вторник, 10 марта 2020 г.

Акафист святым мученикам Лесбосским Рафаилу, Николаю и Ирине



Акафист иже в Ферми Митилúнстей святым священномучеником Рафаúлу, Николáю и деве мýченице Ирúне 



Творение монаха Герасима из скита Малой Анны (Микрояннита)



Кондак 1 

Рафаилу дивному священномýченику, с Николáем и Ирúне, от Господа преизобúльно прославленным, úже в Фермú яко звезды нам явúшася и светосияют выну Божественными чудесы, воспоúм, взывáюще:
радуйтеся, святúи мýченицы Христовы,/ Рафаúле, Никóлае и Ирúно.

Икос 1 

Áнгельски подвиг блаженный неустрашúмым сердцем постадáсте, троице мученик, Рафаиле с Николáем и Ирúно, гонúтелей посрамúвше. Сего ради вы восхваляюще, вопием согласно:
Радуйся, трóице борцóв непреклóнных,
радуйся, собóре Христóви угóдных; 
радуйся, богоприятне Рафаиле и богонóсне,
радуйся, богомýдре Никóлае и победонóсне;
радуйся, мученице, мúра носящая имя, светúло девства,
радуйся, сонме тричáстный, трóице стратотéрпцев;
радуйся, дружúно Господня страдальцев тресвéтлых,
радуйся, слáво чад правослáвныя Цéркве вéрных;
радуйся, соýзе Небéсный и триедúный, 
радуйся, Божественная хвалó благочестúвых; 
радуйся, лúче мýченик трисостáвный, 
радуйся, пóлче, всем святым равнослáвный.

Радуйтеся, святúи мýченицы Христовы,/ Рафаúле, Никóлае и Ирúно.


Кондак 2 

Имýще Божéственное жúтельство, невéрных стремлéнию противустáсте рáдостным сердцем; и, потаéни на мнóгая лéта, ныне преслáвно явлéни естé, о страстотéрпцы тричúсленнии, чудотворяще взывáющим: Аллилуия.


Икос 2 

Рáзумом мужемýдренным, Рафаúле, погубúл есú врагóв безýмие злóе, и разнообрáзно истязан быв, мýченическия слáвы сподóбился есú. Сего ради, терпéнию твоему дивящеся, вопиéм:
Рáдуйся, дóблести утверждéние,
радуйся, злочéстия низложéние;
радуйся, Итáки свящéннейшее прозябéние,
радуйся, мýчеником во всем уподоблéние;
радуйся, таúнниче богодухновéннейший Христóвы любвé,
радуйся, вóинства богонóснаго несокрушúмый стóлпе;
радуйся, яко Гóсподеви всецéло вручúлся есú,
радуйся, яко мирскúх красóт отложúлся есú;
радуйся, жития добродéтельнаго скрижáле,
радуйся, свéта Небéснаго сосýде.

Радуйся, Рафаиле,/ священномýчениче предúвный.

Кондак 3 

Силу Небéсную стяжáл еси в словесú твоем, яко испóлнь сый духновéния Бóжия, Евáнгелия Христóва вéлий учúтель нарéклся еси, Рафаúле преслáвне, всех воздвизáя вопúти: Аллилýия.

Икос 3 

Имéя в сéрдцы благочéстия осияние, Никóлае, рафаúловыми словесы, и Цéркви Христóве елúко мóщно послужúти предызбрáся. Сегó рáди, тя блажáще, взывáем:

Радуйся, любóвию ко Спасу прободáемь,
радуйся, яко богомýдрый всем являемь;
Радуйся, церкóвных служúтелей озарéние,
радуйся, дúвных страстонóсцев удобрéние;
радуйся, напечатлéние и нúво Рафаúла свящéннаго,
радуйся, чúстый служúтелю Христовы Цéркве;
радуйся, Солýни хвалó пребожéственная,
радуйся, благоухáнный цвéте безсмéртия;
радуйся, превышший всех тлéнных,
радуйся, лúку страдáльческому сопричтéнный;
радуйся, кадúло Христóви святéйшее,
радуйся, врáжия язя лютéйшая.

