя бо рабы спасaеши прúсно от всяких лютых.

Псалом 50: Помилуй мя, Боже:
И начинáем канон, глас 8

Песнь 1

Ирмос: Море огустúл еси,/ Погрузúвый со оружием гордаго фараона,/ и люди спасл еси немóкренно, Господи,/ и ввел еси я в Гору святыни, вопиющия:/ поим Тебе, Богу нашему, песнь победную/ яко прослáвися.

Преподобне отче Гаврииле, моли Бога о нас!

Мысленным Амалúком гонúмии/ и, Владыку преогорчúвше,/ дерзновением оскудéхом./ Но тецéм к твоему заступлéнию,/ и, тебе преподóбнеи рýце воздéвшу,/ на враги укрепляемся, отче.

Преподобне отче Гаврииле, моли Бога о нас!

Издéтска Евангелие всем сердцем возлюбльшаго/ и повеления его сотвóршаго,/ человека Божия Гавриила/ да почтим, из глубины взывáюще:/ помози нам, отче, ум и сердце/ на камени заповедей Христовых утвердúти.

Слава Отцу и Сыну и Святому Духу.

Слава Тебе, Трисóлнечный Царю,/ яко даровал еси нам таковáго спорýчника,/ во мрáце страстей звезду путеводную,/ в знóи печалей живительную отрáду,/ приснорáдостнаго Гавриила.

И ныне и присно и во веки веков. Аминь.

Нощестрáнствующим во юдоли земнéй/ Ты Луна еси высочáйшая, Дево,/ изливáющая тихий и ясный свет/ целомудрия и смирения,/ Сыну Твоему и Богу крóткаго послушания./ Путевóдствуй нас к сияющим Чертóгом Небесным.

Песнь 3

Ирмос: Утверждение мое, Спасе, еси,/ прибежище мое и сила,/ поколебавшееся сердце мое утверди в стрáсе Твоем,/ яко несть свят/ якоже Ты, Бог наш.

Преподобне отче Гаврииле, моли Бога о нас!

Испроси нам веру и разум úстинный,/ богомýдре отче Гаврииле,/ к тебе смирения ради твоего/ ухо Свое приклоняет/ Иже, рýце пригвоздив на Кресте/ весь разори страстный человéков разум.

Преподобне отче Гаврииле, моли Бога о нас!

Иисуса Сладчáшаго имя/ бысть тебе пища неоскудевáемая,/ темже нас, блаженне Гаврииле,/ в нерадéнии теплохлáднем почивáющия,/ к ревности о молитве непрестáнней пробуди.

Слава Отцу и Сыну и Святому Духу.

Рекл еси, богопросвещéнне подвúжниче:/ без Христа ничтоже есмы,/ тем Его не отлучáйтеся,/ храму Божию прилепляйтеся,/ яко да обрящете спасение.

И ныне и присно и во веки веков. Аминь.

Оле крúна благоухáннаго, дúвнаго,/ Гавриила богорáдованнаго,/ егоже в вертограде удела Твоего/ возрастила еси, Чúстая,/ яко да богомéрзкое страстей злосмрáдие/ от душ наших отгоняется.

 

Моли Бога о нас, преподобне отче Гаврииле, яко мы усердно к тебе притекаем, скорому помощнику и молитвеннику о душах наших.

Прúзри благосéрдием, Всепетая Богородице,/ на мое лютое телесé озлобление/ и исцелú душú моея болезнь.

Преподобный Вихиан Кипрский

11 декабря по ст. ст./ 24 декабря по н. ст. — память прп. Вихиана Кипрского.

Согласно кипрскому преданию святой стяжал особую благодать помогать при заболеваниях дыхательных путей, в том числе при астме и кашле.

Тропарь, глас 4-й
Подобен: Вознесыйся на Крест:

Не умолчúм никогда, богонóсе,/ велúчествия твоя глагóлати, недостóйнии,/ Вихиáне, преподобных удобрéние,/ всех прибежище,/ немощных здравие,/ печáльных избавлéние и утешéние,/ сего ради вопиéм вси вéрнии:/ тя почитáющия// прúсно, блажéнне, хранú.



Кондак, глас 2-й
Подобен: Предстательство христиан:

Предстáтельство в нéмощех, всехвáльне,/недугов же исцеление/храм и честная икона твоя суть, отче,/ но избавляй, яко благ/ во многих искушéниих стрáждущия,/ ускорú, возсылáя,/ яко вси молим ти ся, в нуждах,// Вихиáне, к Богу мольбы твоя.

