Тропари чтимым в Германии святым

Тропари святым первого тысячелетия, почитаемым в землях Германских

(в хронологическом порядке)

Св. мученикам, воинам Фивейского легиона

Фивейский (или Фиваидский) Легион (Alkateeba al Teebia или Alkateeba Al-sáeedia) римской армии во главе с капитаном Маврикием (Maurice), состоял из христиан. За отказ принести жертвоприношение римским богам по приказу императора Максимиана Геркулия (285-305 н.э.) Легион был полностью истреблен.

Св. Маврикию тропарь, гл. 4:

Нечестиваго царя/поправ безбожное веление,/ мучениче доблественный,/ военачальниче Маври́кие,/ кровь невинных/ не пожерл еси бесовом,/ кровь же свою/ за Христа излиял еси,/ и дружину спострадати укрепил еси,/ по кончине же твоей/ многая чудеса явишася./ Сего ради молися,/ всем чтущим тя/ верными пребыти Христу// даже до смерти.

Кондак, гл. 3

Фиваидския страны произрастения,/ мученицы святии,/ честные шесть тысящ и шесть сот,/ Маври́кие, Канди́де, Экзюпе́рие,/ Инноке́нтие, Вита́лие,/ Алекса́ндре, Окта́вие,/ Урсусе, Ви́кторе и инии/ единодушно пострадавшии,/ и венцы победныя стяжавшии,/ с легионы Ангельскими,/ молитеся за роди христианстии,/ потиву невидимых враг/ мужески нам вооружатися// и спастися душам нашим.

Святая мученица Афра

День мученической кончины  — 7 августа 304 года. Мощи в Аугсбурге, в крипте церкви святых Афры и Ульриха.

Тропарь, гл. 3:

До́блести и любве крила́ми/ возлете́ла еси к Жела́емому Христу,/ чистотою убеле́на,/ ве́рою правою преукраше́нна,/ юже, от слове́с Нарки́ссовых прии́мши,/ дерзнове́нно пред мучи́тели испове́дала еси./ Те́мже, ки́прское прозябе́ние,/ Аугсбурга дивное удобре́ние,/ Афро, страстоте́рпице честна́я,// Бога моли спасти́ся нам. 

Святая мученица Урсула

Жила в IV веке, память 21 октября. Мощи в одноименной церкви Кёльна.

Тропарь, гл. 4:

Царе́вича благоро́днаго вритани́йскаго дщи,/ оставила еси оте́чество твое́/ вку́пе с девами иными,/ яко да саксо́нцев ва́рварства убежи́ши/ и дости́гши Рейна, реки вели́кия,/мученическую смерть от гу́ннов прия́ла еси./ Святая Урсу́ло,/ хода́таица неусыпная буди // о нас ко Господу.  

Святитель Ремигий Реймский

Святители Ремигий Реймский и Иларий Пиктавийский

Тропарь, гл.4

Света Ева́нгельскаго испо́лнени/ и богосло́вием истинным блиста́юще, /о иера́рси святии,/ победи́телие безбо́жия и ересе́й яви́стеся,/ Га́лию и зе́мли фра́нкския/ богатя́ще е́же свыше благода́тию./ Преукраси́в же Це́рковь Христову,/ ди́вныя венцы духовныя прияли есте́/ от Господа и Бо́га нашего,/ Иже молитвами ва́шими// да ниспосле́т нам ве́лию милость. 

Перенесение частицы Креста Господня из Константинополя в Пуатье.
Фреска православного монастыря прп. Антония Великого
(Дром, Франция)

Преподобная Радегунда (Radegundis, Радегонда) Тюрингская

Королева франков, родилась в 518 году в Эрфурте, скончалась в 587 г. Мощи во Франции, в городе Пуатье: 1 rue Sainte-Croix, 86000 Poitiers. Память 13 августа.

Тропарь, гл.5:

От юности своея́/ за́поведем Христовым прилежа́щи,/ супруга нечести́ваго/ кротостию и милостию умиря́ла еси./ Убиения же брата твоего не терпящи,/ мир оста́вила еси,/ от руки свята́го Ме́дарда ма́нтию прие́мши,/ искуше́ния от мира, плоти и диавола/ мужески попра́ла еси,/ монастырь Честнаго Креста возгради́ла еси./ Фра́нкския земли́ царице,/ и́нокинь преподобная наста́внице,/ болезней и скорбей цели́тельнице,/ свята́я Радегундо,/ моли Христа Царя/ и нам ему смиренно послужи́ти// и спасти́ся душам нашим. 

