АКАФИСТ
преподобней матери нашей Александре Дивеевстей
Кондак 1
Избрáнней Владычицею Небесною основáти четвéртый удел Ея во вселéнней, яко тéплыми ходáтайствы твоúми укрепляемии, благодарственная восписýем ти, обители твоея питомцы и вси добродéтельми твоúми наставляемии: спасéния нам от Господа испросú, да зовем ти:
Радуйся, преподóбная мáти Алексáндро, дúвнаго Дивéева первоначáльнице.
Икос 1
Ангелом в боголюбии подражáющи, по земнéм вдовствé на Гóспода все уповáние возложúла еси и, в молúтвах день и нощь пребывáющи,
Сему уневéститися возжелéла еси, тáинственно в душú рекýщи: мимотекýщих стяжаний отложúвшися, к Тебе, богáтому мúлостию, текý. Мы же, таковому мужемýдрию дивящеся, воспевáем:
Рáдуйся, богатства преизобúльнаго отвратúвшаяся; радуйся, еже повиноватися паче нéже повелевáти возлюбльшая.
Радуйся, рекó молений златострýйная;
радуйся, земле, тóки благодáти орошéнная.
Радуйся, яко сокрóвище себе на Небеси сокрыла еси;
радуйся, яко прежде Царствия Божия и правды Его взыскала еси.
Рáдуйся, страх Господень во основáние полóжшая;
рáдуйся, самоукорéнием к высоте терпéния возшедшая.
Радуйся, яко тобою вослед Спасителя ходити научаемся;
радуйся, яко твоими дéлы к ревности духóвней управляемся.
Радуйся, Тамбóвския страны изящное процветéние;
радуйся, земли Рýсския многоценное удобрение.
Радуйся, преподóбная мáти Алексáндро, дúвнаго Дивéева первоначáльнице. Кондак 2
Видящей ти мироотрéчнаго жития красоту, того желáнием сердце твое прободéся. И, Промыслúтелем управляема, в гору Киева со дщéрию пришéдши, во обúтели Фрóловстей на стезю монашескую ступила еси, Дародáтелю вопиющи немóлчное: Аллилуиа. Икос 2
Разумом богопросвещéнным преукрашéнна, воúстинну блажен муж содéлася, совета нечестúвых бéгающи, лику же монáшескому богоизбрáнному крéпко прилепúся, тéмже и возопú тя постригáющему: пóстническаго жития усéрдно желáю, отче. И нам ревности духовныя испроси, возглашáющим ти сицевáя:
Рáдуйся, Кúевским преподóбным отцéм пламенная споспешнице; рáдуйся, честным инокúням Фрóловским непорочная совсéльнице.
Радуйся, сéрно, стрáстных тенéт отбéгшая;
радуйся, голубúце, сéтей греховных пáгубу прелетéвшая.
Рáдуйся, яко всеусéрдно мытарéво смирéние возлюбúла еси;
радуйся, вéрою твéрдою произволéние укрепúла еси.
Радуйся, зарнице ясная благорéвностных подвигóв;
радуйся, увядéние всеконéчное лукáвых помыслóв.
Радуйся, вкупе со слепцы Евáнгельскими вослéд Иисýсу Сладчáйшему: помилуй мя — выну зовущая;
радуйся, в лúце убогих и немощных пред лúком Его себé поставляющая.
Радуйся, чернорúзицам зерцáло благоговéния;
радуйся, добролюбивым женáм ясный óбразе. Радуйся, преподóбная мáти Алексáндро, дúвнаго Дивéева первоначáльнице. Кондак 3
Сила Вышняго осенú труды твоя Царствия ради Небéснаго. Ты же, грéшну себе вменяющи, Застýпнице Усéрдней по вся дни и нóщи тéпле моляшеся и на ходáтайство Ея всю надéжду спасéния полагáше, о нас пред Всецарем выну предстáтельствующей и прúсно взывающей: Аллилуиа. Икос 3
Имýщая благоутрóбия бéздну Пречúстая Дева предстá ти, глагóлющи: Аз Госпожа и Владычица твоя, Ейже присно мóлишися. Возвещáю ти волю Мою: изыди отсюду, рабó Моя, грядú в зéмлю, юже ти укажý. Тáмо обитель вéлию возведý, четвертый Мой жребий, первых трех величáйший. Благодать же, и сила, и мúлость, и щедрóты Моя выну пребýдут с тобою. Сему явлéнию ныне дивящеся, мати любобезмóлвная, похвалы ти сплетáем: Рáдуйся, в полнóщнем бдéнии чýднаго посещéния сподóбльшаяся; радуйся, Богорóдицею ко исполнéнию вóли Ея избрáнная.
Радуйся, в молчáнии Царя Предвечнаго собесéднице;
радуйся, в смиренномýдрии Невесты Неневестныя таúннице.
Радуйся, живою верою сердце несмущéнное стяжáвшая;
радуйся, терпением о Господе воскрилéнная.
Радуйся, благоухáние премудрости духóвныя;
радуйся, благолéпие простоты многобогáтныя.
Рáдуйся, яко скорбéй, в рáзум úстины вводящих, не отвратúлася еси;
радуйся, яко ко искушéнием телéсным всéю крéпостию уготóвилася еси.
Радуйся, дерзновéния úскренняго проповéдание;
радуйся, крепкодýшия úстиннаго показáние.
Радуйся, преподóбная мáти Алексáндро, дúвнаго Дивéева первоначáльнице. Кондак 4
Бýрю смятéния прелетéвши вéры крылóма, éже вся с советом твори поминáющи и уповáния на ся бéгающи, ты, боголепная мати, стáрцы смирéнием вопрошáше: како бысть посещение таковóе? Сúи же по молúтве соглáсно отвещавáху: бесовóм Язве, Владычице мира кáко в видéнии лóжнем явúтися мóщно, рцы нам! Обáче волю Вышнюю приими и благоговéнием возопúй: Аллилуиа. Икос 4
Слышащи таковая премудрая словеса, стрáнствие по велéнию Пречúстыя Богомáтере восприяла еси, труды дáльняго пути шествия изнуряема, жаждею и гладом, стýденем и знóем обуревáема. Испроси и нам в стрáнствии по юдóли земней опалéние браней крепкодýшне претерпевáти, воспевáющим ти: Рáдуйся, яко во исполнéнии воли Вышния себе отвéрглася еси; рáдуйся, яко в сем скóрби гóрькия ни во чтóже вменúла еси. Радуйся, от Самáго Христа смирению и кротости научившаяся;