Стихира, глас 2-й
Подобен: Все упование мое:

Всем предстáтельствуеши, блáже,/ приступающим ти верою/ и прошéния возсылáющим выну./ Свободú недуг и всем явúся подáтель,/ душ спасéния и обстояний разрешéния,/ печáлей и болезней, отче, отгнáния/ и Божéственнаго вéчнаго/ бýдущаго живота сопричáстия,// о Вихиáне Богоблажéнне.

Преподобному Вихиану канон молебный >>

Весьма почитаем на Кипре этот святой, который имеет особую благодать помогать в болезнях дыхательных путей. Почитаемые места: 1) Анагия; 2) селение Ипсос близ Лимассола.

Анагия

По преданию, в этом селении, расположенном юго-восточнее Никосии, преподобный Вихиан подвизался вместе со спостником своим, преподобным Номоном.

Здесь стоят два храма в честь святых: древний и новый большой. В первом хранится чудотворная икона святых, датируемая 15 веком. Части мощей переносятся из одного храма в другой. Близ древнего храма указывают две пещеры — свидетельницы подвижнических трудов обоих святых. 

Ковчежец со святыми мощами
святых Вихиана и Номона в день
празднования их памяти, Анагия

В "Патерике острова Кипрского*" о святом Вихиане читаем: "Сей божественный отец происходил из преславного греческого острова Кипра. О родителях его неизвестно ничего, знаем лишь, что преподобный от юности возлюбил Христа, оставил мир, поселился в пустынном месте. Здесь он нашел пещеру, и в ней посвятил себя подвигам и деланиям, необходимым для монашеского жития. Так возлюбил блаженный воздержание с самого нежного возраста, что считал нестяжание царской добродетелью для монаха. Всю мирскую красоту и наслаждения мира вменил он в мимолетные и суетные, и отряс их, словно прах. Так соделался он образцом монашеского жительства, ибо "нестяжательный монах — орел, парящий в высоте". Так взошел он на лествицу добродетелей, ибо денно-нощно подвизался достичь совершенства. Так уразумел и истоки греха, ибо, полагая воздержание основание монашеского жительства говорил: "Пресыщение чрева — отец блуда". 

Таким образом управив себя, сей блаженный столько преуспел в безмолвии, что засиял добродетелями, словно пресветлая звезда. И как, по слову Господню, зажегши свечу, не ставят ее под сосудом, но на подсвечнике, и светит всем в доме (Мф. 5: 15), так и сего преподобного, бегавшего от похвалы людской, прославил Бог и соделал призываемым всюду, и собрал от всех концов острова многих восприять благодать, и они, видя труды его в месте, где совершил он подвиги и чудные знамения, дивились и прославляли Бога.

Он соделался для верных примером и образом праведности и святости жития. Стяжав делание умозрительного восхождения, он возвысился и духом переселился на Небеса, зря силы Небесные, непрестанно воспевающие славу Господню. Бог же прославил его чудесами, чтобы вразумить всякого, как можно подвизаться хранить Божии повеления. 

Поревновав о благочестии и соделавшись светильником Святого Духа, святой стал учить приходящих и припадающих  к нему словесам Божественным и хранению заповедей Господних. 

...

Старый храм в честь святых
Номона и Вихиана в Анагии, Кипр

Исполненный света веры и Божией благодати, блаженный Вихиан прошел предлежащее ему поприще, взирая к конечному венцу.

Достигнув глубокой старости, в наставлениях, научениях, исцелениях немощей человеческих, он принял от Бога благодать целить недуги и врачевать болезни, и прежде всего — болезни дыхательных путей, о чем свидетельствует икона святого, находящаяся в храме обители святого Неофита Затворника. Надпись на свитке в руках преподобного Вихиана гласит: "Подай, Господи, рабам Твоим, имя Твое святое призывающим, здравие легких, и всех немощей телесных исцеление".

Надписание на иконе в Ларнакском храме Богородицы Хрисополитиссы  таково: "Я получил от Бога благодать врачевать все болезни дыхательных путей".

На другой иконе преподобного Вихиана, в Лимассольском соборе, на свитке читаем: "О монах! Беги в пустыню и спасайся!"

