МАРФЫ и МАРИИ,
сестер праведнаго
Лазаря
творение
монаха Герасима из скита Малой Анны
НА МАЛЕЙ
ВЕЧЕРНИ
На Господи, воззвах, глас 6.
Подобен: Ангельския:
Срóдницы честныя,/ Богомýдраго Лазаря,/ Марфо славная/ и Богу любéзная Марúе,/ двóице блажéнная, соýз Богочтúмый,/Спаса всех и Владыки,/ Егоже угодницы/ и сосуды всечестныя,/ молите усердно// о душах наших.
Вéрою неуклóнною/ Христу послужúвши,/ Марфо дивная,/ Божия благодати напиталася еси;/ Его же непорóчнеи нóзе/ миром помáзавши,/ Божественнаго благоухания исполнилася еси,/ честнáя Марие Богоносная:/ темже вси,/ якоже прúсных,// чтúм вас и ублажаем.
Миро Христу,/ волею умéршему/ и за ны во гробе погребéнному,/ Марие с Мáрфою, благоговейно принéсше,/ со инéми святыми миронóсицами,/ рáдость улучúсте неизглагóланную,/ Сему взывáюще:/Твое Воскресение, Спасе,// поюще, славим.
Божественными добродéтельми/ истинно укрáшены,/ ко еже паче ума веселию/ Ангельски прешедше в славе,/ Богоносныя сестры, Марфо и Марие,// с Лазарем Спаса молите/ обрести милость //лéтнюю вашу память празднующим.
Стих: Терпя потерпех Господа,// и внят ми, и услыша молитву мою.
О паче естества благодати/ и чина ваших,/ честныя жены!/ Христу бо Спáсу// верно послужúсте.
Стих: И постави на камени нозе мои,// и исправи стопы моя.
Ангельским собóром/ причтéнныя в Вышних,/ о Мáрфо и Марúе,/ просите нам всем// прегрешéний прощения.
Яже в закóне испóлнивше, всечестныя,/ приясте богáтно свет благодáти,/ узрéвше и увéровавше душéю/ мúлостию нас рáди/ воплотúвшемуся Творцу векóв,// богоприятныя сестры.
Послужúвши, о Марфо, душéю теплéйшею/ воплощéнному Слову/ и Тогó, Марие, словесá приúмши,/ кýпно и света Егó познáния/ обоú сподóбистеся,// яко сердцем и рáзумом чúсты.
Христу, к вам яко пришéдшу, возопúсте,/ сродницы пречестныя:/ аще бы еси зде был, Господи,/ не бы умерл возлюбленный брат наш;/егóже воскресúв Христос,/ многую к вам показа, Человеколюбец,/ милость и любовь,/ честныя
Марфо и Марие,// Ангелом собесéдницы.
Любóвию пламенéюще ко всех Владыце,/ мира принесше, приидóсте/ с мироносиц собором/ ко гробу Его,/ и Воскресению Его/ от Ангела блистáющаго яко научúвшеся,/ радости испóлнистеся неизречéнныя,/ о Марие же и Марфо,// Того держáву слáвяще.
Стих: Терпя потерпех Господа,// и внят ми, и услыша молитву мою.
Яко дéлы веры Спасу послéдующия,/богонóсныя сестры,/свéтло украсúвшеся, Марфо и Марие,/ непостижúмаго/ и еже паче слова рáдования и весéлия/ причастницы явúстеся,/ преподобно совершивше жительство,/ прославляюще// к Вышнему Царствию вас Преселившаго.
Стих: И постави на камени нозе мои,// и исправи стопы моя.
Лáзарю блажéнне,/ друже Христов úскреннейший,/ и Марие боголепная,/ Марфо богочтимая,/ троице Божественных сродник,/ о нас выну молитеся, просим,/ Троице Пребожественней,/ дати нам свыше милость,// и согрешений прощение, и жизнь вечную.
Прокимен, глас 4. Терпя потерпех Господа/ и внят ми, и услыша молитву мою. Стих: Постави на кáмени нóзи мои и испрáви стопы моя. Евангелие от Луки (10: 38-42, 11: 27-28).
Пришéдшему спастú род человеческий/ увéровавше тéпле,/ оправдáния Того испóлнивше,/ жены′честныя,/ неотстýпным сердцем,/и богоугодно пожúвше,/ к Небесному Жилищу взыдóсте,/ Мáрфо и Марúе,/ вéчныя рáдости сподóбльшеся,/ еяже и нас причáстники сотворúте// вашими к Богу молитвами.
Ирмос: Отвéрзу уста моя/ и наполнятся Духа,/ и слово отрыгну Царице Матери,/ и явлюся, светло торжествýя,// и воспою, радуяся, Тоя чудеса.
Святыя прáведныя Мáрфо и Марúе, молите Бога о нас.
Вселúвшеся во Обúтели Небéсныя рáдующеся, и исполнены сияния еже паче ума, Мáрфо всечестнáя вкýпе с Марúею, нам испросите прегрешéний оставление.
Сиянием невещéственным воплощéннаго Бога нашего ум озарúвше, честныя сестры, Тому прилепúстеся теплым сердцем и Того стопáм послéдовасте.
Глагол послýшательницы живоносных сýще Бога, милости ради вочеловéчшася, Марфо славная, Марие богонóсная, Семý с верою послужúсте.
Богородичен: Бóга воплóщши Присносýщественнаго, Непорочная, клятву праотéческую испразднúла еси, сего ради молюся: от страстей греховных ум мой очисти, яко да восхвалю Тя.
