вторник, 27 августа 2013 г.

Свт. Ливерию начало службы



Тропарь, глас 1

Приидите, немощствующии и боримии,* и лестью века сего обстоимии,* притецем ко священноисповеднику Ливерию* покаянием припадающе и вопиюще:* иже верным пребывый Единосущней Троице,** дерзновенно моли спастися нам.


Месяца августа двадцать седьмаго дня празднуем память
святителя Ливерия, папы Римскаго
На Господи, воззвах поставим стихов 6: преподобному 3
и святителю три, глас 6. Подобен: Все отложше:


Днeсь собрaвшеся,* о, праведниколюбцы,* песньми церковными да восхвaлим* святителей удобрение,* вeлию исповедников похвалу,* крепкаго веры правослaвныя поборника:* рaдуйся, Ливeрие,* пaстырю дивный,* волки мiра сего не устрашивыйся,* и ныне на небесех вселивыйся,* отнюдуже озаряеши ны** блистaнием слaвы, о блаженне.

На престоле Петрове ти возсeдшу* стезям великаго Пaвла приобщися!* Аще бо и Церковь уведе,* нечестивыми ариaны раздирaему,* обaче яко ризу Хриcтову* нераздельну соблюл еси,* и неколеблему,* и в Правослaвии от тебе утверждену,* образ быв словесным овцам,* поборaя за веру* и сохраняя паству твою,** о, дивне священноначальниче Ливерие.

Непрaведне изгоняемь* от престола твоего,* о, архиерею святый,* и беды терпяй,* крепкомудренне и мужески,* яко храборник доблий Христов,* прельщеннаго Констанция одолел еси* и ариан низложил еси,* свобождая сих зломыслия* люди православныя.* Сего ради Христос* слaвою тя увенча,** о, Ливерие, усердный ходaтаю о душах нашых.


Слава: самогласен преподобному, и ныне: Богородичен или Крестобогородичен из службы преподобному


На стиховне Октоиха и святаго иерарха, самопесно, глас 4:


Стих: Многи скорби праведным* и от всех их избавит я Господь.
Oсмеянию и поруганию* от врагов Христовых преданный,* небоязненне злобу их* и прещения претерпевый,* Богу укрепляющу* силы души твоея,* аще бо и гонения обыдоша тя,* мужески противостал еси* безбожным притязанием* пререцая льстивым словесем и клевете,* егда сии лгаху на тя* поборника зломудрия своего нарицающе.* Обaче в вере утверждаяся* во Иисуса Христа, Слово Божие,* о, Ливерие,* не престай моляся о нас,* да тебе подобне* отбежим пространнаго пути,* тесным же непреткновенно пойдем,* выну покланяющеся* Единосущней Троице,* Еяже престолу* вкупе со ангелы** ныне на небесех предстоиши. 
Слaва, самоглaсен преподобному, и ныне: Богородичен или Крестобогородичен из службы преподобному

Тропарь, глас 1.

Приидите, немощствующии и боримии,* и лестью века сего обстоимии,* притецем ко священноисповеднику Ливерию* покаянием припадающе и вопиюще:* иже верным пребывый Единосущней Троице,** дерзновенно моли спастися нам.

И ныне: Богородичен или Крестобогородичен из службы преподобному


Кондак, глас 3
Подобен: Дева днесь.

О, Ливерие, святителю Божий,* славим веры твоея чистоту,* хвалим велия твоя храбрство и мужество,* и дивимся сладкоречию изрядному твоему,* Дух бо вложи во уста твоя божественный дар,* да тьмы вверившихся ти людей наставиши,* и уста врагов Христовых затвориши,** утверждая никейский символ веры.

Аще восхощет Господь и живы будем, продолжение последует...

1 комментарий:

  1. Пожалуйста,помогите найти полное последование службы свт.Ливерию

    ОтветитьУдалить