Обретение мощей святых преподобномучеников Хозевитских

14 преподобномучеников Хозевитского монастыря от персов убиенных (†614). 

Обретение мощей — 9 января

Тропарь, глас 4.
Подобен: Вознесыйся на Крест:

В последняя временá,/ преподобномученицы Христóвы Хозевúтстии,/ в пещере преестéственно обретóшася/ честныя ваша мощи,/ точáще кáпли исцелéний,/ вéрою богомудро к сим приступáющим,/ и почитáющим благоговéйно/ терпелúвныя ваша пóдвиги// и божéственная борéния.

Кондак, глас 2.
Подобен: Предстательство христиан:

Честное мощей ваших обрéтение,/ в послéдняя времена радости нас исполни,/ отцы Хозевúтстии, в пещере свящéнней./ Тéмже веселящеся/ Избáвителя и Жизнодáвца/ прилéжно возвелúчим, взывáюще:/ покажú нам предстáтели и от бед избáвители, Иисусе,// Хозевúтския достохвáльныя преподобномученики.


Τροπάριο. Ἦχος δ΄. Ὁ ὑψωθεὶς ἐν τῷ Σταυρῷ.

Ἐν τοὶς ἐσχάτοις τοῖς καιροῖς ἐν σπηλαίῳ, Ὁσιομάρτυρες Χριστοῦ Χοζεβῖται, ὑπερφυὼς εὑρέθησαν ὑμῶν τὰ σεπτά, λείψανα ἐκβλύζοντα ὀχετοὺς ἰαμάτων, τοῖς πιστῶς θεόφρονες προσπελάζουσι ταῦτα, καὶ τοῖς ὑμῶν τιμῶσιν εὐλαβῶς, στεῤῥοὺς ἀγῶνας καὶ θεῖα παλαίσματα.

Κοντάκιον. Ἦχος β΄. Προστασία τῶν Χριστιανῶν.

Ἡ τιμία ὑμῶν τῶν λειψάνων ἀνεύρεσις, ἐν ἐσχάτοις καιροῖς χαρμονῆς ἡμᾶς ἔπλησε, Χοζεβῖται Πατέρες ἐν σπηλαίῳ ἱερῷ. Διὸ χαίροντες τὸν Λυτρωτήν, καὶ Ζωοδότην ἐκτενῶς, μεγαλύνομεν κράζοντες· δεῖξον ἡμῖν προστάτας, καὶ ῥύστας ἐν τοῖς κινδύνοις, τοὺς Χοζεβῖτας Ἰησοῦ, γεραροὺς Ὁσιομάρτυρας.


Тропарь и кондак взяты из службы обретению мощей свв. преподобномучеников Хозевитских, составленной господином Харлампием Бусьей.

Акафист преподобному Никифору Прокаженному

Акафист преподобному Никифору Прокаженному, чудотворцу 

Служба

Акафист word

Акафист pdf

Кондак 1

Избрáннаго воина Владыки Небéснаго, адаманта терпения, небосвéтлую стáмну Святáго Духа, сшéдшеся, вéрнии, да восхвалим. Ты, же премúрный отче, яко óбщник страдáний нашего Искупителя, дерзновéнно молися о нас, прокажéнных страстьмú, да зовем ти:

Радуйся, многотерпелúвне отче Никúфоре, недужным скорый помóщниче.

Икос 1

Ангельскую души чистоту и к вышним стремлéние издéтска явил еси, преподобне, тéмже мира Зиждитель лишéньми тя в часть Себе отделú и в чадо возлюбленное восприя. Ты же, детище благоугóдливое быв, от земных родителей сирóтное, обáче Бога отцем неразлучно имéвшее, ныне от нас приимú славословия сицевáя:

Радуйся, úмже утéшатся скорбная сердца,
радуйся, úмже стрáждущии прославят Творца;

Радуйся, кротостию от юности преудобрéнный,
радуйся, послушанием преукрашéнный;

Радуйся, к житию крестному от юности предызбрáнный,
радуйся, к подвигу доблемýдренному призвáнный;

Радуйся, тúхостное и незлобивое отрочá,
радуйся, на пáжитех смиренномýдрия упасéнное овчá;

Радуйся, яко в скорбех и болезнех руце о нас воздевáеши,
радуйся, яко крестоношению верныя научáеши;

Радуйся, крúтяном теплое заступлéние,
радуйся, малодушным нам в бедáх укреплéние.

