Преподобному Гавриилу Иверскому, Самтаврийскому (Ургебадзе) служба

pdf   word

Служба преподобному и Богоносному отцу нашему, ГАВРИИЛУ ИВЕРСКОМУ,
Самтаврийскому

Вечер

На Господи, воззвах стихиры, глас 1.
Подобен: О дивное чудо:

О дивное чудо!/ Мúра себе удалúвый/днесь в концех земли прославляется/и просветитель отéчеству своему бывает:/ веселися, Ивéрие,/ Богородичен удéле,/ возопием, вернии,/ Гавриúла Богомýдраго имýще ходатая:// преподобне отче, радуйся,/ моли благоутробнаго Господа/ Церкви даровáти мир// и вéлию милость.

Твоя хвалят добродетели/ правослáвнии людие,/ Богонóсе Гаврииле,/ смирéние и милосéрдие,/ и любвé Божéственныя блистáние,/ и терпéния столп неколéблен./ Тем, припáдающе ко образу твоему, просим:/ предстáтельствуй, святче, за ны,// моли Христа Бога,/ да избавит от бед//и остáвит беззакония наша.

Радосте сподвúжников,/ Православия утверждéние,/ избрáнный служúтелю Святыя Троицы,/ Ангелов дрýже,/ от земных в Небéсный Вертоград возшéдый,/ и тáмо, яко цвет, вкоренúвыйся,// ныне Садодéлателя благáго умоли/ окропити рóсою благодати и ны,// углéбшия в соблáзнах и бéдствиих.

Ины, глас 4.

Подобен: Яко добля:

Яко Евангелия истинный послýшатель,/ Гаврииле преподобне,/ и заповедей Христовых усердный дéлатель,/ своих воль хотения оставив,/ крепко на страсти ополчúлся еси/ и прият от Бога разсуждéния венец./ Егоже моли/ победы на сопротúвнаго даровати// вéрою совершающим память твою.

Дáры Утéшителя/ бýими притворéнии/ в сéрдцы своем потаúвый,/ и на камени вéры утверждéн,/ вся безбожных шатáния попрáл еси,/ Спаса Христа проповéдуя имя./ Сего ради Ангелов лúкове/ и православных собрáния// ныне тя хвалят любóвию, рáдующеся.

Светел лицéм,/ рáдуяся о Дýсе Святе,/ милостию к себе привлекáше/ ближних и дальних,/ овому воумлéнии, овому обличéнии,/ вся всем содéлався, отче премúрне,/ темже и ныне к тебе притекáющия/ и на заступление твое уповáющия// поможéнием не остáви, святе.  

Слава, глас 6:

Взéмше свирéли мысленныя,/ взыгрáем прáзднственная,/ благословúм Христа, Бога нáшего,/ явúвшаго таковáго печáльника/ отéчеству своему,/ людем удéла избрáннаго,/в пáстырех дúвнаго./ Тому хвалéбная да вознесем:/ты еси úноком рáдование/ и велúчие Картлú,/ и чудес истóчник,// и великий нам помощник и заступник.  

Вход. Прокимен дне. И чтения три.

Пророчества Исаии чтение. Тaко глаголет Господь: вси языцы собрашася вкупе:

Премyдрости Соломони чтeние: Прaведных дyши в руце Божией:

Премyдрости Соломони чтeние. Прaведницы во веки живут:

На стиховне стихиры, глас 5.

Подобен: Радуйся, живоносный Кресте:

Радуйся, сокрóвищнице богоугоднаго нрава,/ ризою смирения покровéнная,/ в нейже яспис и топáзий сияют,/ кротость и долготерпéние твоя,/ и адамáнт веры прáвыя,/ бúсер бдéния и трезвéния,/ и маргарит молитвы непрестáнныя/ в злáте любве и мúлости./ Вся сия ныне Богу явúвшу,/ воспевают чáдца церкóвная, взывáюще:/не престай, угóдниче Христов, моляся// еже спастúся душам нашим.

Мч. Виктору Марсельскому тропарь

Святой мученик Виктор Марсельский (Victor de marseille martyr)
Память, указанная св. Иоанном Шанхайским - 10 октября, память, указанная в Джорданвилльском церковном календаре - 21 июля.