Преподобный Галл, просветитель Швейцарии

Преставился ок. 630 г. Подвизался близ Боденского озера,
мощи хранятся в городе Санкт-Галлен (Швейцария).

Память 16/29 октября, включена в месяцеслов Русской Православной Церкви.

Тропарь, глас 1:

Преподобне отче Га́лле,/ вся земля прославляет/ постническия подвиги твоя,/ ими же ты к Небе́сному Царствию возше́л еси,/ яре́м Христов на рáменах носяй,/ благодáть Божию обильно источáяй./ Ныне же предстоя́ престолу Царя Небеснаго,// моли Христá Бога спасти души нáша. 

Кондак, глас 4:

Яко Ангел во плоти/ на земли пожил еси, святе Га́лле,/ житием твоим/ Божественному твоему Учителю после́дуяй,/ всему ми́ру/ чудеса безчисленная источа́яй./ Ныне же, предстоя́ Престолу Святыя Троицы,/ моли Христа Бога// спасти души наша. 

Преподобная Гертруда (Gertrud) Нивельская

Игумения, + 659, память 17 марта

Тропарь, глас 5:

Ра́дуйся, преподо́бная ма́ти Гертру́до,/ я́ко багряни́цу кня́жескую на власяни́цу и́ноческую премени́ла еси́,/ и сего́ ра́ди ве́лию ми́лость Бо́жию стяжа́ла еси́./ Житие́м в посте́, моли́тве и бде́нии лю́ди изуми́ла еси́,/ ниже́ нача́льство оби́тели оста́вила еси́./ Те́мже в во́зрасте Христо́ве от трудо́в сконча́лася еси́./ Ны́не же предстои́ши Cвяте́й Тро́ице,/ моли́тву за притека́ющих к тебе́ неуста́нно вознося́щи,/ и мно́жеством чудотворе́ний и исцеле́ний и́х посеща́ющи./ Моли́ Человеколю́бца Христа́ и Засту́пницу усе́рдную// спасти́ся душа́м на́шим.

Кондак, глас 8

Бога́тство и земну́ю сла́ву презре́вши,/ и́ноческий о́браз прия́ла еси́,/ и прему́дро оби́тель Ни́вельскую устроя́ла еси́./ Те́мже восхваля́ем тя́, Гертру́до равноа́нгельная./ Ты́ же я́ко име́яй дерзнове́ние ко Го́споду,/ не оста́ви ча́д твои́х, притека́ющих к тебе́./ Моли́ Христа́ Бо́га// спасти́ся душа́м на́шим.

Святые Килиа́н, Колона́т и Тотна́н

Священномученик Килиан, блаженная кончина — 659 г. Мощи в Вюрцбурге. Память 17 марта 

Тропарь, глас 3:

Память вашу днесь ра́достию празднуем,/ вы бо спасение нам возвестили есте,/ Кила́не, иже во святых отец наш,/ Колона́те и Тотна́не, его верная помощника,// молите Христа нам дарова́ти велию милость. 

Преподобному Магну, просветителю Альгойскому 

(Германия, память 6 сентября + около 750 г., мощи в Фюссене (Füssen), в церкви его имени)

Тропарь, глас 5:

По́двиги свята́го Га́лла воспери́вся,/ ре́вность Апо́стольскую восприи́м,/ вод спаси́тельных струя́ми/ ни́ву Альго́йскую напои́л еси/ и плодоно́сну Богови сотвори́л еси./ Тем, восте́к к Источнику живо́тныя воды,/ отче Ма́гне преблаже́нне,/ ныне не преста́й Ему моля́ся/ род твой ко и́стинней вере обрати́ти,/ вся языки умири́ти// и спасти́ся душам нашим.

Преподобный Отмар Алеманн, Галленский

Блаженная кончина — в 759 г.

Основал на месте уединенного жительства преподобного Галла монастырь.

Мощи — в городе Санкт-Галлен (Швейцария), в одноименной церкви.

Память 16 ноября по старому стилю.

Тропарь, глас 5:

Подража́я милосердию Спаси́телеву,/ велие попече́ние/ о прокаже́нных ты имел еси,/ по навету же диа́вольскому/ оклеве́тан и изгнáн был еси,/ на ото́к же реки Рейна прише́д,/ та́мо душу Христу Богу пре́дал еси./ Преподобне отче Отмаре// моли спастися душам нашим. 

Преподобная Одилия (Ottilia) Эльзасская

Ок. 660 - 723, игумения Хоэнбургская.
Значительные частицы мощей святой Одилии имеются в Германии - в церкви Вилерс Тэнг (Weilers Taing) близ города Эрдинг (Erding); в церкви святой Одилии в городе Дормаген (Dormagen); в базилике святого Ламберта в Дюссельдорфе.
Память 13 декабря (Герм., Галл.)

Тропарь, глас 4

Якоже слепый от рождения/ в Силоа́мстем исто́чнице,/ зрение в купели крещения обрела́ еси./ Теле́сныма и духовныма очи́ма прозрев,/ еди́ному Господу служити восхотела еси,/ богомудрием и трудами многими/ благода́ть стяжа́ла еси./ Сего ра́ди яко дщерь света восхваляем тя,/ преподобная мати Оди́лие,/ да молитвами твоими/ Христос, Свет истинный,/ просветит души наша// и введет в Чертоги Небесныя. 

 Ин, глас 1

под.: Пустынный житель:

Эльза́са славо,/ Гогенбу́рга похвало,/ страждущих очес здра́вие/ и слепых прозрение,/немощных и нищих помоще,/ иноков благочестивых приодеяние,/Оди́лие блаженная,/ о нас моли, вопиющих:/ слава Призва́вшему тя Христу,/ слава Венча́вшему тя,// слава Де́йствующему тобою всем исцеления.

Кондак, глас 3

Не уве́де отец твой/ силы Божия в немощи соверша́емыя,/ гнева и ярости исполнися/ и смерти тя преда́ти восхоте́./ Оба́че в велиих зна́мениих/ позна́ волю Господню,/ и во обитель на горе высо́це всели́ тя./ Ты же яко светильник многосветлый,/ всем взыску́ющим спасения светила еси,/ и множество мудрых дев собра́ла еси./ Ныне же на Небесех предстоя,/ сла́вная Одилие,/ всех приступа́ющих к моще́м твоим/ то́ками благода́ти// оби́льно напаяеши. 

Святитель Бонифа́ций (Bonifatius, Вонифа́тий),

священномученик, равноапостольный, архиепископ Майнцкий,
просветитель Германии

672/675 г. — 754 г., мощи — в кафедральном соборе Фульда; память 5 июня

Тропарь, глас 5

О святый Вонифáтие,/ свящéнномучениче и равноапóстоле,/ Вритáнии божéственное прозябéние,/ Гермáнии возношéние,/ Франции похвало/ и Голландии слáво!/ Предстоя ныне престóлу всех Царя,/ оболчéн багряни́цею мýченическою,/ Того моли/ вся нарóды умири́ти / и душáм нáшим даровáти// велию милость. 

 Кондак, гл. 6

Да веселятся людие вритани́йстии/ и да торжествýют/ нарóди гермáнстии и голлáндстии,/ се бо святым Вонифáтием/ сим излия Господь/ благодать спасéния,/ и всели я в небесныя дворы/ радоватися и ликовствовáти./ Темже си́це да воспои́м:/ рáдуйся, Вонифáтие,/ кровь свою пролиявый// Христа ради, Пастыреначáльника.  

Святой Рихард (Richard, Ричард), король Уэссекса, 

отец святых Виннебальда, Виллибальда и Вальбурги

Праведная кончина — в 722 г.; мощи в Лукка (Италия), в церкви Сан Фредиано; память 7 февраля.

Тропарь, глас 1:

Дом твой, Рихарде, пра́веден/ и Господу уго́ден показа́ся,/ сродницы святи́теля Вонифа́тия супру́же:/ Церкви Христове/ яко дар безце́нен/ чад своих святых прине́сл еси:/ Виллиба́льда, Виннеба́льда и Вальбу́ргу,/ с нимиже на Небесех ныне ликовству́я,/ Всеблага́го Человеколюбца моли́,/ к Нему́же в стра́нствии благочести́вом пресели́лся еси,/ спасти души любо́вию воспева́ющих// всечестну́ю память твою. 

Святитель Виллибальд (Willibald), епископ Айхштеттский

Сын святого Рихарда, брат святого Виннебальда и преподобной Вльбурги, преставился ок. 789 г.; мощи в кафедральном соборе Айхштетта; память 7 июля.

Тропарь, глас 4:

Сыне святаго Ри́харда,/ изде́тска житие монашеское возлюбивый,/ по уставом преподобнаго Венеди́кта подвизавыйся,/ и от святаго Вонифатия/ сан священный приявый,/ купно с братом, святым Виннебальдом/ и сестрою святою Вальбургою/ германския народы просветивый/ и обители честныя возгради́вый,/ святе Виллибальде,/ моли Милостиваго Бога/ и нам добре Ему послужити// и спастися душам нашим.  

Преподобная Вальбурга (Walburga, Вальпургия)

Дочь святого Рихарда, сестра преподобных Виллибальда и Виннебальда, племянница святителя Бонифация (Вонифатия) Майнцкого, игумения, ок 710 — 779, мощи в женском бенедиктинском монастыре Айхштетта, память 25 февраля

Тропарь, глас 6:

Благочестивая дщерь царя земна́го,/ во святе́й обители воспита́вшися,/ Царю царей/ послужити возжеле́ла еси,/ купно с братиями твоими/ во апо́стольстей проповеди/ подвиза́лася еси,/ свята́я Вальбурго,/ моли Христа Бога спастися душа́м нашим. 

Святитель Виллиброрд (Willibrord) Утрехтский

658 г. — 739 гг.; мощи — в монастыре его имени в Эхтернахе (Люксембург); память 7 ноября.

Тропарь, глас 4

От юности взыскав подви́жническаго жития,/ ко преподобным ирландским притекл еси,/ апостольскою же ревностию разжегся/ просветити языки помраче́нныя возжеле́л еси./ Сего ради в землях Фра́нкских и Фри́зских/неустанно Христа проповедовал еси,/Цари и князи крестил еси,/ воду и вино чудесно умножил еси/и гонителей смирением укротил еси./ Святителю Виллибро́рде,/ моли Христа, Его же сице прославил еси,/ и нам добродетелем твоим подража́ти// и спастися душам нашим. 

Преподобномученик Майнрад (Meinrad), отшельник Швабский

Убит разбойниками в 861 году; мощи на острове Райхенау; память 21 января.

Тропарь, глас 8:

Отрасле благоро́дная,/ мир оста́ви,/ во е́же к Богу тещи́./ Мира же Господня/ в по́двизех потща́вся взыска́ти,/ оби́тель во Энсиде́льне основа́л еси./ Святый преподобному́чениче Ма́йнраде,// моли о душах наших. 

Преподобная Росвита (Хросвита) Гандергеймская

Тропарь, глас 3:

Мед Писаний Отеческих/ пища бысть тебе желаемая и нетленная,/ мати богомудрая Росвито,/ тем прославивши деяния и добродетели святых,/ ныне славы вышния неувядаемыя/ во Невестнице Христове причащаешися/ яко ревностно сим подражавшая;/ нам же прибавления ума испроси//

и спасения душ наших.

 

Собор святых земли Германской

Празднование в Неделю третью по Пятидесятнице.

Тропарь, глас 4:

Иже в земли Герма́нстей просла́вльшиися,/ святи́телие, мученицы, преподобнии, праведнии и вси святии,/ верою, подвиги благочестия, любовию, кротостию,/ словом и житием Богу благоугоди́вшии/ и венцы нетления и славы украси́вшиися,/ молите Христа Бога нашего дарова́ти мир стране нашей// и душам нашим в мире спасти́ся. 

Кондак, глас 4:

В мире благоче́стно поживше,/ святии, в земли Германстей просия́вшии,/ ныне на Небесе́х со Ангелы ра́дуетеся/ и Троицу Святую — Отца, и Сына, и Святаго Духа во Едином Божестве прославляете./ Мы же, земноро́днии, убла́жающе вас/ и святую память вашу соверща́юще, взыва́ем си́це:/ принесите молитвы наши ко Престолу Господа Вседержи́теля,/ да вашим хода́тайством// дарует мир и спасе́ние душа́м нашим.

Собрано в одном месте из разных источников.