Радуйся, многотерпелúвне отче Никúфоре, недужным скорый помощниче.

Кондак 2

Видя тя Бог человека úстинна, непорочна, праведна, велие испытание тебе посылает, аки злато в горнúле тя искушая, яко да Иовле крепкодушие во образ всем верным явúши, úмже и стал еси протúву уныния волн, находящих на тя, егда язя прокáзы на теле твоем узрéся. Тем, сию потаúти хотя, на чужедáльний корабль восхóдиши и града Александрии достизáеши. Мы же, упование твое на Единаго Благоутрóбнаго зряще, вопием Тому: Аллилуия.

Икос 2

Рáзумом любомудрым службы Божия во граде велúцем воспевáеши, отонýдуже и во Святую Землю во исполнение желания твоего тéплаго преплывáеши, тáмо пред Крестом Христовым и Гробом Его живоносным молитвы сердéчныя вознося и глубину печали своея обнажáя. Тéмже, в Александрúю обратúвся, единому от архиереев тýгу свою исповéдаеши и на Хиóс ко святому Анфúму áбие отсылáешися. Мы же, премудрому Промыслу о тебе дивящеся, воспевáем:

Радуйся, в скорби велицей надеждою на Отца Небеснаго себе ограждáяй,
радуйся, в печали деннонóщно молитву сердéчную проливáяй;

Радуйся, сладкопéснивый Церкве Христовы слáвие,
радуйся, рук воздеянием низпосылáяй разслáбленным здрáвие;

Радуйся, лéпотою песнопéний свящéнных измлáда пленéнный,
радуйся, ангелоглáсным многими наречéнный;

Радуйся, недугом приявый Божие всыновлéние,
радуйся, в немощи явúвый Евангельских добродетелей прозябéния;

Радуйся, яко бысть Весéлие сéрдца тебе Иисус Сладчáйший,
радуйся, пéрвее быв отрéбие миру, ныне же ему — дар высочáйший;

Радуйся, егóже побéдами Хиóс величáется,
радуйся, егóже жительством козни врáжия обличáются.

Радуйся, многотерпелúвне отче Никúфоре, недýжным скорый помóщниче.

Кондак 3

Силою Вышняго укрепляемь, во отóце Хиóсстем на многая лета водворяешися, и зде, яко Ангела Божия, тя преподобный Анфúм сретáет, в нарóчитую прокажéнных врачéбницу тя поселяя, раны твоя телéсныя обязýя и духóвное попечение взéмля о крестонóсней душú твоей. Ты же, таковыя милости от волею Распятаго и Его угóдника приéмля, благодáрственная восписýеши: Аллилуия.


Икос 3

Имея велие к храму Божию усéрдие, в цéрквице святáго Лазаря, друга Господня, у лечéбницы на всяк день в молéниих и пéниих привитáеши, пред иконою дивною Богородицы от сéрдца, скорбию теснúмаго, вопия. Ея же чудесы не токмо на хáртии, но и в души напечатлéв и благоутрóбия бéздны от Всемúлостивыя восприят, не престáй и ныне руце к Ней простирáти о спасении нас, возносящих ти сицевáя:

Радуйся, Цéрковию Бóжиею воспитáнный,
радуйся, мáнною словес Евангельских препитáнный;

Радуйся, яко целúши печали лютое неможéние,
радуйся, яко ходáтайствы врачýеши уныния смертное болéние;

Радуйся, яко душéвныя наши стрýпы молитвою за ны умягчáеши,
радуйся, яко разслáбленныя телом и нерадúвыя бодростию своею духовною возставляеши;

Радуйся, удаляяйся от всякия лукáвыя вещи,
радуйся, изведéнный от мысленнаго Египта железныя пéщи;

Радуйся, Богородице светлое гласовáние,
радуйся, ум оградúвый Священным Писанием;

Радуйся, óбразе и правило Божиих песнопéвцев,
радуйся, сопричáстниче страстотéрпцев.

Радуйся, многотерпелúвне отче Никúфоре, недýжным скорый помóщниче.

Кондак 4

Бурю смятений и попечений мирских на пристанище тихое пременúл еси, и, гнушáемь от человек, маргарúт драгоцéнный Всетворцý показáся. Тем, ничесóже стяжáв, сокрóвищем мудрых советов от богопросвещéннаго стáрца и писаний святоотéческих обогащáешися, непрестáнно хваля тáко к пользе душéвней Устрóившаго: Аллилуия.