Радуйся, Никóлае,/ мýчениче непобедúмый.

Кондак 4 

Бýре ярости иноплемéнник, яко Божий слуга, добродéтельное житие противустáви, и, прáво в Фермú пострадáв, дóблественно, Никóлае, прослáвил есú тебé силу Подáвшаго, со страстотéрпцы мýченики поя: Аллилýия.

Икос 4 

В подвиг вступúла есú крепкодýшне, яко юница богонóсная, Ирúно, блажéнная дéво, и мучúтельскую небрéгши гордыню, яко жéртва приятная Гóсподеви принеслáся еси, слышащи от нас сицевáя:

Радуйся, аромáтнице чистоты,
радуйся, низпадéние злых;
радуйся, вечнаго мúра соимéннице,
радуйся, страстонóсцев совсéльнице;
радуйся, крúне благоухáнный Христовы любвé,
радуйся, мечý обоюдоóстрый на врáжию спéсь;
радуйся, юниц Бóжия пóчесте,
радуйся, дéвства добровóнный цвéте;
радуйся, прекрáсная дéво, áгнице Спáса,
радуйся, света невещéственнаго испóлнена чáше;
радуйся, Христóва невéсто, всех исцеляющая,
радуйся, верных побéдо, нагрáдами оделяющая.

Радуйся, Ирúно,/ мýченице всечестнáя.



Кондак 5 

Богопротúвное неúстовство пренеслá еси, чужезéмцам пристýпльшим, мученице Ирúно, в тéле юне, и, зрящу отцý твоемý, лютое претерпéвши страдáние, о Бóзе свидéтельствовати сподóбился еси, рáдостию вопиющи: Аллилýия.

Икос 5 

Вéлиим дерзновéнием, Рафаиле, противустáвил еси истязáтелем твéрдость, и пилóю стрáшною умерщвлéние, преслáвне, пострадá, ужасáя тя зрящия и утверждáя взывáющия:

Радуйся, свящéнников слáво,
радуйся, инокýющих чéсте;
радуйся, знáмение дúвнаго терпéния,
радуйся, óбразе духóвнаго дерзновéния;
радуйся, светúло блистáющее монáшескаго горéния,
радуйся, благочестúвым во озлоблéниих богодаровáнное утверждéние;
радуйся, яко нестерпúмыя муки стойко одолевáяй,
радуйся, яко безбóжныя гонúтели вспять обращáяй;
радуйся, нрáвов непорóчных учителю,
радуйся, многих даровáний испóлненный;
радуйся, истóчниче спасúтельных чудес,
радуйся, струé душепитáтельных вод.

Радуйся, Рафаúле,/ священномýчениче предúвный.


Кондак 6

Сый потаéн многа лéта в Фермú под землéю, Рафаúле богонóсе, вéрным чýдне познáлся еси в видéниих и знáмений сúлах и исполняеши вся дивесы, вопиющия: Аллилýия.


Икос 6

Возсияв богочéстием, Никóлае, явúлся еси блистáя, áки стяжáвый слáву: идéже гроб твой, мýчениче, днесь обрéтше, Богу хвалу воздáша, и вси, благодать почéрпше, в веселии ти взывают:

радуйся, Господень служúтелю,
радуйся, льстúваго низложúтелю;
радуйся, гонителя прекословие победúвый,
радуйся, ангельскою свéтлостию себе обогатúвый;
радуйся, мýчениче неодолúмый Христа Всецаря,
радуйся, падение и безсúлие лютаго врага;
радуйся, яко страдáльческий путь совершáеши,
радуйся, яко Госпóдне слово величáеши;
радуйся, верных богоданная хвалó,
радуйся, нам божественный вéнче;
радуйся, мученическим ликóм совокупляяйся,
радуйся, радости святых причащáяйся.

Радуйся, Николае,/ мýчениче непобедúмый.


Кондак 7

Мученичества путь, богомýдре, прейдя, бысть под землéю в Фермú лета мнóга, Никóлае блажéнне, ныне же дивно явúлся еси. Сего ради, приходяще ко святым мощéм твоим, верно вопием: Аллилýия.


Икос 7

Умерщвлéна, Ирúно, смертною мýкою, к славе безсмéртней прешлá еси и в невéстник жизни. Спáсово зрящи блистáние, молúся о нас, взывáющих ти богомýдро:

Радуйся, юнице Христова святая,
радуйся, дево блажéнная;
радуйся, огня понéсши воспламенéние,
радуйся, врáжее одолéвши супротивлéние;
радуйся, невéсто непорочная Христа,
радуйся, миро умопостúжное дéвственнаго жития;
радуйся, яко к мученическим борением совозшлá еси,
радуйся, яко ко áнгельстей славе вознеслáся еси;
радуйся, благоухáние добровóнное чистоты,
радуйся, славных страстотéрпцев единовсéльнице;
радуйся, пúщи причастúвшаяся божéственныя,
радуйся, жизни приобщúвшаяся святыя.

Радуйся, Ирúно,/ мученице всечестная.


Кондак 8

Устрáньшися дóльних, блажéнная отроковúце Ирино, áнгельским ликóм сочетáся, твéрдо свершúвши подвиг твой добрый, прекрáсная дéво, с Рафаилом и Николáем Господу возносящи песнь: Аллилýия.


Икос 8

Весь препрослáвлен, Рафаúле, назирáеши сýщих в Фермú преслáвно, с Николáем и Ирúною вкýпе, и всюду дéйствуеши чудесы, стрáждущия целя и помощь дая вопиющим:

Радуйся, вéлий в чудесéх,
радуйся, славный во святых;
радуйся, дрéвле пострадáв твердо,
радуйся, ныне явлéйся богодухновéнно;
радуйся, всюду дéйствуяй чудесы премúрно,
радуйся, всем подаяй по прошением дивно;
радуйся, яко во сне и вьяве зрúшися,
радуйся, яко божественно достóйными вúдишися;
радуйся, многим страстей исцелúтелю,
радуйся, предстателю нам и защúтителю;
радуйся, обители Кариóнския просвещéние,
радуйся, Ферми небесное удобрéние.

Радуйся, Рафаиле,/ священномýчениче предивный.


Кондак 9

Мнóзем, отче, явúся, исполняя прошения и раздая вышнее рáдование: сего ради в Фермú ко твоему гробу отвсюду благочестúвии стекáются, Рафаиле, воспевáюще тя и ко Спасу взывáюще: Аллилуия.


Икос 9

Силу божественную имéя, Никóлае, вступúл еси закóнно в мучения ров, и от Господа прослáвися, в Фермú твоя мóщи открыв любóвию тя почитáющим и вопиющим прилéжно:

радуйся, богодухновéнный во диáконех,
радуйся, свидéние в стастотéрпцех;
радуйся, древним мýчеником равночéстный,
радуйся, всем святым равночтúмый;
радуйся, славне Николае, побéдо всем вéрным,
радуйся, основание и крепость христиан правослáвных;
радуйся, яко приéмый нетления венéц,
радуйся, яко подаяй чтущим тя твéрдость;
радуйся, Христову испúвый чашу,
радуйся, нам божественное прибéжище;
радуйся, вражия жáла притупúвый,
радуйся, верных сердца озарúвый.

Радуйся, Никóлае,/ мучениче непобедúмый.


Кондак 10

Ангелов и мýченик совсéльник пребывáя, с Рафаúлом и Ирúною, Никóлае, страдáльче Христóв, с ними о нас выну молúся, яко да лукавых избáвимся, согласно зовýще: Аллилуия.


Икос 10

Нетлéнную добрóту Женихá зрящи, к Небéсным вселяешися с родúтельми своúми честными, Ирúно девомýченице непобедúмая, с ними Христу молúся о нас, вопиющих:

радуйся, крúне благочéстия,
радуйся, сосуде дéвства;
радуйся, благовóния свящéннаго сокрóвищница,
радуйся, прекрáсных дев процветéние;
радуйся, миро многосостáвное жития честнáго,
радуйся, аромáте небесный благодати страстотéрпческия;
радуйся, яко свыше божественную прияла еси силу,
радуйся, яко вéлия одолéла еси змия;
радуйся, Христово добровóнное благоухание,
радуйся, честное и святое заколéние;
радуйся, велемýдрый истины слáвие,
радуйся, светлое нетления сияние.

Радуйся, Ирúно,/ мученице всечестная.


Кондак 11

Песньми победными, страстотéрпице Ирúно, воспеваем страдáния твоя, яко в телесú млáде дрéвняго низложúла еси змúя, и победы диадúмою удобрéна, Господеви поéши: Аллилуия.


Икос 11

Светонóснии яко светúльницы в Лéсбосе возсúявше, мúрови ныне явúстеся и блистáньми чудес воспламеняете вéрных исполнéния, страстотéрпцы тричúсленнии, тéмже верно вам вопиéм:

радуйся, мученик трегýбое веселие,
радуйся, Лесбоса светозарéние;
радуйся, страстотерпцев трирáсленное слúчие,
радуйся, нечестию всякому укорúзна;
радуйся, сонме тричúсленный, Спáсовы óбщницы,
радуйся, братство богосплетéнное, право вéрующих настáвницы;
радуйся, трисóлнечною свéтлостию просвещéние,
радуйся, божественных мученик ликовствовáние;
радуйтеся, триé Троицы побóрницы,
радуйтеся, верных светúла многоцéнная;
радуйся, двоице побéдников,
радуйся, мироимéнное жен удобрéние.

Радуйтеся, святии мученицы Христовы,/ Рафаúле, Никóлае и Ирúно.


Кондак 12

Рáдующеся в Вышних, Рафаúле со Ирúною и Николáем божéственным вкýпе, и всéм в Карúех сýщим, страстотéрпческою кончúною врага посрамúсте, сего ради предстáтельствуйте о нас, вопиющих: Аллилýия.


Икос 12

Поюще со Ангелы песнь трисвятýю Пресýщней Трóице непрестáнно, молúтеся о нас, яко да бед, мученицы, и печáлей избавимся вси, согласно взывáющии:

радуйся, ликостояние препрослáвленное,
радуйся, ангельское единéние;
радуйся, Рафаиле, страстотéрпче свящéннейший,
радуйся, победонóсче, богомýдре Никóлае;
радуйся, соимéнная миру, Ирúно дивная,
радуйся, соборе тричúсленный, Митилúны застýпницы;
радуйся, созвучие триéх страстонóсцев,
радуйся, триплетéние страстотéрпцев;
радуйся, триверхóвная хрáмина,
радуйся, триéх свидéтелей сопряжéние;
радуйся, трегýбое нас облагоухáние,
радуйся, страдáльцев счетáние.

Радуйтеся, мученицы Христóвы,/ Рафаúле, Никóлае и Ирúно.


Кондак 13

О трóице блажéнная славных страстотéрпцев, Рафаúле, Никóлае и Ирúно, Пресýщней Трóице присно за ны молéния приносúте, яко да вышняго пребывáния улучúм, вопиющия: Аллилуия.


Молитва

О святúи угóдницы Бóжии, Рафаúле, Никóлае, Ирúно и иже с вами пострадáвшии! Подвигом добрым подвизáвшеся на земли, восприяли естé на Небесéх венцы правды, úхже уготовал есть Господь всем любящим Его. Тéмже, взирáюще на святый ваш образ, рáдуемся о преслáвнем скончании жительства вашего и чтем святую память вашу. Вы же, предстояще Престолу Божию, приимúте моления наша и ко Всемилостивому Богу принесите, о еже простúти нам всякое прегрешение и помощú нам стати протúву кóзнем диáвольским, да избáвльшеся от скорбей, болезней и всякаго зла, благочéстно и праведно поживем в нынешнем вéце и сподобимся предстáтельством вашим, аще и недостойны есмы, вúдети благая на земли живых, слáвяще Едúнаго во святых своих слáвимаго Бога, Отца и Сына и Святáго Духа, ныне и во веки веков.

Аминь.



Перевод выполнен по изданию: Ιερά μονή Ραφαήλ - Νικολάου - Ειρήνης και Αγίας Μαρίνας Ξυλοτύμπου. Κύπρος, 2014. — Σσ. 144. (Акафист на страницах 93 — 103).
Оригинал читается и понимается легко, и переводчик пытался передать эту легкость. Но в этот раз в творение о. Герасима вкралось уж очень много повторов. Некоторые удалось убрать, синонимизируя текст, другие пришлось оставить, чтобы не слишком отдаляться от оригинала.
Конструктивные замечания приветствуются.

3 комментария:

  1. Благодарю за труды

    Может у вас есть возможность найти и перевести праздничные антифоны на Жен Мироносец и на Фомину Неделю (уже давно ищу, но ...)

    ОтветитьУдалить
    Ответы
    1. Христос воскресе!
      Открыла греческую Цветную Триодь. На Фомину неделю антифоны и вправду есть, но это антифоны Пасхи. Судите сами:
      Ἀντίφωνον α'
      Ἦχος β'
      Στίχ. Ἀλαλάξατε τῷ Κυρίῳ πᾶσα ἡ γῆ.
      Στίχ. Ψάλατε δὴ τῷ ὀνόματι αὐτοῦ, δότε δόξαν ἐν αἰνέσει αὐτοῦ.
      Στίχ. Εἴπατε τῷ Θεῷ· Ὡς φοβερὰ τὰ ἔργα σου. Ἐν τῷ πλήθει τῆς δυνάμεώς σου ψεύσονταί σε οἱ ἐχθροί σου.
      Στίχ. Πᾶσα ἡ γῆ προσκυνησάτωσάν σοι καὶ ψαλάτωσάν σοι, ψαλάτωσαν δὴ τῷ ὀνόματι σου Ὕψιστε.

      Ἀντίφωνον β'
      Ἦχος ὁ αὐτὸς
      Στίχ. Ὁ Θεὸς οἰκτειρήσαι ἡμᾶς καὶ εὐλογήσαι ἡμᾶς, ἐπιφάναι τὸ πρόσωπον αὐτοῦ ἐφ' ἡμᾶς, καὶ ἐλεήσαι ἡμᾶς.
      Στίχ. Τοῦ γνῶναι ἐν τῇ γῇ τὴν ὁδόν σου, ἐν πᾶσιν ἔθνεσι τὸ σωτήριόν σου.
      Στίχ. Ἐξομολογησάσθωσάν σοι λαοί, ὁ Θεός, ἐξομολογησάσθωσάν σοι λαοὶ πάντες.
      Στίχ. Εὐλογήσαι ἡμᾶς ὁ Θεός, καὶ φοβηθήτωσαν αὐτὸν πάντα τὰ πέρατα τῆς γῆς.

      Ἀντίφωνον γ'
      Ἦχος πλ. α'
      Στίχ. Ἀναστήτω ὁ Θεός, καὶ διασκορπισθήτωσαν οἱ ἐχθροὶ αὐτοῦ, καὶ φυγέτωσαν ἀπὸ προσώπου αὐτοῦ οἱ μισοῦντες αὐτόν.
      Χριστὸς ἀνέστη ἐκ νεκρῶν, θανάτῳ θάνατον πατήσας, καὶ τοῖς ἐν τοῖς μνήμασι, ζωὴν χαρισάμενος.
      Στίχ. Ὡς ἐκλείπει καπνός, ἐκλιπέτωσαν, ὡς τήκεται κηρὸς ἀπὸ προσώτου πυρός.
      Στίχ. Οὕτως ἀπολοῦνται οἱ ἁμαρτωλοὶ ἀπὸ προσώπου τοῦ Θεοῦ, καὶ οἱ δίκαιοι εὐφρανθήτωσαν.
      Στίχ. Αὕτη ἡ ἡμέρα, ἣν ἐποίησεν ὁ Κύριος, ἀγαλλιασώμεθα καὶ εὐφρανθῶμεν ἐν αὐτῇ.

      В неделю святых Жен-мироносиц — они же.
      Греки просто поют антифоны Пасхи во недельные (воскресные) дни Пятидесятницы.
      С уважением, автор блога

      Удалить