Лицезрúтельно Христу собесéдующе, яко воистинну чистым умом, Лáзаревы сестры, Сего исповéдасте Бога, Человéка бывша человéков спасения ради.
Закона сень остáвльше, свéтом благодáти Христовы к рáзуму приидóсте, Марúе всепéтая и Мáрфо всеблажéнная, яко чúсты сýще.
Воспели естé Христа владычество, узрéвше, честныя сестры, Лазарево воскрешение, и Томý вéчерю святу вéрно сотворúсте, чудо велие проповéдающе.
Богородичен: Воплотúвшагося Тебе, Господи, от Пречúстыя Девы, праведныя Марфа и Мария возлюбúвше, в воню мира Твоего потекóша, Твоею уязвúвшеся Божественною любóвию.
По законом ходяще Христовым, Марфо и Марие сестры, на земли жительство свято пожúсте, и святых совсéльницы на Небесéх показáстеся.
Господи, áще бы еси здé был, верою непреклóнною возопúсте, не бы умерл брат наш и друг Твой вéдомый, Лазарь, егоже гроб сокрывáет.
Яко приявшия брата, по четырéх днех оживлéннаго гласом Владыки, Того воспéсте Божества сúлу, Мáрфо и Марúе, ликýюще.
Богородичен: Не опалив ложесн Твоих, Слово вселися в Тя паче естества, грех попалú, Чистая, естества человеческаго, явився нам яко Человек, кромé пременения и смешения.
Непорóчне поживше, яко Христовы ученúцы, Марфо и Марие богоносныя, с Лазарем, братом священным, славы Того на Небесех причáстницы явúлися естé, со Ангелы ликовствýюще.
Узрéвше у гроба блистáюща Ангела, Христово со инéми миронóсицами éже пáче слова Воскресение, Мáрфо и Марúе, священными усты′восхвалисте и ясно проповéдасте.
Мúром умащáюще со слезами Гроб плотию Пострадавшаго и Погребéннаго, тáинственно озарéны бысте Светом Божественным Егó Воскресения, Марфо и Марие, якоже благодáти сосуди.
Богородичен: Сóлнца Светлéйшаго, Истины Колесницу, Сего воплóщши непреложно, Дево, явилася еси Мáти Неневестная. Тем и мя просвети, обдержúма тьмою множества преступлений.
Мéртва милости ради бывшаго, всем живот Собою подающаго, не остáвисте, но во Гробе, поспешáюще, узрéсте Того Божественное Воскресение.
Превысшую славу стяжáли естé, о Мáрфо и Марúе всехвáльныя, послужúвше Вочеловечшемуся ради милости и человéческое естество Обезсмéртившему.
Святынею преукрашéнныя, яко Божéственныя Христóвы ученúцы, небесный венéц безсмертия приясте, о Марфо и Марие, Лазаревы срóдницы.
Богородичен: Избáви нас всякия печали и всякаго навета от лукаваго, Дево Непорочная, прилéжно припáдающих Ти, и на путь прямый нас настави.
Упрáвлены страхом Владычним, житие добродетельное и испóлненное деяний благих, мýдре навершúсте, Божéственныя сестры, воспевающе: отцев Господи и Боже, благословен еси.
Веселящеся, в дом отыдóсте, Лазаревы срóдницы, от Грóба Христóва, яко Того уразумéвше Божественное Востание, верою воспевáюще: отцев Господи и Боже, благословен еси.
Умерщвлéнна на Кресте жизни Господа прежде зряще, со слезами теплыми о Том возстенáсте, но увéдевше Того Воскресение, радости испóлнистеся, о Марие с Марфою.
Богородичен: Взрастú во мне страх спасúтельный, дáждь ми крéпость, дóндеже отражý вконéц врагá вселукáваго силу, Отроковúце Пречúстая, грéшников Пóмоще, и богоугóдно да поживу.
Дéлы благочéстия украшéнныя, ученúцы Спаса богодухновéнныя, Марфо всеблажéнная и Марúе слáвная, к Небеси востекóсте, любовию вопиюще: Господа пойте дела и превозносите во вся веки.
Глаголы Владычни услышавше и жúва от гроба приемше Лазаря сродника, святыя сестры, по погребении четвероднéвном, воспéсте деяние Спасово вéлие, úмже Бог всех и Господь Себé показá.
Непорóчны во стезях Господних и чúсты сýще, водворúстеся во Священных Обителех, яже паче смысла, Рая всечестнáго, верою взывающе: Господа пойте дела и превозносите во вся веки.
Богородичен: Скúния Благодатная славы и Дом световúден Утешителя явилася еси, Преблагословенная, Отроковице Всенепорочная, сего ради мя покажи сосуд достойный Божéственнаго тáинственно действия, яко да Тя славлю, Препрослáвленная.
Да Христово тело умáстите Жизнодáтелево, миронóсицы всечестныя, ко Гробу Того приидóсте, и Сего Воскресение всем возвестúсте: сего ради вас ублажáем, Марфо с Мариею, божественныя.
Мáрфу велемудрую в песнех да почтим вси празднолюбцы, и свящéннаго Лазаря, и Марию, Богом почтенную, и возопиúм к ним: трóице пречестных срóдник, молите Спаса о душах наших.
Христовы самовидцы и свидетели Божественнаго Воплощения, и честнии служителие, Лазарю блаженный, Марие славная и Марфо всепетая, наше хваление, якоже дар несовершенный, приимúте и испросите нам благодать свыше.
Богородичен: Воду жизни Христа яко во чреве понесши, мирови излила еси, Источниче Неисчерпаемый Божественныя чистоты, Отроковице Пренепорочная, сего ради и мне одождú капли благодати, пожигаемому искушений ýглем, Богородице, и спаси мя, молюся.
Христу собесéдующе разýмно,/ и Его приéмше учение Божéственное,/ Сего познáсте Бога и Владыку,/ в плоть облéкшася/ во еже спасти Адама первоздáннаго,/ Марфо всехвальная/ и Марúе достослáвная,// и Вышния славы сподóбистеся.
Мéртва четвероднéвна Лáзаря/ Христос яко воздвúже,/ Божественнаго, вам единокрóвнаго,/ изумления испóлнистеся,/ и велúчие Божествá Его воспéсте,/ жены′богомýдрыя,/ Марфо боголепная и Марие богочтимая:// сего ради вас ублажаем.
Ко гробу Христову со тщáнием/ пришéдше, всехвáльныя,/ от Ангела увéдасте Того Воскресение/ и житие святое богомудре пожúвше,/ Жизнь Вечную улучúсте,/ в нейже сýще, с Лазарем молитеся,/ Мáрфо всечестная и Марúе,// о душáх наших.
Подобен: Ангельския:
Срóдницы честныя,/ Богомýдраго Лазаря,/ Марфо славная/ и Богу любéзная Марúе,/ двóице блажéнная, соýз Богочтúмый,/Спаса всех и Владыки,/ Егоже угодницы/ и сосуды всечестныя,/ молите усердно// о душах наших.
Вéрою неуклóнною/ Христу послужúвши,/ Марфо дивная,/ Божия благодати напиталася еси;/ Его же непорóчнеи нóзе/ миром помáзавши,/ Божественнаго благоухания исполнилася еси,/ честнáя Марие Богоносная:/ темже вси,/ якоже прúсных,// чтúм вас и ублажаем.
Миро Христу,/ волею умéршему/ и за ны во гробе погребéнному,/ Марие с Мáрфою, благоговейно принéсше,/ со инéми святыми миронóсицами,/ рáдость улучúсте неизглагóланную,/ Сему взывáюще:/Твое Воскресение, Спасе,// поюще, славим.
Божественными добродéтельми/ истинно укрáшены,/ ко еже паче ума веселию/ Ангельски прешедше в славе,/ Богоносныя сестры, Марфо и Марие,// с Лазарем Спаса молите/ обрести милость //лéтнюю вашу память празднующим.
Слава, глас 1:
Еже в законе праведности исполнившеся,/ Законодáтеля видети улучúсте,/ человеческий восприявшаго зрак,/ Марфо и Марие,/ и Сему послуживше,/ и многия благодати сопричастившеся,/ Небеснаго Чертóга сподóбилися есте,/ чéстно жúтельство совершивше;/ с Божественным же срóдником сликовствующе,// не престáйте молитися о душах наших.
И ныне, глас тойже:
Грешных мольбы приéмлющи/ и печáльных стенания не презирающи,/ Егоже от непорочных ложесн Твоих моли// спасти ны, Пресвятая Дево.
На стиховне, глас 2.
Подобен: Доме Евфрафов:
Житиé боголéпное/ пожúвше непорóчне,/ Марфо с Марúею,/ небесныя славы// по достоянию сподобистеся.Стих: Терпя потерпех Господа,// и внят ми, и услыша молитву мою.
О паче естества благодати/ и чина ваших,/ честныя жены!/ Христу бо Спáсу// верно послужúсте.
Стих: И постави на камени нозе мои,// и исправи стопы моя.
Ангельским собóром/ причтéнныя в Вышних,/ о Мáрфо и Марúе,/ просите нам всем// прегрешéний прощения.
Слава, глас и подобен тойже:
Блистáнием трисиянным/ нетелéсно светяще,/ тьмы страстей избáвите/ помышления наша,// срóдницы боголéпнии.
И ныне, глас и подобен тойже:
Текóша с Тобою/ Лазаревы сестры,/ к Сына Твоего гробу, Дево,/ и узрéша// Сего Божéственное Воскресение.
НА ВЕЛИЦЕЙ ВЕЧЕРНИ
На «Господи, воззвах», глас 1.
Подобен: Небесных чинов:
Лáзаря сестры′пéсньми почтúм,/ Марфу и Марию,/ свéтлую двóицу:/ Христу бо Спасу верою тéплою/ благочéстне послужúша/ и Того светозарéния на Небесéх// по кончине сподóбишася.Яже в закóне испóлнивше, всечестныя,/ приясте богáтно свет благодáти,/ узрéвше и увéровавше душéю/ мúлостию нас рáди/ воплотúвшемуся Творцу векóв,// богоприятныя сестры.
Послужúвши, о Марфо, душéю теплéйшею/ воплощéнному Слову/ и Тогó, Марие, словесá приúмши,/ кýпно и света Егó познáния/ обоú сподóбистеся,// яко сердцем и рáзумом чúсты.
Ины, глас 4.
Подобен: Яко добля в мученицех:
Закона повелéнии жизнь упрáвивше,/ закона Творца приúмше,/ Человека милосердия ради бывша,/Сего и сведуще совестию чистою,/ Сего осияния испóлнистеся,/ с Марфою Марие Богоносная,/ и Сего Царствия// сонаследницы бысте. Христу, к вам яко пришéдшу, возопúсте,/ сродницы пречестныя:/ аще бы еси зде был, Господи,/ не бы умерл возлюбленный брат наш;/егóже воскресúв Христос,/ многую к вам показа, Человеколюбец,/ милость и любовь,/ честныя
Марфо и Марие,// Ангелом собесéдницы.
Любóвию пламенéюще ко всех Владыце,/ мира принесше, приидóсте/ с мироносиц собором/ ко гробу Его,/ и Воскресению Его/ от Ангела блистáющаго яко научúвшеся,/ радости испóлнистеся неизречéнныя,/ о Марие же и Марфо,// Того держáву слáвяще.
Слава, глас 4:
Еже в законе служения/ узрéвше скончание,/ всецело Христу прилепúстеся,/ прорóчествия испóлньшему/ неизреченным Своим истощáнием:/ изволéнию бо вашему внéмля Спас,/ смотрения Своего óбщницы явú,/ приимáя вы,/ богáтством любвé преукрашéнныя,/ послужúвше бо Семý усердно,/ Промысла Его великаго/ таинство постигóсте,/ и, достойно поживше,/ Марфо и Марие, Лазаревы сродницы,/ áнгельския радости вкупе сподобистеся;// о нас выну молитеся.
И ныне, Догматик, глас 4: Иже Тебе ради:
Вход. Свете Тихий, прокимен дне и чтения три.
Притчей чтение (31:10, 13 — 18, 20, 25)
Женý дóблю кто обря́щет, дражáйши есть кáмения многоцéннаго таковáя. Обрéтши вóлну и лен, сотворú благопотрéбное рукáма своúма. Бысть яко корабль кýплю дея, издалеча собирает себе богатство: и востает из нощú, и дадé брáшна дóму и делá рабыням. Узревши селó купú, от плодов же рук своих насадú стяжание. Препоясавши крепко чреслá своя, утвердит мышцы своя на дéло, и вкусú, яко добрó есть делати, и не угасáет светúльник ея всю нощь. И рýце свои отверзает убóгому, длань же прострé нúщу. Устá своя отвéрзе внимáтелно и закóнно и чин заповéда языку своему.
Премудрости Соломони чтение (5: 15 — 24, 6: 1 — 3)
Праведницы во веки живут, и в Господе мзда их, попечение их у Вышняго. Сего ради приúмут царствие благолепия, и венец доброты от руки Господни: занé десницею покрыет я, и мышцею защитит их. Приимет всеоружие рвение Свое, и вооружит тварь в месть врагом. Облечется в броня правды, и возложúт шлем, суд нелицемерен. Приимет щит непобедимый, преподобие: поострúт же напрасный гнев оружие: спобóрет же с Ним мир на безумныя. Пóйдут праволýчныя стрелы молниины, и яко от благокругла лука облаков, на намерение полетят. И от каменомéтныя ярости, испóлнь падут грады. Вознегодует на них вода морская, реки же потопят я нагло. Сопротив станет им дух силы, и яко вихор развеет их: и опустошит всю землю беззаконие, и злодейство превратит престолы сильных. Слышите убо цáрие и разумейте, навыкните судии концев земли. Внушите держащии множества, и гордящиися о народех язык. Яко дана есть от Господа держава вам, и сила от Вышняго.
Премудрости Соломони чтение (4: 7 — 15)
Праведник, áще постигнет скончáтися, в покóи будет. Стáрость бо честнá, не многолéтна, нижé в числе лет исчитáется. Седина же есть мудрость человéком, и возраст старости – житие несквéрное. Благоугóден Богу быв, возлюблен бысть, и живый посреде грешник преставлен бысть. Восхищéн бысть, да не злоба изменит разума его, или лесть прельстит душу его. Рачение бо злобы помрачает добрая, и парение похоти пременяет ум незлобив. Скончáвся вмáле, исполни лета дóлга, угодна бо бе Господу душа его, сего ради потщася от среды лукавствия. Людие же видевше и не разумевше, нижé полóжше в помышлении таковое, яко благодать и милость в преподобных Его и посещение во избранных Его.
На литии стихиры самогласны
Глас 1:
К Богу Спасу/ любовию восперúвше дýши,/ Тогó стопам послéдовасте,/ Марфо и Марие,/ и благовéстия благодáти/ назнáменовавшеся светом,/ добродетельных деяний плоды/ Христý принесóсте,/ устремлéнием всецéлым:/ тлéния бо отступúвше,/ благочéстия стезю дóбре навершúсте,/ и нетлéния воздаяние прияли естé,/ от Христа Бóга//и Спаса душ наших.
Ина, глас 2:
В немощнéм естествé/ разум мужеский приясте,/ о Марфо и Марие,/ сестры′всеблажéнныя,/ и ýтру глубокý во едúну от суббóт/ко Спáсову Гробу приидóсте/ с миронóсицами женáми,/ и Áнгеловым зрáком / Госпóдню научúвшеся Воскресéнию,/ небéснаго света испóлнистеся,/ яко богозрúтели пáче естествá:/ и достóйно звáния пожúвше,/ боголéпным смыслом/ в Вéчнаго Живота невéстник вселистеся./ Но яко имýще дерзновéние,/ предстáтельствуйте, мóлимся// о душах наших.
Ина, глас 3:
Начальнику спасения нашего,/ человéков восприúмшему естество,/ Марфо и Марие, Лáзаревы сестры,/ со слезáми возопúсте:/ аще бы еси зде был, Господи,/ не бы умерл брат наш;/ и сего жúва приявше,/ Жизнодáвца Спаса повелением,/ вéчерю сотвористе/ Хлебу Жизни,/ Того живоносными словесы′питающеся;/ и с Марфою убо богомýдрою,/ усердно послужúвшею,/ Марие боголéпная/ многоценным миром/ стопы Его помáза и власы′отрé,/ и с Лазарем возопúсте:// Господи, слава Тебе!