Икос 4

Слыша Христос Многомúлостивый молúтвы твоя и зря сердца твоего сокрушéние, руку к тебе простирает: приидú ко Мне, чадо труждáющееся и обременéнное, и Аз упокою тя. Ты же, от отца духóвнаго пострижéние восприúм, взем иго Господне благое на рáмо, крóтости и смирéнию по вся дни от Него научáшеся и благодáрственная возношáше. Мы же, таковым щедротам Спаса дивящеся, похвальная ти воспевáем:

Радуйся, в новаго человека богосотворéннаго облечéнный,
радуйся, во одежду веселия оболчéнный;

Радуйся, целомудрия дивное благоухáние,
радуйся, помощи Божия приявый обетовáние;

Радуйся, горьковóдная мiра Крестом Христовым усладúвый,
радуйся, себе укорéние в краеугóльный камень терпения положúвый;

Радуйся, жития сýетнаго печалей Промыслом отсечéнный,
радуйся, не ктомý себе жúти, но Умершему за ны и Воскрéсшему посвящéнный;

Радуйся, в рýце Создáтеля всецело себе предáвый,
радуйся, воли своея отвержения возжелáвый;

Радуйся, яко тобою монáшеский лик украшáется,
радуйся, яко тобою сýщии в лютых нéмощех укрепляются.

Радуйся, многотерпелúвне отче Никифоре, недýжным скорый помóщниче.

Кондак 5

Боготéчно твое житие и предúвно явúся, к разсуждéнию бо послушанием устремúлся еси, преподóбне, в лечéбней калúбице, яко в пустыни, со страстьмú, яко зверьми дóблественне боряся, побеждая и побеждáяся, падая и возставая, молитвы никáкоже отступая и простирая длани своя Простéршему длани Божéственнеи на Пречúстем и Живонóснем Кресте, яко да в будущем Царстве Его пéти возмóжеши немóлчное: Аллилуия.

Икос 5

Видим тя, преподóбне отче, вертогрáдаря, цвéты прекрáсныя и древá благовúдная изращáюща, Вышнему же Вертогрáдарю добродетелей сад преиспещрéнный, посредé терний скорбей и напастей процветший. Темже, угодниче Божий и дивный отче, припáдающе к стопам твоим, просим: Троице Пресвятéй благосéрдствуй о нас, яко да согрешения своя ýзрим и, покаянием умудрéннии, не престáнем, благодаряще, возсылáти тебе таковáя:

Радуйся, яко от кóрене повиновéния смирение проращáеши,
радуйся, яко на ветви духóвней якоже новый крин прозябáеши;

Радуйся, бдения и трезвéния дивное благоухáние,
радуйся, терпеливодýшию веру вменúвый во основáние;

Радуйся, розгó, отреблéнная Вышним, тéмже и многоплóдная,
радуйся, грехмú иссушéнным рекó многовóдная;

Радуйся, умом зловрéднаго целомудренно отбегáяй,
радуйся, Священным Писанием прúсно внимáяй;

Радуйся, якоже кипарúс, посредé хлада мук благодушием зеленéеши,
радуйся, якоже медунúца мироухáнная, пред Зиждúтелем благоговéеши;

Радуйся, от егоже устен Господня хвала возсылáется,
радуйся, úмже строптúвии и ропотлúвии славослóвию научáются.

Радуйся, многотерпелúвне отче Никúфоре, недужных скорый помóщниче.

Кондак 6

Проповéдник святоотеческих монашеских дéланий является ти богогласный Анфим, ко трезвéнию, страху Божию, памяти смéртней и молчанию тя управляя, и тáко зáповедьми Евáнгельскими устрояет душéвныя струны твоя, яко да мусикúйская Духу Святому цевнúца содéлаешися, и о тебе воспевáет Троице Пресвятей: Аллилуия.