Святому Виктору, мученику Марсельскому
тропарь, глас 1:
Рúмскаго вóинства сóтниче,/ úже отречéся Христá предáти/ и лóжным богóм пожрéти,/ во узилúще же ведóмый/ к вéре обратú стрегущия:/ Алексáндр, и Лóнгин, и Фелисиáн/ во Христá увéроваша,/ ты же, яко пшенúца/ Хлебу Жúзни уготовляемая,/ измельчéн и сокрушéн быв,/ святе Викторе, моли Христá Бога,// спастú души наша.


Из доклада свт. Иоанна Шанхайского:

"Весьма чтимым издревле является в Марселе мученик Виктор, пострадавший с обращенными им стражами Александром, Фелицианом и Лонгином. Над их гробницами преп. Кассиан Римлянин создал свой монастырь, в котором подвизался и почил. В православном месяцеслове имеется несколько мучеников с тем же именем Виктора, но из описаний их страданий видно что, то – разные мученики.
Мч. Виктора (Viktor) из Фивейского легиона (ок. + 300 г.). Мощи находятся в Ксантене, в церкви его имени".

Небольшой фильм по теме
 

Краткие сведения о святом мученике Викторе Марсельском:

Воин Христов, носящий имя Виктора, или Победоносца, родился в III веке, в Марсельской благородной семье. Военную службу он проходил с мужеством и усердием.
 

Свт. Ливерию начало службы

Полная служба в pdf

Тропарь, глас 1

Приидите, немощствующии и боримии,* и лестью века сего обстоимии,* притецем ко священноисповеднику Ливерию* покаянием припадающе и вопиюще:* иже верным пребывый Единосущней Троице,** дерзновенно моли спастися нам.

Месяца августа двадцать седьмаго дня празднуем память

святителя Ливерия, папы Римскаго
На Господи, воззвах поставим стихов 6: преподобному 3
и святителю три, глас 6. Подобен: Все отложше:

Днeсь собрaвшеся,* о, праведниколюбцы,* песньми церковными да восхвaлим* святителей удобрение,* вeлию исповедников похвалу,* крепкаго веры правослaвныя поборника:* рaдуйся, Ливeрие,* пaстырю дивный,* волки мiра сего не устрашивыйся,* и ныне на небесех вселивыйся,* отнюдуже озаряеши ны** блистaнием слaвы, о блаженне.

Cвятым мученикам Лионским тропарь

На фреске: святая мученица Бландина Лионская

Память святых мучеников Лионских 25 июля ст. ст. / 7 августа н. ст.

Тропарь, глас 1.

О, святии мýченицы Лиóнстии,/ вы за славу Вседержúтелеву/ дóбле вóинствовавше,/ лéстчих ков избегóсте,/ слáву мирскýю презрéсте,/и того ради венцами безсмертия увенчáстеся./ Молúтвами вашими,/ человéков застýпницы,/ дáруйте нам здрáвие/ душéвное и телесное.


Синаксарий

В 177 году, в разгар гонений Марка Аврелия, когда не щадили ни женщин, ни стариков, ни детей, были схвачены христиане из Лиона и Вьенны – главных городов Галлии. Претерпев множество оскорблений и издевательств от язычников, они были приведены в суд и допрошены трибуном и магистратами Лиона. Христиане твердо исповедали веру, тогда их заключили в тюрьму вплоть до возвращения правителя.

Прп. Стилиану Пафлагонскому акафист

АКАФИСТ

Преподóбному и богонóсному отцу нашему
СТИЛИАНУ Пафлагóнскому,
предстáтелю чáд и безчáдных жен

Кондак 1
Избранный чудотвóрче Христов и скóрый помóщниче, преподобне отче наш Стилиáне, прославляюще Бога, от утрóбы матерни тя освятившаго, похвáльная восписýем ти; ты же, яко теплый предстáтель и милостивый, от всяких нас бед свободи, да зовем ти:

Радуйся, преподобне Стилиáне, великий чудотвóрче.

Икос 1
Ангелов и человеков Творец избрá тя изначáла, да прослáвиши ангельским твоим житием имя Святыя Троицы, и мирскáя отринув попечéния, возблистáеши, яко Солнца правды луча светлéйшая. Мы же, зряще твоя всечестныя подвиги, смирением и радостию глаголем ти сицевая: