Святым мученикам, по взятии Царьграда пострадавшим, тропари и кондаки

Рабочий файл с переводами и оригинальными текстами. Будет пополняться


Собор святых новомучеников, по взятии Константинополя пострадавших

Память в Неделю 3-ю по Пятидесятнице (греч.)

Тропарь, глас 3: Но́вии му́ченицы, / дре́внюю пре́лесть тве́рдым боре́нием низложи́вшии, / вознесо́ша ве́ру правосла́вных, / беззако́нное бо служе́ние уничижи́вше, / дерзнове́нно Христа́ пропове́даша, / Бо́га соверше́нна, / и ны́не непреста́нно мо́лятся // дарова́ти нам ве́лию ми́лость.

Кондак, глас 1: Весели́ся та́инственно, Христо́ва Це́рковь, / ви́дящи своя́ сы́ны, но́выя му́ченики, / о́крест трапе́зы Твоея́ и престола[1]/ стоя́щия в моще́х[2], / я́ко новосажде́ния ма́сличная[3], / и Зижди́телю всех возопи́й: // Ты му́чеников еси́, Христе́, утвержде́ние.

XV век:

Святой Иоанн Новый, священномученик, из Аграф (+ 7 января 1460 г.)

Память 7 января по н. ст.

Житие помещено прп. Никодимом Святогорцем в «Новый мартирологий»[4]

Тропарь, глас 1: Божественными кровьми́ Церковь облистал еси/ яко страстотерпец,/ и гонителей дерзость посрамил еси,/ усекнове́ние главы твердо претерпева́я,/ Иоа́нне всехва́льне,/ сего ради вси,/ память твою почита́юще,/ верою Спаса прославляем.


Святые преподобномученики Рафаил, Николай, мц. Ирина Отроковица, отец ее Василий, мать ее Мария, двоюродная сестра Елена (Сусанна) и Феодор учитель (+ 1463)

Память 9 апреля, во вторник Светлой Седмицы

Тропарь, глас 4: На Ле́сбосе подвиза́вшеся о Христе Бозе,/ сей освятили есте́/ моще́й ваших обре́тением, блаженнии:/ темже вас почита́ем, Рафаиле Богоносе/ вкупе с Никола́ем и девою Ириною,// яко Божественныя наша предста́тели и молитвенники ко Господу.

Кондак, глас 4. Под.: Вознесыйся: За Христа во́инствовавшии я́ве,/ многоле́тно на земли́ потае́ннии,/ дивно нам яви́стеся,/ Рафаи́ле, Нико́лае и Ири́но Божественнии,/ со сподви́жники богомысленными,/ тем вас, яко предста́телей и чудотво́рцев// и яко преподобному́чеников почита́ем вси.


Святой новомученик Давид, последний самодержец Трапезунда и собор царей Георгия, Мануила и Алексия, племянника его (†1463)

Память 1 ноября

Местночтимые святые Драмской епархии. В месяцеслов Элладской Церкви память не включена.

Тропарь[5], глас 1. Подобен: Пустынный житель: Трапезундскаго царя последняго/ благохвально за воспоим,/ Давида, добляго зело и терпеливнаго новомученика,/ с Божественным царем Мануилом и Георгием, чады его,/ и Алексием, доброхрабрым сродником, взывающе:/ Слава Укрепльшему вы,/ слава Венчавшему вы,/ слава вашими молитвами верным Дарующему милость.

Кондак, глас 8. Подобен: Взбранной: Царевичей страдальцев троицу поим/ с Алексием сродником их кровным/ и Давида, Трапезундскаго царя,/ новых мучеников славных,/ яко благочестия образы/ и новопоженныя крины,/ любовию взывающе:/ святии новомученицы, радуйтеся.

XVI век

172 святых преподобномученика обители Косиница (+ 24 апреля 1507 г.)

Преходящее празднование в неделю Фомину

Просветительская деятельность обители Косиница Драмской митрополии (Восточная Македония) Элладской православной Церкви раздражала турецкие власти. Налеты турок и болгар на монастырь продолжались. Узнав об очередном приближении гонителей, монахи спрятали чудотворную икону Божией Матери и богослужебные книги, а сами вышли навстречу с дарами. 145 монахов, 24 иеромонаха и 3 иеродиакона были зарезаны.

Тропарь[6], глас 1. Подобен: Пустынный житель: Постническими боре́нии Христа просла́висте,/ в Коси́нице[7] монахов Божественное собра́ние,/ и мученицы сотвори́стеся Христо́вы,/ неми́лостивно закла́ннии от беззако́нных:/ сего ради яко преподобнии и страстотерпцы,/ чтим вас, поюще:/ слава Укре́пльшему вы,/ слава Венча́вшему вы,/ слава Да́рующему вами нам прегрешений оставление.

Кондак, глас 4. Подобен: Вознесыйся на Крест: Коси́ница обитель свята́я,/ сто и семьдесят и два Божественных отца́/ поет, ублажа́ющи./ В сей бо свершили жительство святое/ и супоста́тов потерпеша устремления крепкоду́шно,/ и с мученик ныне соборы веселятся,// Троицу прославля́юще.


Святой преподобномученик Антоний Супральский или Карийский (+ 4 февраля 1516 г.)

Память 4 февраля

Тропарь: Укра́йны отрасль, руси́нов[9] удобре́ние,/ новоявле́ннаго страстоте́рпца Спа́сова Анто́ния/ да почти́м согла́сно, ве́рнии,/ той бо кре́пце за Христа пострада́,/ Афона же показа́ся новая звезда и Солуни похвала́:/ слава Да́вшему тебе крепость,/ слава Да́вшему ти чудес благода́ть,/ слава тебе ради наша прошения Исполняющему.


Святым Иакову преподобномучнику и его ученикам Иакову диакону и Дионисию монаху (+ 1 ноября 1520 г.)

Память 1 ноября

Преподобный Никодим Святогорец поместил житие святых в «Новый Мартирологий»[10]. Позднее оно было переведено и опубликовано в составе «Афонского патерика»[11].

Тропарь, глас 4. Подобен: Вознесыйся на крест: Ангельски на земли пожив,/ Апо́столькую восприя́л еси благода́ть,/ и покаяния проповедник,/ и учитель по́слан быв,/ показа́л еси жела́ющим спасе́ния стезю,/ тем и к страсти угото́вися до́блественно,/ с крепкими состра́дальцы твоими,/ Иа́ковом диа́коном и Диони́сием монахом,// мудре преподобному́чениче Иа́кове велича́йший.

Святой мученик Иоа́нн Янни́нский (+ 18 апреля 1526 г.)

Память 18 апреля по н. ст.

Прп. Никодим Святогорец поместил житие в «Новый мартирологий»[12].

Тропарь, глас 3: Подобен: Божественныя веры: Отрасль Янни́ны прекра́сная,/ слава Боже́ственная Це́ркве,/ Иоанне всехва́льный, показа́лся еси,/ мучеников бо поревнова́в подвигу,/ в пламени боре́ние соверши́л еси./ Мучениче сла́вне,/ Христа Бога моли,// дарова́тися нам велией милости.

Святой новосвященномученик Евфимий, митрополит Родосский (†1529)

Память 9 августа

Тропарь, глас 3. Подобен: Божественныя веры: Ра́дуяся, за па́ству пострадал еси,/ и посрамил еси иноземцев высоковыйную дерзость, Евфимие:/ ты бо, тепле возлюбив Господа,/ возшел еси ревностно Сего крепостию./ Тем молися Ему непреста́нно, пресла́вне,/ дарова́тися нам велией милости.

Кондак, глас 8. Подобен: Взбранной: Яко иера́рха Христова всесвященнаго/ и страстотерпцев подража́теля неподвижимаго,/ восхва́лим тя в песнех с веселием./ Но яко славы общник соделавыйся Господа твоего,/ молитвами предста́тель буди выну вопиющих ти:/ радуйся, отче Евфимие.

Собор преподобномучеников и священномучеников Строфадских[16] островов и обители святаго Дионисия во граде Закинфе (†1537)

Икона Пресвятой Богородицы Мегарская

 

Икона Пресвятой Богородицы Мегарская, яже в Неа Месимврии
(Празднование в Светлый Четверток)

 

Тропарь, глас 1.

Подобен: Пустынный житель:

Честнéй Твоей иконе поклоняющеся, Богоневéсто,/ милость почерпáем и благодать очищéний сияющую./ В Месимврúйстей же вéси тресвéтло Духа изливáеши реку,/ от Мегáр пришéдши, яко богодéйственный Истóчник./ Рáдуйся, Мегáр Весéлие,/ рáдуйся, слáдкое Утешéние,// рáдуйся, яко тóчиши душáм целéний струи.

Перевод выполнен по тексту: 

Служба прп. Никифору Прокаженному

Обложка издания,
по которому выполнен перевод

pdf

word

Служба преподобному Никифору Прокаженному составлена монахиней (кафигуменией) Исидорой на древнегреческом языке. Утверждена священным Синодом Элладской Церкви 7/21 октября 2013 года.

Перевод выполнен по изданию:  Ακολουθία του Οσίου και Θεοφόρου Πατρός ημών Νικηφόρου του Λεπρού και Θαυματουργού: Μετά Παρακλητικού Κανόνος, Χαιρετισμών και Αγιασμού. Σσ. 128.  ISBN 9788835369523.

Святой великомученице Злате (Хрисе) Могленской тропарь и кондак

 

Память 13 октября, 18 октября.

 Тропарь, глас 1.

Страдáнием своим житие земное/ в Небéсное Божéственное злáто преобразúла еси,/ мученическою крóвию/ свет богопознáния явúла еси,/ с Горы вéчных/ ныне дúвно сияеши со Ангелы./ Новомученице Злáто, молим тя:/ молú Владыку мира,/ да помилует вся// пáмять твою святую почитáющия.

Кондак, глас 4.

Яко блистáющее злáто/ свéтом богопознáния озарéна/ роду своему сéрбскому явúся,/ девúце пресиянная,/ егда пред безбóжными мучители/ веру Православную/ кровию своéю свидéтельствовала еси,/ и от супостáт озлоблéния/ мýченическою смéртию спаслáся еси,/ и в нéдра Христа, Жениха твоего возлетéла еси// яко пречúстая голубúца Цáрствия Небéснаго.

Тропар, глас 1.

Страдањем својим житије земаљско си преобразила у небеско божанствено злато; мученичком крвљу си пројавила светлост богопознања; са Гора вечних дивно светлиш сада са Ангелима, Новомученице Злато, молимо те, моли Владику света да помилује све који поштују свети спомен твој.

Кондак, глас 4.

Као блиставо злато, свјетлошћу богопознања обасјана, јавила си се роду своме српскоме, дјевице пресјајна, када си пред безбожним мучитељима Вјеру Православну крвљу својом посвједочила, и од Турскога јада мученичком смрћу се спасила, и у наручје Христа, Женика твога, узљетела као пречиста голубица Царства Небеског.

Тропарь и кондак составлены по благословению митрополита Амфилохия в 2007 году и опубликованы вместе с акафистом. Перевод выполнен по черногорскому изданию акафиста (Превлака, 2011 год).

Сщмч. Филумену Святогробцу служба

Работа над переводом завершена. Полная версия с малой вечерней — ниже и в файлах:  

pdf   word    

Переведено с греческого текста, составленного господином Харлампием Бусья, утвержденного 18 октября 2001 Патриархом Иерусалимским Иринеем Ι, опубликованного на Кипре по благословению митрополита Морфского Неофита, по изданию: ΑΚΟΛΟΥΘΙΑ ΤΟΥ ΑΓΙΟΥ ΝΕΟΥ ΙΕΡΟΜΑΡΤΥΡΟΣ ΦΙΛΟΥΜΕΝΟΥ ΤΟΥ ΚΥΠΡΙΟΥ, Νοέμβριος 2010, Κύπρος. ISBN 9963-8784-0-7.

Месяца ноября двадцать девятаго дня празднуем память
святаго священномученника

ФИЛУМЕНА СВЯТОГРОБЦА

НА МАЛЕЙ ВЕЧЕРНИ

На «Господи, воззвах», глас 4.
Подобен: Яко добля:

Орýнды прозябéние,/ отóка Кúпрскаго удобрение/ и Цéркве Сиóнския новоутверждéнная огрáдо,/ Филумéне премудре,/ воспевающе тя, светло взываем:/ изрядный священнострадáльче,/ не престáй, Христа умоляя,/ избáви твоими молúтвами// льстúваго злóбы.

Яко сокровище всечестнóе,/ нетлéнное тéло твое, Филумене,/ в Сион принесóша/ благодáтию Божия Духа/ и положúша в Сихéме,/ прославленное во ограде Иáковля студенцá,/ яко да выну семý покланяющеся благоговéйно,/ благодать почерпáем,// от них искипáющую.

Безчéстных тéслица/ немилосéрдно тя умертвú/ в последняя лета, честный Филумене,/ у клáдязя святаго,/ идеже самаряныню срéте Христос,/  Богочеловек и Господь,/ Иже прият святую душу твою/ в Чертоги Небéсныя радости// и Божéственнаго блаженства.

Священников правило/ и мучеников похвала/ днесь да поется святыми пéсньми/ Филумен богонóсный,/ огнь многосвéтлый Христовы любвé,/ благоговения и благодати сиянии/ и добродетели страстотéрпческия лучáми/ озаряяй в подсóлнечней// православных собрания.

Слава, глас 2:

Мучéния вкусúвшаго чашу/ у Иáковля живонóснаго студенцá,/ Филумéна, новаго священнострадáльца,/ вéрнии, да восхвáлим:/ сей бо, возжадáвый издéтска/ любвé и прáвды Господни,/ яко елéнь, потечé/ ко истóчником спасения,/ Ставровунúйстей горе и Мéстом Святым,/ и ныне Христý, Источнику животá,/ свеселяся непрестáнно,/ молит Его освятúти// любовию право прáвящих слово Истины.

И ныне, глас тойже:

Все упование мое на Тя возлагаю,/ Мати Божия,// сохрани мя под кровом Твоим.

На стиховне, глас 2.
Подобен: Доме Евфрафов:

Кровьмú свящéнными/ рúзу твою очервленúв,/ у клáдязя, мýчениче, Иáковля,/ возшел еси// к Едему, Филумéне.

Стих: Праведник яко фúникс процветéт,/ яко кедр, иже в Ливáне, умножится.

Цвéтице младóе Орýнды,/ благоуханием твоих дóблестей/ окропил еси/ Христову Церковь,// богокрáсный Филумéне.

Стих: Насаждéни в дому Господни,/ во двóрех Бога нашего процветут.

Радуйся, страдальцев/ и иерéев слáво,/ честных священномученик древних/ подобноревнúтельный// Филумéне треблажéнне.

Слава, глас и подобен тойже:

Силу изобильно прияв,/ Троице Святая,/ по благодати Твоей/ прослáви Твою державу// страдáнием Филумéн.

И ныне, глас и подобен тойже:

Чадо возлюбленное/ Сына Твоего, Богородице,/ Филумéн божественный,/ Его ради, любóвию// в Сихéме пострадал есть.

 

НА ВЕЛИЦЕЙ ВЕЧЕРНИ

На «Господи, воззвах», глас 1.
Подобен: Небесных чинов:

Пéсненно сошéдшеся, да торжествýим,/ совершáюще пáмять/ Филумéна божéственнаго,/ в нáша бо временá/ деянием очищéн,/ пóдвигом страдáльчества просия,/ от Бога достойно прияв// победы венец нетлéнный.

Святому блаженному Августину тропари и кондаки

 

Тропарь, глас 5. Подобен: Собезнача́льное Слово:

Августина вели́каго восхва́лим,/ священнонача́льника боже́ственнаго Це́ркве Христовы/ и мудраго путевожда́ к Вышнему Гра́ду,/ Богослова сла́внаго,/ молитвы де́лателя и столпа покаяния:/ молит бо Господа// во еже поми́ловатися душам нашим.

Ин, глас 3. Подобен: Боже́ственныя веры:

Божия Духа светел сосуд/ и Града Божия предвозвеститель/ показался еси, Августине блаже́нне,/ Спасу чисто священнодействуя,/ я́коже мудрый святитель и богоприя́тный./ Отче чистейший[1], Христа Бога моли,// дарова́ти нам ве́лию милость.

Кондак, глас 2. Подобен: В Вышних ища:

Свет Христов прияв в сердце твоем/ и свет соде́лався,/ ве́рныя озарил, врази́ же попалил еси,/ мудрыми твоими, отче, писа́ньми,/ Августине блаже́нне,// Христа выну моли о всех нас.

Ин, глас 8. Подобен: Взбра́нной:

Яко премудрости притяжа́вый светлость,/ благочестия показался еси Божественный орган,/ священнонача́льниче Августине, Христов угодниче./ Но якоже таи́нник вышния любве,/ воскриля́й ны к Божию рачению,/ вопиющия ти:/ радуйся,// отче богоприя́тне.



Перевод первых тропаря и кондака выполнен по изданию: «Служба святому отцу нашему Августину» (на древнегреческом языке). Афины, 1914 год.
http://83.212.248.218:8991/exlibris/aleph/a22_1/apache_media/TP4HY35HTL1JSS8XKFIKXK64592P6I.pdf
Составлена Иоанном Даниилиду, архимандритом и духовником, Святогорцем.
Перевод инаго тропаря и инаго кондака выполнен по изданию: 
«Житие и служба иже во святых отца нашего Августина, епископа Иппонскаго» (на древнегреческом языке). http://www.libraryoac.gr/images/pdf/7012.pdf
Составлены монахом Герасимом Святогорцем из скита Малой Анны (Микрояннитом).

[1] Вариант перевода: преподобный.

Тропарь святой блаженной Монике, матери св. Августина

Тропарь, глас 3:

Милосердием Твоúм, Владыко,/ приклонúлся есú святыя Мóники слезáм,/ яже о сыне своем молúтвы возношáше./ Ныне же предстáтельствы сея с сыном/ дáруй, Мúлостиве и нам/ грехú наша оплáкати// и прощение Твое улучúти.

Преподобной Анне Вифинской тропарь и кондак

Тропарь, глас 1. Подобен: Пустынный житель:

Мужеу́мным разумом/ сла́стная попра́вши, Анно,/ крепким всеору́жием/ Олимп озари́ла еси./ Подру́жия бо и чад возлюбленных лишение/ терпели́вно претерпе́вши,/ обоже́ния осиянием,/ во смирении, мати, обогати́лася еси./ Слава прославльшему тя Христу,/ слава Давшему ти чудес благодать,// слава Действующему тобою всем исцеления. 

Кондак, глас 8. Подобен: Взбранной:

Сласте́й отри́нувши неи́стовство/ и вмужи́вшися благода́тию Уте́шителя,/ обоже́ния оде́ялася еси луча́ми:/ темже Оли́мп и Боспор осия́вши,/ испуща́еши исцеле́ний дарова́ния вопиющим:/ ра́дуйся, Анно богосве́тлая.   

  

Ἀπολυτίκιον. Ἦχος α΄. Τῆς ἐρήμου πολίτης.

Ἀῤῥενόφρονι γνώμῃ, ἡδονὰς καταπτύσασα, Ἄννα ἀνδρικῇ παντευχίᾳ, κατελάμπρυνας Ὄλυμπον. Συζύγου γὰρ καὶ τέκνων προσφιλῶν, τὸν πότμον ὑπομείνασα στεῤῥῶς, τῆς θεώσεως τὴν αἴγλην, ἐν ταπεινώσει Μῆτερ κατεπλούτησας. Δόξα τῷ σὲ δοξάσαντι Χριστῷ, δόξα τῷ σὲ θαυμαστώσαντι, δόξα τῷ ἐνεργοῦντι διὰ σοῦ πᾶσιν ἰάματα.

Κοντάκιον. Ἦχος πλ. δ΄. Τῇ ὑπερμάχῳ.

Τὴν τῶν ἡδέων ἀποῤῥίψασα σκαιότητα, καὶ ἀνδρωθεῖσα Παρακλήτου ἐν τῇ χάριτι, τῆς θεώσεως ἐνδέδυσαι τὰς ἀκτῖνας· διὸ Ὄλυμπον καὶ Βόσπορον λαμπρύνασα, διαχέεις ἰαμάτων τὰ χαρίσματα, τοῖς κραυγάζουσι· Χαίροις Ἄννα θεόφωτε.