Икос 6

Возсия в тебе разум истинный, úмже всячески к послушанию устремился еси, богонóсе, откровение бо стяжал еси, отче, úскреннее, помыслы истязýя, кормчему своему кормило вручив и тем основание духóвнаго восхождения полагáя; в таковéм предúвнем смирении помянý Тя Господь и украсú добродéтельми душу твою. Тéмже от нас приимú таковая:

Радуйся, высокомýдрие мира в буйство вменúвый,
радуйся, Иисýсову память в сердце своем водрузúвый;

Радуйся, Христý подражáтелю, нас ради обнищáвшему,
радуйся, óбщниче прежде бывшим Отцéм, дóльний покой попрáвшим;

Радуйся, Божиих ради хотéний своя потребúвый хотéния,
радуйся, в простотé повинýяся, дóбре прéйде течéние;

Радуйся, паче кéдра ливáнскаго в úстиннем дéлании укоренúвыйся,
радуйся, Послушлúвому даже до смерти крéстныя во след устремúвыйся;

Радуйся, яко псалтúрь яснозвýчная, стезю к покаянию воспевáяй,
радуйся, яко труба богоглáсная, нерадúвыя к деланию пробуждáяй;

Радуйся, иноком новоначáльным звездó путевóдная,
радуйся, путем истомлéнным древо высóкое и сладкоплóдное.

Радуйся, многотерпелúвне отче Никúфоре, недýжным скорый помóщниче.

Кондак 7

Хотящу ти заповедь Евангельскую испóлнити, во озлоблéнии болéзненном всячески незлóбием и благодýшествием сияше, многострадáльне отче Никúфоре, кадило Христу благовóнное и приношение святóе. Тéмже блáгости и братолюбия достúгл еси высоты, Духом Святым исполняяся, иным прокажéнным, úнокиням обители Пренепорóчныя Помóщницы и нам, немощным, образ быв, кáко подобает любóвию к Богу и ближнему преспевáти, с нúмиже вкýпе восписýем о тебе Вышнему: Аллилуия.

Икос 7

Новый явúся Иов, дóблестию в страдáниих и пóдвигом великодýшия вся болящия укрепляяй и наставляяй, Богом возлюбленный трýдниче, мужемýдренный ратобóрче, тихости и покóрности воле Божии óбразе. Тéмже, сам быв оструплéн, наша раны благосéрдными заступлéнии обязýеши, по достоянию воздающих ти таковая:

Радуйся, душевнаго мира гýсле согласная,
радуйся, молитвы сердéчныя песне прекрасная;

Радуйся, душú своея ризу слезáми радостотворными очищáяй,
радуйся, плачем Вседержителя к милости приклоняяй;

Радуйся, всеусéрдно устремúвыйся к богоугождéнию,
радуйся, пред очами Владыки обретый благоволéние;

Радуйся, уязвленным самолюбием целéбнейший плáстырю,
радуйся, блуждáющим в пóхотех плоти добрый путевождю и пáстырю;

Радуйся, яко Христос твоя присно содéлася Радость,
радуйся, яко имя Его бысть тебе вышняя сладость;

Радуйся, úмже саможалéние и малодýшие исправляются,
радуйся, úмже премудрость Промысла Божия познавáется.

Радуйся, многотерпелúвне отче Никúфоре, недýжных скорый помóщниче.

Кондак 8

Странен, премирне, ты показáся миру, нечистотé его не прикасáяся, тéмже и церковь содéлася Богу Живу, Дух бо Святый приúде и вселúся в тя, дóбляя мужества главúзно, и очисти тя от всякия скверны. Ты же, молитвою священнодéйствуя и присно грéшника себе мня, во удивлéнии зовяше: Аллилуия.

Икос 8

Весь бе урáнен, и в ребрó прободéн, и ослеплéн, благодарною же душею паче солнца сияя; злый же недуг, яко мучитель, нещадно тя истязаше. Обаче удом твоим отсекаемым, ты немолчно пояше: да будет, Господи, жертва моя душевная благоприятна пред Тобою. Не остави, отче, предстательством нас, таковей твоей доблести ужасающихся, оструплéнных грехми, похотьмú ослепленных, любовию Ти вопиющих:

Радуйся, Вышнему всесожжение словесное,
радуйся, сущим дóлу дарование Небесное;

Радуйся, пакостника плоти смирением попаливый;
радуйся, телесному крестоношению мысленное распятие совокупивый;

Радуйся, славословия Всещедраго кимвале богокрасный,
радуйся, трезвения органе златогласный;

Радуйся, яко крепкостоянием твоим в скорбех научаемся,
радуйся, яко худостию риз твоих вразумляемся;

Радуйся, яко терпение нищаго Лазаря показал еси,
радуйся, яко Моисееву кротость явил еси,

Радуйся, унынием истязуемым духовная отрадо,
радуйся, гневом жегомым Небесная прохладо.

Радуйся, многотерпеливне отче Никифоре, недужным скорый помощниче.

Кондак 9

Всякое благодарéние поощряет Дающаго éже умнóжити даровáния; твоя же душа в славословии отнюд не преставáше, сего ради свыше великия дары приял еси, Духа Святаго сосуде избранный. Испросú нам в терпении обстояний понé мало ти подражáти, и в болéзнех благодáрственная присно от сердца сокрушеннаго Богови возносити: Аллилуия.

Икос 9

Ветия лжемудрствующия умолкáют, недоумéюще крéстнаго жития силы: елúцы бо Крест приемлют желанием, душевное исцеление взéмлют. Ты же, премúрный отче, от претерпéния скорби плотскúя к видению и славе Креста возшел еси и велию благодать притяжáл еси болезни целúти к тебе приходящих любóвию и воспевáющих таковая:

Радуйся, благословляяй Господа на всякое время,
радуйся, безропотно пронесый тягчайшее бремя;

Радуйся, возненавúдевый славу мимотекýщую,
радуйся, отвергúй суету многословýщую;

Радуйся, паче богатства тленнаго Христово поношение вменúвый,
радуйся, тесный путь благословúвый;

Радуйся, купéле Силоáмская разслáбленным грехми,
радуйся, цельбó ослепленным похотьмú;

Радуйся, ломóтныя и опýхольныя болезни отгоняяй,
радуйся, моры губúтельныя уставляяй;

Радуйся, яко в прокажéнней плоти Ангельскою чистотóю сияше,
радуйся, яко во озлоблéниих благость являше.

Радуйся, многотерпелúвне отче Никифоре, недужным скорый помощниче.

Кондак 10

Спасти хотя люди Афúнския, душевными и телесными болéзньми стрáждущия, Промыслúтель Премудрый тя, кротчайший Никифоре, яко ангела утешителя к ним посылает, наставник же твой словесы таковыми свящéннику при лечéбнице Евмéнию тя предваряет: сей маргарит прекрáснейший, сокровище Божие и совершенна монаха рáдостию вси приимите, воздающе Богу по достоянию: Аллилуия.

Икос 10

Стена содéлался еси прокаженным и страждущим во граде Афúнстем, тúхостию и благоволением Апостолу подражая, во всяцем внимании жительствуя, к согласию, миру, святыне и благоговéнию вся наставляя. Тéмже и образ нам показался еси, еже кáко подобает сердечным служением во псалмéх, и пениих, и песнех духовных преспевáти, сего ради яко едúнеми усты возносим ти сицевáя:

Радуйся, благодарения радостию блистáяй,
радуйся, сострадания светлостию вся увеселяяй;

Радуйся, Давúдовою простотою отгнавый врáжия злоковáрствия,
радуйся, нищетою духа блаженство стяжáвый Вечнаго Царствия;

Радуйся, суесловие попалúвый молчанием,
радуйся, малодушие потребúвый Вышняго величанием;

Радуйся, яко Евангелие достояние ума своего сотворúся,
радуйся, яко любы неотпáдающая в тебе воцарúся;

радуйся, яко к молению непрестанному верныя наставляеши,
радуйся, яко к духовному разуму страждущия управляеши;

Радуйся, в пещи безмерных болезней палúмыя оросúвый,
радуйся, мнóзи во глубине немощи сýщия исцелúвый.

Радуйся, многотерпелúвне отче Никифоре, недужным скорый помóщниче.

Кондак 11

Пение всеумилéнное подобает ти, молúтвенниче неусыпный: служителю бо Евмéнию в кéллию к тебе тайно вшéдшу, узрé тя на воздýсе молящася, и, разслаблéние членов твоих, зрения и ног лишéние ведая, ужáсся той, возопив: Аллилуия.

Икос 11

Светосияет нам образ твой, именем и дéлы победонóсче, к познанию немощи своея нас, малодушных и ропотливых, управляя и вразумляя. Темже недоумéюще, како смертней плоти твоей истлевающей, по вся дни обновляшеся, яко духодвúжная арфа, выну богослáвная бряцáя, дивúмся и приносим ти таковáя:

Радуйся, любóвию Христовою прободéнный,
радуйся, живоносным Крестом Его оживотворéнный;

Радуйся, якоже Даниил во рву на Единаго уповáяй,
радуйся, якоже óтроцы в пещи Благоутрóбнаго восхваляяй;

Радуйся, Церкве златоковáнный светúльниче,
радуйся, рачения еже к Богу таúнниче;

Радуйся, яко огнем боления вéчнаго пламене избéгл еси,
радуйся, яко силою Духа немощь плоти препрéл еси;

Радуйся, сладкопéвче, Ангелом собесéдниче,
радуйся, гýсле молитвы, благодáтныя жизни снаслéдниче.

Радуйся, многотерпелúвне отче Никифоре, недужным скорый помощниче.

Кондак 12

Благодати чудотворений ковчег явился еси, богатодáрный отче, и по блажéнней кончине нас благоутрóбием и помощию не оставляеши. Всем же в скорби к мощéм твоим и образу притекающим, подаéши ослáбу душевную и телесную, с ними Всемилостивому возсылáя теплое: Аллилуия.

Икос 12

Пение всеумилéнное не престаем приносúти тебе, благоувéтливый отче, ты же сие приими от недостойных устен и к Богу рýце твоя воздевáти о нас не престáй, вопиющих ти таковая:

Радуйся, печáльми болезненными обретый безпечáльное упокоение,
радуйся, до конца претерпев, райская улучúвый Селения;

Радуйся, грóздие, в точиле скорбей вино источúвшее,
радуйся, миро, благоуханием добродетелей вся ны увеселúвшее;

Радуйся, токи чудес изливáяй,
радуйся, мúлостию к болящим не оскудевáяй;

Радуйся, мучений пучину окормлéнием Слова преплывый,
радуйся, вóи лукáваго крепкодýшием погубúвый;

Радуйся, трясáвицею и огнéвицею стрáждущия уврачевáвый,
радуйся, мнóгия беды от почитающих тя отгнáвый;

Радуйся, мúлостиве, блаженства Небéснаго ныне наслаждáяяйся,
радуйся, нищий духом, благодати богатно присно причащаяйся.

Радуйся, многотерпеливне отче Никифоре, недужным скорый помощниче.

Кондак 13

О богомудре Никифоре Прокаженный! Ты болéзньми ссекáем, недýгами стрýжемь, житие на одре болезни лютыя препровождáя, волю Божию о Христе всяко испóлнил еси, еже есть всегда рáдоватися, непрестáнно молúтися, о всем благодарúти. Ныне же, светоявлéнне, нашу печаль утоли и ухо твое к прошéнием нашим мúлостивно приклони, и к рáдованию, молитве и благодарéнию упрáви о тебе вопиющия: Аллилуия.

Молитва

О, благодарный страдáльче, молитвы таúнниче, милостивый чудотвóрче, преподобне отче Никифоре!

Кто убо терпению, смирению, трезвéнию, благоувéтливости, доблести и крóтостной премýдрости твоим не подивúтся?

Веруем, яко по преселéнии твоем ко Господу вéлию мзду улучúл еси и многою благодáтию облéклся еси, многоболéзненныя бо, стрáждущия, ничáщия нúзу, разслáбленныя, нúщия и убóгия заступлéнием и попечением своим не оставляеши и многая и дивная чудеса на них изливáеши.

Тéмже, сам искушен быв, помозú и нам, страстьмú, и похотьмú, и своеволием искушáемым. Вéмы, яко вся находящая на ны грех ради наших восприяхом. Обáче дерзновенным заступлéнием твоим пред Человеколюбцем воздвúгни ны, в пучине нéмощей обдержúмыя, возстáви на одре озлобления сýщия, облегчú недуги, здравия испросú, болéзни укротú, утешение божественное даруй.

Припадú в Небесных Чертогах к подножию ногу нашего Искупúтеля, не престáй воздевáти рýце твои о нас, недостойных и окаянных, по вся дни падающих и возстающих, обáче надежды на Его милосердие не оставляющих, яко да твоими ходáтайствы укрепляеми и исцеления душ восприéмше, грехов прощение улучúм и Царство Его вечное наслéдим и с тобою кýпно да воспоéм благодáрственная в Троице славимому Богу нашему, Отцу, и Сыну, и Святому Духу, ныне, и присно, и во веки веков. Аминь.