Ина, глас 4:
Добродéтелей образом/ дýши просветивше,/ свещú сияющия явилися естé/ Евангельскаго мира,/ богонóсныя сестры,/ Спасовы бо глагóлы/ дéлы испóлнивше,/ всем уяснúсте/ еже во Христе бывшее/ рода человéча обновлéние./ Но, о Марфо и Марие,/ с Лáзарем молите// о душáх наших.
Слава, глас 2:
Триплетéнный лик священных срóдник:/ Лáзаря божéственнаго,/ и Мáрфу, и Марúю да воспоúм,/ яко Спáсу úскреннейших:/ к Семý бо, благоутрóбия рáди/ обратúвшеся и бесéдующе,/ дрýзи Его быша,/ и неизречéнныя слáвы таúнницы,/ от Тогó и прияша Свет благодáти,/ и в Нем обновúвшеся,/ Вéчныя Жúзни сподóбишася,/ яко Сегó слýзи,// тем и молятся о душах наших.
И ныне, глас тойже:
Все упование мое/ на Тя возлагаю,/ Мати Божия,// сохрани мя под кровом Твоим.
На стиховне, глас 4.
Подобен: Дал еси знамение:
Дал еси, Человеколюбче,/ священным угодницам Твоим,/ тепле возлюбльшим Тя,/ Марфе богомудрей, вкупе и Марии,/ разумение святое,/ úмже Бога Тя Истинна,/ воплотúвшагося блáгости ради, постигóша,/ и возрáдовавшеся о еже паче слова Воплощении,// Тебе послужúша, Господи, и верно порабóташа.Стих: Терпя потерпех Господа,// и внят ми, и услыша молитву мою.
Яко дéлы веры Спасу послéдующия,/богонóсныя сестры,/свéтло украсúвшеся, Марфо и Марие,/ непостижúмаго/ и еже паче слова рáдования и весéлия/ причастницы явúстеся,/ преподобно совершивше жительство,/ прославляюще// к Вышнему Царствию вас Преселившаго.
Стих: И постави на камени нозе мои,// и исправи стопы моя.
Лáзарю блажéнне,/ друже Христов úскреннейший,/ и Марие боголепная,/ Марфо богочтимая,/ троице Божественных сродник,/ о нас выну молитеся, просим,/ Троице Пребожественней,/ дати нам свыше милость,// и согрешений прощение, и жизнь вечную.
Слава, глас 6:
Богоугодно поживше/ во благочéстии всяце и истине,/ и хранении Божественных заповедей/ Вседержителя Христа,/ достойнаго воздаяния сподóбистеся/ в Небесных Чертóзех,/ Мáрфо и Марúе достохвáльныя,/ к Древу животному возвратúстеся/ и трисвятýю песнь/ Богу воспéсте/ со Ангельскими лики./ Темже молимся:/ с ними ходатайствуйте,//о еже всякия печали нас избáвити.
И ныне, Богородичен глас тойже: Богородице, Ты еси Лоза истинная…
Тропарь, поéмый во Святéй Руси, глас 3:
Прáведнаго Лáзаря боголюбúвыя сестры,/ Мáрфо и Марúе преслáвныя,/ чистым сердцем/ Христа в житиú вашем возлюбúли естé,/ миронóсиц взéмше чин/ и Его, яко Сына Божия,/ небоязненно исповéдали естé:/ сего ради ныне/ во обúтелех Отцá Небéснаго/ со Ангелы и всеми святыми/ слáвно цáрствуете./ Умолúте, Егоже возлюбúли естé,/ и нам, грешным,/ в вере и любви Христовой утвердúтися// и Царствия Небеснаго сподóбитися.
Ин, монаха Герасима, глас 5.
Подобен: Собезначальное Слово:
Спáсу непорочно послужúвше,/ святаго Лазаря Божéственныя сестры,/ с Марфою слáвною/ Марúе всечестнáя,/ и Воскресение Его/ с миронóсицами женáми/ от Ангела увéдевше,/ Света испóлнистеся свыше.// Нам испросúте спасение.
НА УТРЕНИ
По первой кафисме седален, глас 1:
Подобен: Гроб Твой, Спасе:
Двóица дúвная честных сéстр от нас да воспоéтся хвалами песней, Мария богомудрая и Марфа славная, сокровища Христа Царя, Егóже и молят нам даровáтися прегрешéний прощения выну.
Слава и ныне, Богородичен:
Ко Гробу святому Сына и Бога Твоего яко приúде заýтра, во едúну от суббот, двóицу соимéнную спýтник стяжала есú, величáющую Твоего Сына и Владыки Воскресение, с нúмиже воспевáем Тя, Дево, яко мирови Избавлéние.
По второй кафисме седален, глас 4:
Подобен: Скоро предвари:
Единокрóвницы единодýшныя, дóбре мýдрствующия согласно слову благодати и заповедем Христовым истинно явúстеся, Марфо и Марие, сестры′Лазаревы: тéмже небесное наследие улучúвше, непрестанно молúте о душах наших.
Слава, и ныне, Богородичен:
Христа, Егоже во чреве носила еси, во спасение наше, Дево Всенепорочная, тепле возлюбивше совершеннейшею душею, Марфа и Мария Сему послужúша: тем и светозарения испóлнишася Божественнаго, поюще, Богородице, велие Твое таинство.
Величание:
Ублажаем вас,/ святыя прáведныя Мáрфо и Марúе,/ и чтéм святую память вашу,/ вы бо мóлите о нас// Христа, Бога нашего.
Псалом избранный:
Терпя потерпéх Господа, и внят ми, и услыша молитву мою. Постави на кáмени нозе мои, и испрáви стопы моя. Напрягóша лук свой вещь гóрьку, состреляти в тайных непорóчнаго. Предзрéх Господа предо мною выну, яко одеснýю мене есть, да не подвúжуся. Да исповéдятся Тебе, Господи, вся дела Твоя, и преподóбнии твои да благословят Тя. Хранúт Господь души преподóбных Своих.
По полиелéи седален, глас 4:
Подобен: Вознесыйся на Крест:
Лáзаревы сестры′верою теплою/ собесéдоваша Богу и Спасу,/ с Мариею Марфа служащая./ Сему принесóша/ и во Гробе лежáщу, миро,/ Востание же светлое Спасово уведéвше,/ сиé проповéдаша,// Апостолом Ангелы возвестúтели содéлавшеся.
Слава, и ныне, Богородичен:
Иже прежде век Бог Слово,/ от Отца рожденный паче слова,/ Сей родúся, Отроковице,/ от ложесн Твоих,/ Человек быв,/ ни преложéния претерпев,/ и нас от тли и смерти/ к вечней славе и жизни возведé.// Тем поем, Дево, рождество Твое.Прокимен, глас 4. Терпя потерпех Господа/ и внят ми, и услыша молитву мою. Стих: Постави на кáмени нóзи мои и испрáви стопы моя. Евангелие от Луки (10: 38-42, 11: 27-28).
По 50-м псалме стихира, глас 2:
Пришéдшему спастú род человеческий/ увéровавше тéпле,/ оправдáния Того испóлнивше,/ жены′честныя,/ неотстýпным сердцем,/и богоугодно пожúвше,/ к Небесному Жилищу взыдóсте,/ Мáрфо и Марúе,/ вéчныя рáдости сподóбльшеся,/ еяже и нас причáстники сотворúте// вашими к Богу молитвами.
Канон, глас 4.
Песнь 1
Ирмос: Отвéрзу уста моя/ и наполнятся Духа,/ и слово отрыгну Царице Матери,/ и явлюся, светло торжествýя,// и воспою, радуяся, Тоя чудеса.
Святыя прáведныя Мáрфо и Марúе, молите Бога о нас.
Вселúвшеся во Обúтели Небéсныя рáдующеся, и исполнены сияния еже паче ума, Мáрфо всечестнáя вкýпе с Марúею, нам испросите прегрешéний оставление.
Сиянием невещéственным воплощéннаго Бога нашего ум озарúвше, честныя сестры, Тому прилепúстеся теплым сердцем и Того стопáм послéдовасте.
Глагол послýшательницы живоносных сýще Бога, милости ради вочеловéчшася, Марфо славная, Марие богонóсная, Семý с верою послужúсте.
Богородичен: Бóга воплóщши Присносýщественнаго, Непорочная, клятву праотéческую испразднúла еси, сего ради молюся: от страстей греховных ум мой очисти, яко да восхвалю Тя.
Песнь 3
Ирмос: Твоя песнословцы, Богородице,/ Живый и Независтный Истóчниче,/ лик себе совокупльшия, духовно утвердú,/ в Божественней Твоей славе// венцéв славы сподоби.Лицезрúтельно Христу собесéдующе, яко воистинну чистым умом, Лáзаревы сестры, Сего исповéдасте Бога, Человéка бывша человéков спасения ради.
Закона сень остáвльше, свéтом благодáти Христовы к рáзуму приидóсте, Марúе всепéтая и Мáрфо всеблажéнная, яко чúсты сýще.
Воспели естé Христа владычество, узрéвше, честныя сестры, Лазарево воскрешение, и Томý вéчерю святу вéрно сотворúсте, чудо велие проповéдающе.
Богородичен: Воплотúвшагося Тебе, Господи, от Пречúстыя Девы, праведныя Марфа и Мария возлюбúвше, в воню мира Твоего потекóша, Твоею уязвúвшеся Божественною любóвию.
Седален, глас 3:
Подобен: Красотé девства:
Христовы служительницы воистинну явишася, яко исполнены веры, и сосуди честнии, Лазаревы сестры, Марфа и Мария: óва вéчерю убо Сему вéрою уготови, сия же миром умáсти и власы главы своея отрé Гóспода нóзе: тем сих вкупе да почтúм.
Слава, и ныне, Богородичен:
Бога рождши неопúсаннаго, описýема веществóм плóти, и возстáвившаго ны, Дево, от клятвы, Сего умоли, яко Сына Твоего и Господа, избáвити души наша мучúтельства змиева, и спасти верою Ти вопиющия: радуйся, Обрадованная.
Песнь 4
Ирмос: Неизслéдный Божий Совет,/ еже от Девы воплощения/ Тебе, Вышняго,/ пророк Аввакум усмотряя, зовяше:// слава силе Твоей, Господи.По законом ходяще Христовым, Марфо и Марие сестры, на земли жительство свято пожúсте, и святых совсéльницы на Небесéх показáстеся.
Господи, áще бы еси здé был, верою непреклóнною возопúсте, не бы умерл брат наш и друг Твой вéдомый, Лазарь, егоже гроб сокрывáет.
Яко приявшия брата, по четырéх днех оживлéннаго гласом Владыки, Того воспéсте Божества сúлу, Мáрфо и Марúе, ликýюще.
Богородичен: Не опалив ложесн Твоих, Слово вселися в Тя паче естества, грех попалú, Чистая, естества человеческаго, явився нам яко Человек, кромé пременения и смешения.
Песнь 5
Ирмос: Ужасóшася всяческая/ о Божéственней славе Твоей,/ Ты бо, Неискусобрачная Дево,/ имела еси во утробе над всеми Бога/ и родила еси Безлéтнаго Сына,/ всем воспевáющим Тя// мир подавáюща. Непорóчне поживше, яко Христовы ученúцы, Марфо и Марие богоносныя, с Лазарем, братом священным, славы Того на Небесех причáстницы явúлися естé, со Ангелы ликовствýюще.
Узрéвше у гроба блистáюща Ангела, Христово со инéми миронóсицами éже пáче слова Воскресение, Мáрфо и Марúе, священными усты′восхвалисте и ясно проповéдасте.
Мúром умащáюще со слезами Гроб плотию Пострадавшаго и Погребéннаго, тáинственно озарéны бысте Светом Божественным Егó Воскресения, Марфо и Марие, якоже благодáти сосуди.
Богородичен: Сóлнца Светлéйшаго, Истины Колесницу, Сего воплóщши непреложно, Дево, явилася еси Мáти Неневестная. Тем и мя просвети, обдержúма тьмою множества преступлений.
Песнь 6
Ирмос: Божественное сие и всечестное/ совершающе прáзднество,/ богомудрии, Богоматере,/ приидите, руками восплещим,// от Нея рождшагося Бога славим.Мéртва милости ради бывшаго, всем живот Собою подающаго, не остáвисте, но во Гробе, поспешáюще, узрéсте Того Божественное Воскресение.
Превысшую славу стяжáли естé, о Мáрфо и Марúе всехвáльныя, послужúвше Вочеловечшемуся ради милости и человéческое естество Обезсмéртившему.
Святынею преукрашéнныя, яко Божéственныя Христóвы ученúцы, небесный венéц безсмертия приясте, о Марфо и Марие, Лазаревы срóдницы.
Богородичен: Избáви нас всякия печали и всякаго навета от лукаваго, Дево Непорочная, прилéжно припáдающих Ти, и на путь прямый нас настави.
Кондак, глас 2:
Двóицу сестéр всечестных,/Лáзаревых сродниц в пéснех да почтим,/ Марúю и Мáрфу,/ яко да тех мольбáми ко Господу// прегрешéний приúмем разрешéние.
Икос
Воплотившемуся нас ради и спасшему мир, Христу всех Царю увéровавше усердно, Сего ученúцы истинныя и мироносицы явúстеся, о Марфо и Марие, двоице возлюбленная: и вам единокровнаго, и уже четверодневна и смердяща, во гробе спяща, животворным Его гласом оживотворенна приявше, Божества Его величие и превысшую власть восхвалúсте гласом вéлиим; и волею Умершему и Погребенному, и во Гробе Лежащему миры принесше со инеми святыми мироносицы, Воскресения Его проповедницы всем показалися есте, Егоже молите, молимся, яко да приимем прегрешений прощение.
Песнь 7
Ирмос: Не послужиша твари Богомудрии/ пáче Создáвшаго,/ но, огненное прещение мýжески попрáвше,/ радовахуся, поюще:// препéтый отцев Господь и Бог, благословен еси.Упрáвлены страхом Владычним, житие добродетельное и испóлненное деяний благих, мýдре навершúсте, Божéственныя сестры, воспевающе: отцев Господи и Боже, благословен еси.
Веселящеся, в дом отыдóсте, Лазаревы срóдницы, от Грóба Христóва, яко Того уразумéвше Божественное Востание, верою воспевáюще: отцев Господи и Боже, благословен еси.
Умерщвлéнна на Кресте жизни Господа прежде зряще, со слезами теплыми о Том возстенáсте, но увéдевше Того Воскресение, радости испóлнистеся, о Марие с Марфою.
Богородичен: Взрастú во мне страх спасúтельный, дáждь ми крéпость, дóндеже отражý вконéц врагá вселукáваго силу, Отроковúце Пречúстая, грéшников Пóмоще, и богоугóдно да поживу.
Песнь 8
Ирмос: Отроки благочестивыя в пещú/ Рождество Богорóдичо спасло есть;/ тогда убо образуемое,/ ныне же действуемое,/ вселенную всю воздвизает пети Тебе:/ Господа пойте, дела,// и превозносите во вся веки.Дéлы благочéстия украшéнныя, ученúцы Спаса богодухновéнныя, Марфо всеблажéнная и Марúе слáвная, к Небеси востекóсте, любовию вопиюще: Господа пойте дела и превозносите во вся веки.
Глаголы Владычни услышавше и жúва от гроба приемше Лазаря сродника, святыя сестры, по погребении четвероднéвном, воспéсте деяние Спасово вéлие, úмже Бог всех и Господь Себé показá.
Непорóчны во стезях Господних и чúсты сýще, водворúстеся во Священных Обителех, яже паче смысла, Рая всечестнáго, верою взывающе: Господа пойте дела и превозносите во вся веки.
Богородичен: Скúния Благодатная славы и Дом световúден Утешителя явилася еси, Преблагословенная, Отроковице Всенепорочная, сего ради мя покажи сосуд достойный Божéственнаго тáинственно действия, яко да Тя славлю, Препрослáвленная.
Песнь 9
Ирмос: Всяк земнородный/ да взыграется, Духом просвещаемь,/ да торжествует же Безплотных умов естество,/ почитающее священное торжество Богоматере,/ и да вопиет:/ радуйся, Всеблаженная Богородице,// Чистая Приснодево.Да Христово тело умáстите Жизнодáтелево, миронóсицы всечестныя, ко Гробу Того приидóсте, и Сего Воскресение всем возвестúсте: сего ради вас ублажáем, Марфо с Мариею, божественныя.
Мáрфу велемудрую в песнех да почтим вси празднолюбцы, и свящéннаго Лазаря, и Марию, Богом почтенную, и возопиúм к ним: трóице пречестных срóдник, молите Спаса о душах наших.
Христовы самовидцы и свидетели Божественнаго Воплощения, и честнии служителие, Лазарю блаженный, Марие славная и Марфо всепетая, наше хваление, якоже дар несовершенный, приимúте и испросите нам благодать свыше.
Богородичен: Воду жизни Христа яко во чреве понесши, мирови излила еси, Источниче Неисчерпаемый Божественныя чистоты, Отроковице Пренепорочная, сего ради и мне одождú капли благодати, пожигаемому искушений ýглем, Богородице, и спаси мя, молюся.
Светилен, глас 3.
Подобен: Небо звездами:
Всéю душéю Господу воплотúвшемуся вас ради, Марфо с Мариею, послéдовавше благочéстно, Небéснаго Царствия наслéдницы содéлалися естé.
Слава и ныне, Богородичен:
Воплощенное от Твоея непорочныя плоти Слово моли, Богородице, о нас присно, яко да избавимся всякаго гнева, тли и беды.
На Хвалитех, глас 1.
Подобен: Всехвальнии мученицы:
Лáзаревы сестры′честныя,/ сосуди чистéйшии/ вдохновения превосхóднаго Вседержúтелева,/ Марфо и Марие, Христовы ученúцы/ и Божественных мироносиц единовсéльницы,/ Сего молúте/ даровати душам нашим мир// и велию милость.Христу собесéдующе разýмно,/ и Его приéмше учение Божéственное,/ Сего познáсте Бога и Владыку,/ в плоть облéкшася/ во еже спасти Адама первоздáннаго,/ Марфо всехвальная/ и Марúе достослáвная,// и Вышния славы сподóбистеся.
Мéртва четвероднéвна Лáзаря/ Христос яко воздвúже,/ Божественнаго, вам единокрóвнаго,/ изумления испóлнистеся,/ и велúчие Божествá Его воспéсте,/ жены′богомýдрыя,/ Марфо боголепная и Марие богочтимая:// сего ради вас ублажаем.
Ко гробу Христову со тщáнием/ пришéдше, всехвáльныя,/ от Ангела увéдасте Того Воскресение/ и житие святое богомудре пожúвше,/ Жизнь Вечную улучúсте,/ в нейже сýще, с Лазарем молитеся,/ Мáрфо всечестная и Марúе,// о душáх наших.
Слава, глас 5:
К лéпоте непорóчней/ Спáса Христа взирáюще,/ достóйне пожúсте, святыя сестры,/ Мáрфо и Марúе:/ глагóлы бо Его/ в тáйных душú сберегáюще,/ мимотекущих и тленных/ пределы прешлú естé,/пóмощию éже свыше;/ и единокрóвному Лазарю/ ныне свеселúтеся,/ вкупе со Ангельскими лúки./ С нимже молите// спастися душам нашим.
И ныне, глас тойже:
Блажúм Тя, Богородице Дево,/ и слáвим Тя, вернии, по дóлгу,/ Град Непоколебúмый,/ Стéну Необорúмую,/ Твéрдую Предстáтельницу// и Прибéжище душ наших.
НА ЛИТУРГИИ
Блаженны от канона святых, песни 3-я и 6-я. Апостол к Галатам, зач. 208, 209 (по конец четвертку). Прокимен, глас 4: Дивен Бог во святых Своих, Бог Израилев. Стих: В цéрквах благословите Господа от источник израилевых. Аллилуия, глас 1. Стих: Терпя потерпех Господа, и внят ми, и услыша молитву мою. Стих: И постави на камени нози мои, и исправи стопы моя. Евангелие от Иоанна, зач. 30. Причастный: Радуйтеся, праведнии, о Господе:
Молитва
О святыя и всехвáльныя ученúцы Христовы, боголюбúвыя Марфо и Марие, умолúте возлюбленнаго вами и вас возлюбúвшаго Сладчáйшаго Иисýса, Егóже вы исповéдали есте Христа Сына Божия, да даст нам грешным грехов оставлéние, в вере правой нелицемéрное и твердое стояние. Вселите в сердца наша дух страха Бóжия, смирéннаго на Бога уповáния, терпéния и к ближним милосéрдия. Избáвите нас молитвами вáшими от искушений житéйских, бед и напастей, да, тихое и мирное житие пожúвше зде, с помыслы непорóчными и сердцем чистым, с дерзновéнием веры и уповáния предстáнем на оный Стрáшный Суд и, дóбрый ответ на нем воздáвше, радости вечныя в Царствии Небéснем сподóбимся.
Аминь.
Примечания
1. Перевод выполнен по тексту службы, составленной о. Герасимом из Малой Анны и многократно выложенной в открытый доступ в греческом интернете. Например, тут: http://orthodoxhymnographyb.blogspot.ru/2018/02/blog-post_75.html
2. Работа над службой завершана.
3. Соблазн перевести в двойственном числе женского рода был велик. Но текст слишком насыщен аллюзиями на всю троицу родственников, причем в случае, когда святой Лазарь только подразумевается, нужно ставить множественное число мужского рода. Чередование форм настолько усложняло восприятие, что от идеи пришлось отказаться. Вот почему число множественное, а текст приведен в соответствие с грамматическими формами акафиста святым Марфе и Марии, а также тропарем и молитвам, взятым из него же и напечатанным в зеленых Минеях.
4. Первый тропарь и молитва перепечатаны из зеленых Миней.
5. Приветствуются конструктивные замечания.
